Respublikasi oliy va o’rta maxsus ta’lim vazirligi

Import – chetdan mamlakatga olib kelingan tovarlar miqdori 
(qiymat o‘lchovida). 
Import qilingan inflatsiya – mamlakatga chet el valutasining kirib 
kelishi, milliy valutani past kursi va import qilinayotgan tovarlar narxini 
o‘sishi. 
Import samarasi – mamlakatning sof eksporti hajmining mamlakat 
ichida va chetdagi narx darajasi va ularning nisbatiga bog‘liqligi. 
Induksiya – empirik bilimdan abstraksiyaga o‘tish, xususiy 
xulosadan umumiy xulosa chiqarish usuli. 
Investitsiya – bu iqtisodiy samara (daromad, foyda) olish yoki 
ijobiy ijtimoiy natijaga erishish uchun sarflanadigan pul mablag’lari.
Investitsiya dasturi – respublika iqtisodiyotini barqaror va tadrijiy 
rivo;lanishiga erishishga qaratilgan, tabiiy, mineral xom ashyo, moddiy, 
mehnat, moliyaviy resurslardan oqilona, samarali foydalanish asosida 
ayrim tarmoqlar va hududlarda tarkibiy o‘zgartirishlarning asosiy 
ustuvorliklari va strategik vazifalarni amalga oshirishga yo‘naltirilgan 
bir-biri bilan o‘zaro bog’langan chora-tadbirlar kompleksi.
Investitsion muhit – bu mamlakatdagi investitsiya jarayonlariga 
ta’sir ko‘rsatuvchi iqtisodiy, siyosiy, huquqiy, me’yoriy, ijtimoiy va 
boshqa shart-sharoitlar majmui. 
Investitsiya normasi – investirsiyq hajmining YaIMga nisbati.
Innovatsiya loyihalari – yangi texnologiyalar, nou-xau va 
korxonalarning rivojlanishini ta’minlab btruvchi boshqa yangiliklarni 
ishlab chiqush va qo‘llashni ko‘zda tutgan loyihalar.
Inson kamoloti indeksi – aholi farovonligi, jamiyatda insonning 
barkamolligi ta’minlanishini ifodalovchi ko‘rsatkich. Jon boshiga to‘g‘ri 
keladigan YaMM, kutilayotgan yashash yoshi, ta’lim darajasi (25 yosh 
va undan kattalar) asosida hisoblanadi. 
Inson kapitali – odamlar yillar davomida to‘plagan bilim, malaka, 
tajriba tarzida bo‘lib, uni egasidan ajratib bo‘lmaydi.