Sanoatkontexnazorat

2-§. Yong‘in va portlash xavfsizligi talablari
125. Ishlab chiqarish jarayonlari yong‘in va portlash xavfsizligi, ularni rejalashtirishda,
tashkillashtirishda va olib borishda GOST 12.1.004-91 “Yong‘in xavfsizligi. Umumiy talablari” va
GOST 12.1.010-90 “Portlash xavfi. Umumiy talablari” va ushbu Qoidalarga muvofiq ta’minlanishi
lozim
126. Har bir sex, uchastka, omborda mavjud me’yorlar asosida, hududiy yong‘in xavfsizligi
xizmati bilan kelishilgan yong‘in xavfsizligi bo‘yicha yo‘riqnoma ishlab chiqilishi va
ko‘rinadigan joyga osilishi lozim.
127. Har bir tashkilotda ma’muriyat tomonidan tayinlangan barcha ishlab chiqarish,
yordamchi va maishiy xonalarda yong‘in xavfsizligiga mas’ul xodim bo‘lishi lozim. Yong‘in
xavfsizligiga mas’ul shaxs familiyasi, yong‘in xavfi signali va o‘t o‘chirish bo‘limi telefonlari
varaqda ko‘rsatilib, ko‘zga ko‘rinadigan joyga osib qo‘yiladi.
128. Yong‘in xavfsizligiga mas’ul shaxs majburiyatlari yong‘in xavfsizligi bo‘yicha
yo‘riqnomada belgilangan bo‘lishi lozim.
129. Har bir tashkilotda yong‘inga qarshi asboblar to‘plami, o‘t o‘chirish vositalari, soni va
joylashtirilishi yong‘in xavfsizligi idoralari bilan kelishilgan bo‘lishi lozim.
130. Barcha ishchi va xodimlar o‘qitish tizimida yong‘in xavfsizligi qoidalarini keng
o‘rganish maqsadida, tashkilot, sex, ishlab chiqarish uchastkasi, qurilma, bino yoki inshoot
uchun maxsus yong‘inga qarshi tayyorgarligidan o‘tadilar.
131. Yong‘in-texnik minimum dasturidan o‘tishni tugatishda, ishchi va xizmatchilardan
zachyotlar qabul qilinishi lozim. Yong‘in-texnik minimumi bo‘yicha o‘tkazilgan zachyot
natijalari hujjatlashtirilib, unda o‘rganilgan tema bo‘yicha baholar ko‘rsatiladi.
132. Yong‘inga qarshi tayyorgarlikdan o‘tmagan shaxslar ishga qo‘yilmaydi.
133. Ishlab chiqarish uchastkasida, laboratoriyada, omborda yoki ma’muriy xonalarda
(egallagan lavozimidan qat’i nazar) ishlayotgan har bir ishlovchi yong‘in xavfsizligi qoidalarini
aniq va qat’iyan bajarishga majbur bo‘lib, yong‘in yoki olovlanishga olib kelishi mumkin
bo‘lgan harakatlarga yo‘l qo‘ymasligi lozim.
134. Obyektda 15 kishidan ortiq ishlovchi bo‘lganda ixtiyoriy yong‘in drujinasi, muhandis-
25.04.2023, 12:21
Стр. 12 из 24

---

texnik personal bo‘lganda qo‘shimcha yong‘in-texnik komissiyasi tuziladi.
135. Tashkilotning barcha bino va inshootlariga kirishni ochiqligi ta’minlanishi lozim. Bino
va yong‘in suv manbalari yo‘laklari, hamda yong‘in vositalariga va uskunalariga boradigan
yo‘laklar doimo bo‘sh bo‘lishi kerak.