Respublikasi oliy va o’rta maxsus ta’lim vazirligi

Institutsional ishsizlik – mehnat bozorining samarali tashkil 
etilmagani natijasida kelib chiqadigan ishsizlik.

---

361 
Intensiv iqtisodiy o‘sish – resurslarini tejab-tergab ishlatish, ishlab 
chiqarish samaradorligini oshirish evaziga iqtisodiy o‘sish. 
Inflatsiya – muomalada pul taklifining talabga nisbatan haddan 
tashqari ko‘payib ketishi oqibatida, pulning xarid quvvatini pasayishi, 
pulning obro‘sizlanishi. U narx indeksining ko‘tarilishida ifodalanadi. 
Iste’mol – ishlab chiqarish natijalaridan foydalanish, ehtiyojni 
qondirish jarayoni; 
Iste’molga o‘rtacha moyillik – yil davomida shaxs ixtiyoridagi 
daromadning iste’molga sarflangan qismi. Iste’molning daromadga 
nisbati tarzida hisoblanadi.
Iste’mol funksiyasi – iste’mol xarajatlari bilan shaxs ixtiyoridagi 
daromad o‘rtasidagi bog‘lanishni ifodalaydi. 
Iste’molga me’yoriy moyillik – qo‘shimcha birlik olingan shaxs 
ixtiyoridagi daromadning iste’molga sarflangan ulushi. Iste’moldagi 
o‘zgarish (∆S) ni, daromaddagi o‘zgarishga (∆Di) nisbati tarzida 
hisoblanadi. Jamg‘arishga me’yoriy moyillik – qo‘shimcha birlik 
olingan shaxs ixtiyoridagi daromadning jamg‘armaga sarflangan ulushi. 
U jamg‘arishdagi o‘zgarish (∆S) ning daromaddagi o‘zgarish (∆Di) ga 
nisbati tarzida hisoblanadi.
Ichki xarajatlar – ishlab chiqarish xarajatlarida korxonaning o‘z 
ixtiyoridagi resurslar qiymatining puldagi ifodasi. 
Ish kuchi migratsiyasi – turli sabablarga ko‘ra ishchi kuchining bir 
yerdan boshqa joyga ko‘chishi.
Ish haqi – YaIMdagi mehnat omilining ulushi, bajarilgan ishga 
qarab to‘lanadigan haq. Mehnat bozoridagi ish kuchiga talab va 
taklifning muvozanatiga bog‘liq. 
Ishlab chiqarish – insonning moddiy va ma’naviy ehtiyojlarini 
qondirishga qaratilgan ne’matlar yaratish jarayoni.