Давлатимизнинг маъмурий-ҳудудий тузилиши нима учун керак?
Ж: Konstitutsiyaga muvofiq (68-modda) O‘zbekiston Respublikasi Qoraqalpog‘iston Respublikasi, viloyatlar, tumanlar, shaharlar, shaharchalar, qishloqlar va ovullardan tashkil topgan. O‘zbekiston Respublikasi ma’muriy-hududiy tuzilishining o‘ziga xosligi uning tarkibida tumanlar, shaharlar, shaharchalar va ovullardan tashkil topgan suveren Qoraqalpog‘iston Respublikasining mavjud ekanligidir.
Davlatimizning ma’muriy-hududiy tuzilishi mamlakatni yaxshiroq boshqarishga, yuzaga keluvchi iqtisodiy va ijtimoiy muammolarni samarali hal etishga imkon beradi.
Қорақалпоғистон Республикасининг Конституцияси қачон қабул қилинган?
Ж: 1993-yil 9-aprelda O‘zbekiston Respublikasining Konstitutsiyasi ustunligini e’tirof etgan Qoraqalpog‘iston Respublikasining Konstitutsiyasi qabul qilindi. Ko‘p o‘tmay davlat ramzlari – gerb, bayroq, madhiyasi qabul qilindi.
Ўзбекистон Республикаси қонунларининг Қорақалпоғистон Республикаси ҳудудида қандай амал қилишини тушунтириб беринг?
Ж: Qoraqalpog‘iston fuqarolari ayni paytda O‘zbekiston Respublikasi fuqarosi hisoblanadi hamda uning muhofazasidadir. Qoraqalpog‘iston Respublikasi o‘z ma’muriy-hududiy tuzilishi masalalarini mustaqil hal etadi.
Qoraqalpog‘iston Respublikasi o‘zining O‘zbekiston Respublikasining Asosiy qonuniga zid bo‘lmagan Konstitutsiyaga egadir. O‘zbekiston qonunlari Qoraqalpog‘iston hududida ham qo‘llanilishi majburiydir.
Ҳокимият тушунчасига таъриф беринг.
Ж: Hokimiyat – bu odamlar, moddiy obyеktlar, hududlarni boshqarish, buyruq bеrish imkoniyati. U avtoritеt, so‘z, xatti-harakat, shuningdеk, majbur etish vositasida amalga oshiriladi.
O‘zbеkiston Rеspublikasi Konstitutsiyasining 7-moddasida хalq davlat hokimiyatining yagona manbayi ekanligi to‘g‘risidagi qoida mustahkamlab qo‘yilgan. O‘zbеkistonda davlat hokimiyati хalq manfaatlari asosida va faqat O‘zbеkiston Rеspublikasi Konstitutsiyasi bilan vakil qilingan organlar hamda Konstitutsiya asosida qabul qilingan qonunchilik bilan amalga oshiriladi.
Do'stlaringiz bilan baham: |
