Ўрта махсус таълим вазирлиги

Ўйин қоидаси. Тўпни тушириб юборган ўйинчи, уни олиб жойига қайтиб келиб, яна узатади.


БЕШ КИШИ БЎЛИБ ҲУЖУМ ҚИЛИШ
Ўйинга тайёрланиш. Баскетбол майдончасида учта команда ўйнайди. Иккинчи ва учинчи бешликлар ўз шити тагида зонали ҳимояни ташкил этади. Тўп иккинчи бешликка нисбатан эркин тартибда жойлашган биринчи бешлик ўйинчиларида бўлади. Команда ўйинчилари турли рангдаги майка киядилар.
Ўйин таснифи. Раҳбар сигнали бўйича биринчи бешлик иккинчи бешлик шитига ҳужум қилиб тўпни ҳалқага туширишга ҳаракат қилади. Иккинчи бешлик ўйинчилари тўпни эгаллаб олишлари билан улар тўхтамай, учинчи бешлик шитига ҳужум қиладилар. Биринчи бешлик тўпни олдирганидан сўнг, иккинчи бешлик ўрнида зонали ҳимоя ҳосил қилади. Учинчи бешлик тўпни эгаллаб олганидан кейин, биринчи бешлик томон ҳужум бошлайди ва ҳ.к. Тўпни ҳалқага ташлаган командага очко берилади ва улар зонали ҳимоя ташкил қиладилар, ютқазганлар эса ҳужумга ўтадилар.
Ўйин 10-15 дақиқа давом этади. Кўп очко тўплаган команда ғолиб ҳисобланади. Ўйин баскетбол қоидалари бўйича ўтказилади.


ЕР УСТИДАГИ НИШОНГА
Ўйинга тайёрланиш. Волейбол майдончасининг ҳар томонида, ҳужум чизиғи олдида диаметри 1,5 м га тенг доира чизилади. Иккита команда тўрдан турли масофада жойлашадилар. Бир команда ўйинчилари қўлида теннис тўпи бўлади.
Ўйин таснифи. Раҳбар сигнали бўйича ҳар бир командадан иккита ўйинчи бир вақтда тўр томон интилади. Қўлида тўп ушлаган ўйинчи имкон борича баланд сакраб ва ҳаракатни таъкидлаб кўрсатиб, рақиб томонидаги доирадан бирига тўп отади. Тўр орқасидаги ўйинчи тўсиқ қўйиб, унга ҳалақит беришга ҳаракат қилади. Ҳужумчи ҳоҳлаган доирага тўп туширса, икки очко олади. Агар у тўсиқни енгиб ўтиб, тўпни доирага (майдонча ташқарисига) чиқариб юборса, тушира олмаса – 1 очко берилади.


ҚАЙТАДАН ОТИШ
Ўйинга тайёрланиш. Ўйинчилар тўрнинг икки томонида (волейбол ўйинидаги каби) жойлашиб турадилар. Ҳар бир командада 6-8 киши бўлади.
Ўйин таснифи. Ўйин командалардан бирининг тўпни ўйинга киритиши билан бошланади. Бошқа команда тўпни қабул қилади ва уни волейбол ўйини қоидалари бўйича ўйнайди, тўпни учинчи зарба билан рақиб томонига йўналтиради. Шунингдек улар ҳам тўпни бир-бирига ошириб, рақиб томонига узатади. Техник хатога йўл қўйган ўйинчи, қарама-қарши томондаги асирлар турадиган чизиққа йўлланади. Команда тўпни узатиш имкониятини йўқотади. Ўйин қайтадан тикланади. “Асир”га тушган ўйинчи ўйин давомида (майдондан чиқмасдан) тўпни ушлаб олишга ҳаракат қилади ва уни ўз майдончасига (рақиб томонидан ҳалақит бермаган ҳолда) оширади. Унинг командаси ўйинчилари истаган усулда зарба бериш (учта ошириш) билан тўпни орқага йўналтиради. Агар ҳужум муваффақиятли якунланса, “асир” тушган ўйинчи ўз шериги олдига қайтиб келади, хатога йўл қўйилса, “асир”лар турадиган чизиғи ортига яна бир ўйинчи йўлланади.
Ҳужум қилаётган команда ўйинчилари ўйин давомида асирдаги шерикларига тўпни атайлаб узатишлари мумкин.
Ўйин 10-15 дақиқа давом этади. Командалардан бири шу вақт ичида барча ўйинчиларини йўқотиши мумкин (асирга тушиши мумкин). Ўйин майдонда қолган ўйинчилар сонига қараб якунланади.
Ўйин қоидаси. Ўйин волейбол ўйини қоидалари бўйича ўтказилади. Ўйинни соддалаштирилган қоида бўйича ўтказиш тўғрисида (ўрганилганидан сўнг) келишиб олиш мумкин, агар девордан илиб олмасдан, тўпни ҳавода илиб олса, у яна ўйинга кириб ўйнаши мумкин. Шунингдек, бошқа ўйин моментларини гаплашиб олиши ҳам мумкин.