Respublikasi oliy va o’rta maxsus ta’lim vazirligi

Talab miqdorining o‘zgarishi – talab miqdori(hajmi)ning talab 
egri chizig‘i bo‘yicha narxning o‘zgarishiga qarab siljishi.
Talab o‘zgarishi – talab egri chizig‘ining narxdan boshqa bir yoki 
bir necha diterminantlar o‘zgarishi natijasida siljishi.

---

376 
Talab egri chizig‘i – ma’lum bir vaqt mobaynida turli narxlar 
bo‘yicha xaridorlarning sotib olishi mumkin bo‘lgan tovar va xizmatlar 
miqdorining grafik orqali ifodalanishi. 
Talab elastikligi (egiluvchanligi) – xaridorga narxning o‘zgarishi 
qanday ta’sir qilishini, ya’ni narxning 1%ga o‘zgarishi sotib olinadigan 
tovar miqdorini qanchaga o‘zgarishini ifodalovchi iqtisodiy ko‘rsatkich. 
Tamoyil – faoliyat uchun asos qilib olinadigan qonun-qoida, 
nuqtayi nazar, qarashlar. 
Tanlovning muqobil qiymati – tanlov natijasida voz kechilgan 
imkoniyat ichidan tanlovchi uchun eng katta naf keltiruvchi yoki 
qadrlanuvchi imkoniyat. 
Tarkibiy ishsizlik – ish kuchi tarkibi, malakasi, mahoratining sekin 
o‘zgarishi, ish kuchiga talab tarkibi bilan mos kelmasligi tufayli kelib 
chiqadigan ishsizlik. 
Tarkibiy siyosat – milliy manfaatlarni ta’minlovchi, iqtisodiy 
o‘sishga yo‘l beruvchi, aholi farovonligini muttasil oshib borishiga olib 
keluvchi yangicha ishlab chiqarish tarkibini yaratish. 
Tarkibiy o‘zgarishlar – milliy iqtisodiyotni modernizatsiya qilish 
asosida tarmoqlar hududlar va boshqa iqtisodiy birliklar hissasini 
o‘zgartirish.
Tashqi savdo balansi qoldig‘i – mamlakatning eksport va importi 
farqi. 
Tashqi xarajatlar – chetdan jalb etilgan iqtisodiy resurslar uchun 
to‘langan pul mablag‘lari. 
Tovar – insonning biror-bir ehtiyojini qondirib, ayirboshlash 
(sotish) uchun ishlab chiqarilgan ne’mat.