Qurilish tashkilotlarida buxgalteriya hisobining xususiyatlari bob. Qurilish tashkilotlarida buxgalteriya hisobini tashkil qilish asoslari

Debet 9220 “Boshqa aktivlarning chiqimi;
Kredit 9320 “Boshqa aktivlarni chiqimidan olingan foyda”.
9330 “ Undirilgan jarimalar, penyalarva boqimandalar” - ushbu schotning kreditida turli xo‘jalik shartnomalari shartlarini buzilishi natijasida, Shuningdek ko'rsatilgan zararlarni qoplanishi evaziga olingan daromad (foyda) summasi aks ettiriladi.
9350 “Qisqa muddatli ijaradan olingan daromadlar” - ushbu schotning kreditida qisqa muddatli ijaradan olingan daromad summasi 4820 “Qisqa muddatli ijara bo'yicha olinadigan to'lovlar” schoti bilan korrespondensiyalashgan holda aks ettiriladi
9360 “Kreditorlik va deponentlik qarzlarini hisobdan chiqarilishidan olingan daromadlar” - ushbu schotning kreditida muddatida (3 yildan oshiq muddatda) undirib olinmagan qarzlarni korxona foydasiga o'tkazishdan olingan daromadlar mos ravishda kreditorlik qarzlarni aks ettiruvchi schotlar (6010,6110,6710,6720,6910-6990 va boshqalar) bilan korrespondensiyalangan holda aks ettiriladi.
9380 “Qaytarilmaydigan moliyaviy yordam” - ushbu schotning kreditida turli yuridik vajismoniy shaxslardan qaytarib bermaslik sharti bilan olingan moliyaviy yordam summalari aks ettiriladi. Bunda olingan yordamning turini aks ettiruvchi schotlar, masalan, 5010 “Kassa”, 5110 “Hisob-kitob schoti”, 0100 “Asosiy vositalar schoti”, 1000 “Materiallar schoti” va boshqa schotlar debetlanadi.
9390 “Boshqa operasion daromadlar”- ushbu schotning kreditida yuqorida keltirilgan schotlarga olib borilmagan boshqa operasion daromadlar, masalan inventarizatsiyada aniqlangan ortiqchalar, turli qoplama summalar va boshqalar aks ettiriladi. Bunda mos ravishda TMZ vapul mablag'larini aks ettiruvchi schotlar (0100,1000,2800.2900. 5000 va boshqalar) debetlanadi.