Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

108-shınıg’ıw. To’mendegi berilgen tirkewishlerdi tu’pkilikli, atawısh ha’m feyil tirkewishlerge ajıratıp, kestege tu’sirin’.
Tirkewishler: boylap, ushın, sayın, son’, qaray, deyin, shekem, tuwralı, qarap, jo’ninde, arasında, qaddinde, boyınsha, beter, arqalı, ta’repinen, ilgeri, go’re, pishinde, keyin, qaramastan, say, sa’ykes, qarap, bola, qarag’anda, o’zge, bo’ten, tıs, bosqa, ra’wishte, retinde, jayında, kibi, taman, jag’alap, beri, berli, bermag’an, yan’lı, tısqarı, jaylı, quraqım, ta’rizli, boyı, sekilli, jaqın, u’stinde, taqlette, qurlı, taman, baslap, ma’ttal, qurlım, tusında, sıpatında, shelli, arasında.
U’lgi:
Tu’pkilikli tirkewish Atawısh tirkewish Feyil tirkewish
ushın ... son’ ... qaray ....
109-shınıg’ıw. To’mendegi tekstten tirkewishlerdi tawıp, dizbeklesipkelgen so’zi menen birge astın sızın’. Olardın’ qanday ma’nilerdi bildirip turg’anın aytıp berin’.
1. Ku’n sayın ratsiya arqalı eki jaq xabarlasıp turadı (A.O.). 2. Awızdan lebiz shıg’ıwı ma’ttal, jasawıllar shaqqanlastı (T.Q.). 3. Balıqshılar muzg’a mingennen berli, awıldag’ı kempir-g’arrılar da qarap otırmadı (O’.A.). 4. Ushıg’a ot jag’ıw menen-aq, jaydın’ ishi jılıp qoya berdi (O.B.). 5. Biraq qarasatug’ın qa’wenderi bolmag’anı sebepli, ol ko’p qıyınshılıq ko’rdi (M.D.). 6. Saq iyt biytanıs adamlar jaqınlag’an sayın, kem-kemnen qattıraq arpıldada (O’.X.). 7. Ol bul sıyırlardı da birew bilmesi birew gu’manlanıp ju’re me degen qıyal menen joldag’ı bir awıldan alg’an edi. 8. Jası u’lkenlerin’ sag’an o’tinish penen kelgen eken (T.Q.). 9. Sarıgu’l Ja’miylanı alıp qaytıw ushın Aqda’riyag’a ketti (K.S.). 10. Olar tu’slenip alıw ushın jan’ag’ı u’yge kirdi (A.A.). 11. Mallar jazı menen otarda boldı. Ta’jibay atanın’ barg’an jeri jaz boyı — el qonbag’an (J.S.). 12. Tu’ske taman awıl diyxanları ag’ıtılıp kele basladı. Abat penen Turdımurat bayag’ı tanısıwdan keyin ayrılmas dos bolıp qalg’an edi (T.Q.). 13. Endigiden bılay o’zin’nen ruxsatsız bir tu’yip de ju’zim almayman (J.A.).