"qimmatbaho zargarlik buyumlari va qimmatbaho toshlarni baholash"

Bitiruv malakaviy ishining maqsad va vazifalari. Ishning maqsadi bo’lib,
qimmatbaho zargarlik buyumlari va qimmatbaho toshlarning bozor qiymatini
baholashning nazariy va metodologik asoslarini tizimli o’rganish negizida tegishli
xulosalarni shakllantirish, nazariy taklif va amaliy tavsiyalar ishlab chiqish yo’li
bilan zaruriy bilim va amaliy ko’nikmalarga ega bo’lishdan iborat.
Ushbu maqsadga erishish uchun quyidagi vazifalar belgilab olingan:
- qimmatbaho zargarlik buyumlar haqida asosiy ma’lumotlarni ko’rib
chiqish;
- qimmatbaho zargarlik buyumlari va qimmatbaho toshlarning asosiy
xususiyatlari va ularning proba tizimlarini yoritib berish;
- qimmatbaho zargarlik buyumlari va qimmatbaho toshlarni baholashning
asosiy tamoyillari va axborot ta’minotini o’rganish;
- qimmatbaho zargarlik buyumlari va qimmatbaho toshlarni baholashda
mulkni baholash milliy standartlaridan foydalanishni ko’rib o’tish;
- mulkdor Gafurova Gulnora Mansurovnaga tegishli zargarlik buyumlarini
garov qiymatini aniqlash;

---

5
- qimmatbaho zargarlik buyumlari va qimmatbaho toshlarni birlamchi hujjat
asosida qiymatini hisob-kitob qilish
- qimmatbaho zargarlik buyumlari va qimmatbaho toshlarni baholash
tahlilini amalga oshirish.
Bitiruv malakaviy ishning obyekti va predmeti. – Garov maqsadida
MCHJ “UNIVERSAL APPRAISERS GROUP” baholash tashkiloti tomonidan
baholangan mulkdor Gafurova Gulnora Mansurovnaga tegishli zargarlik buyumlari
ishning obyekti hisoblanadi. Ishning predmeti – zargarlik buyumlarining bozor
qiymatini baholash mexanizmi va bunda yuzaga keluvchi mulkiy, moliyaviy,
iqtisodiy munosabatlar.
Bitiruv malakaviy ishining nazariy-amaliy ahamiyati. Ushbu bitiruv ishi
doirasida ko’rib chiqilgan qimmatbaho zargarlik buyumlari va qimmatbaho toshlar
tasniflash va tavsiflash, mulkni baholashga oid bo’lgan iqtisodiy adabiyotlar
hamda mulkni baholash milliy standartlari ishning nazariy ahamiyatini, konktret
baholangan obyektni baholash jaryoni tahlili va bu borada ishlab chiqilgan
tavsiyalar ishining amaliy jihatlarini belgilab beradi.