Samarqand viloyati pedagoglarni yangi

2.1. Fan boʻyicha ma’ruza, seminar, amaliyot, trening, ochiq mashgʻulot va boshqa 
mashgʻulotlarni tayyorlash, kuzatish va tahlil qilish. 
Davlat va huquq asoslari fanini oʻqitish orqali oʻquvchilarda huquqiy ong va huquqiy 
madaniyatini shakllantirish nazarda tutilar ekan oʻqitishning samaradorligini ta’minlashda 
ma’ruza, seminar, amaliyot, trening, ochiq mashgʻulotlarni tayyorlash, kuzatish va tahlil qilish 
kabi usullar muhim ahamiyat kasb etadi. Chunki mazkur oʻqitish usullari va mashgʻulotlar 
oʻzining rang-barangligi bilan bir-biridan farqlanib turadi. Bu esa oʻquvchil arni dars 
mashgʻulotlariga boʻlgan qiziqishlarini oshiradi. 
Davlat va huquq asoslari darslarida oʻquvchilarni yangi mavzuning oʻquv maqsadlari, 
vazifalari, ma’ruza davomida kichik guruhlarning mashgʻulot davomida bajariladigan ishlar 
bilan tanishtirishi, oʻquv maqsadlarini oʻquvchilar zimmasiga yuklashi talab etiladi. Yangi 
mavzuning mazmunidagi asosiy gʻoya, qonunlar, qonuniyatlar koʻrgazma vositalar yordamida 
keng qamrovli yoritilishi, mavzu boʻyicha tushuncha, koʻnikma va malakalar oʻquvchilar 
tomonidan oʻzlashtirish bosqichlariga amal qilingan holda shakllantirilishi lozim. Mavzu 
bayonida ilmiylik, tushunarlilik, tizimlilik, keng qamrovlilik, nazariya va amaliyot birligi, ta’lim-
tarbiya uzviyligi kabi oʻqitish prinsiplariga amal qilish, mavzu mazmunini mahalliy hamda 
qoʻshimcha materiallar bilan kengaytirishni amalga oshirishga e’tibor qaratish nazarda tutiladi. 
Mavzu bayonining samaradorligini reproduktiv (ogʻzaki, koʻrgazmali, amaliy) hamda faol 
(muammoli, mantiqiy, ijodiy izlanishli, didaktik oʻyinli) metod va vositalar (koʻrgazmali 
qurollar, laboratoriya jihozlari, tarqatma, didaktik materiallar, oʻquv-texnik va kompyuter 
vositalari)dan uygʻun foydalanish talab etiladi. 
Ma’ruza oʻquv jarayonining asosiy boʻgʻini, dars oʻtishning asosiy shakllaridan biridir. 
Ma’ruza bilimni soʻz bilan ifodalash, ogʻzaki bayon qilish koʻzda tutilgan, majmining kattaligi, 
mantiqiy qurilishi, umumlashtnrnshning murakkabligi bilan ajralib turadi. Ma’ruza (arabcha, 
leksiya (lot. lectio) - oʻqish) oʻquv materiali, biror masala, mavzu kabilarning mantiqiy izchil , 
ma’lum bir tizimga solingan bayonidir.