Sanoatkontexnazorat

3-§. Texnik etil spirtni qabul qilish, saqlash va berish
136. Texnik etil spirti omborlarining binolari va inshootlari qurilish va yong‘inga qarshi
me’yorlar va qoidalar talablariga mos kelishi lozim.
137. Texnik etil spirti qabul qilish bo‘limi spirtni saqlash xonalaridan brandmauer
(yonmaydigan) devor bilan ajratilishi lozim.
138. Texnik etil spirti qabul qilish bo‘limiga asosiy kirishdan tashqari bevosita tashqariga
chiqadigan qo‘shimcha chiqish yo‘li bo‘lishi lozim.
139. Texnik etil spirti ombori va texnik etil spirti qabul qilish bo‘limi xonalaridagi pol temir
qo‘shilib sementlanishi, eshikka qarama-qarshi tomonga qiyaligi bo‘lishi lozim.
140. Texnik etil spirti omborining o‘rasi chuqurligi texnik etil spirti omborida mavjud
bo‘lgan barcha sig‘imlarning hajmiga teng bo‘lgan hajmda bo‘lishi lozim.
141. Binodan tashqaridagi ochiq texnik etil spirti omborida barcha sig‘imlarning
poydevorlari atrofida texnik etil spirti omborida mavjud bo‘lgan barcha sig‘imlarning hajmiga
teng bo‘lgan hajmni hosil qiluvchi devorlari bo‘lgan temir qo‘shilib sementlangan
maydonchasi bo‘lishi lozim.
142. Texnik etil spirti omborlarining xonalarida maydonchalar, o‘tish ko‘prikchalari,
panjarali zinalar metalldan bo‘lishi lozim.
143. Texnik etil spirti omborida derazalar yer sathidan kamida 2 m, balandlikda, shimolga
qaratilgan, panjaralar va temir to‘sinlar bilan jihozlangan bo‘lishi lozim.
144. Yopiq texnik etil spirti omborida xonaning havosida etil spirti bug‘larining miqdori
1000 mg/m dan oshmaydigan ravishda havo almashuvi tutib turilishi kerak.
145. Texnik etil spirti omborida yashin qaytargich bilan jihozlangan sig‘imlarning metall
korpuslari erga tutashtirilgan bo‘lishi kerak.
146. Texnik etil spirti omborlarining xonalarida faqat bug‘li nasoslar o‘rnatilishiga ruxsat
etiladi. Elektr ta’minotli nasoslarni qo‘llash portlashdan himoyalangan turida elektr dvigateli
ta’minoti o‘rnatilgan holdagina ruxsat etiladi.
147. Texnik etil spirti omborida sig‘imlar o‘rtasida hamda sig‘im korpusidan devorgacha
1,5 m dan kamroq masofa bo‘lishiga ruxsat etilmaydi.
148. Texnik etil spirti omborida spirtni berish va qabul qilish uchun mo‘ljallanmagan
uskunalarni o‘rnatish taqiqlanadi.
149. Sisternalar va o‘lchagichlarda texnik etil spirti sathi ko‘rsatkichlarining shisha
qismlari mexanik zararlanishdan himoyalanishi lozim.
150. Texnik etil spirti omborida va texnik etil spirti qabul qilish bo‘limida yonuvchan
materiallar va chet buyumlarni saqlashga yo‘l qo‘yilmaydi.
151. Texnik etil spirti ombori va texnik etil spirti qabul qilish bo‘limini yong‘in o‘chirgichlar,
bug‘ bilan alanga o‘chirishning yong‘in jo‘mraklari hamda boshqa yong‘inga qarshi vositalar
bilan ta’minlash yong‘in nazorati idoralarining talablariga muvofiq amalga oshirilishi lozim.
152. Texnik etil spirti omborining kirish eshigida “Begonalarning kirishi taqiqlangan!”
yozuvi bilan, binoning ichida esa “Alanga yondirilmasin!”, “Chekish taqiqlanadi!” yozuvlari
osilishi kerak.
153. Texnik etil spirti omborining xonasi havo beruvchi-so‘ruvchi va avariyali shamollatish
3
25.04.2023, 12:21
Стр. 13 из 24

---

bilan hamda yoritish bilan jihozlanishi kerak.
154. Texnik etil spirti omborida havo muhitining holati ustidan doimiy nazorat yuritilishi
kerak.
155. Texnik etil spirti omborlari xonalarida payvandlash ishlarini, shuningdek sisternalar
va o‘lchagichlarni ulash va kesish ishlarini bajarish taqiqlanadi. Ushbu ishlar barcha
sisternalarni spirtdan bo‘shatib, ularni toza suv bilan to‘ldirib, yonma-yon xonalarga boruvchi
texnik etil spirti quvurlarda barcha jo‘mraklarni yopishdan keyin ruxsat etiladi (jo‘mraklar
bo‘lmagan quvurlarda tiqinlar o‘rnatiladi). Kesish, ulash, payvandlash va hokazolar kerak
bo‘lgan sisterna suv bilan yuvilishi va shamollatilishi kerak.
156. Sisterna ichiga yuvish yoki ta’mirlash uchun kirish lozim bo‘lganda uni avval spirtdan
to‘liq bo‘shatib, ichki devorlarini suv bilan yuvish lozim.
157. Ishchilar sisternaning ichiga kirishidan avval mas’ul muhandis-texnik xodim joyida
shaxsan tayyorlash ishlarining to‘g‘ri o‘tkazilganiga ishonch hosil qilishi, sisternaga kirish
uchun tayinlangan ishchi esa kislorodli izolatsiyalovchi asbobni hamda arqon bog‘langan
muhofaza belbog‘ini taqishi lozim.
158. Ta’mirlash hamda yoritish yetishmagan hollarida faqat akkumulyatorli chiroqlardan
foydalanish ruxsat etiladi.
159. Transportdan spirtni qabul qilish tugaganda uning nasos bilan olinmagan qoldiqlari
faqat uzatish idishida qolishi mumkin. O‘lchagichlarda va bosib kiritish quvurida texnik etil
spirti qolishiga ruxsat etilmaydi.
160. Texnik etil spirtni ochiq usulda quyishga ruxsat etilmaydi.
161. Yuklash-tushirish ishlari Yuk ortish va tushirish ishlaridagi yukchilar uchun ishlarning
xavfsizligi 
qoidalari 
(ro‘yxat raqami 1582, 2006-yil 13-iyun) muvofiq amalga oshirilishi lozim.
162. Yozgi paytda jo‘natish uchun bochkalarga quyilgan spirtni ko‘pi bilan ikki
sutkagacha saqlash ruxsat etiladi.
163. Yozgi paytda spirtni tashishda bochkalar o‘z sig‘imining 5 foiz hajmiga bo‘sh
qoldiriladi.
164. Texnik etil spirti omborida texnik etil spirti solingan bo‘sh bochkalarning
saqlanishiga ruxsat etilmaydi. Shuningdek, texnik etil spirti quyilgan bochkalarni bir-birining
ustiga qo‘yish va ularni bo‘yiga ikkitadan ortiq bochkani yoni bilan qo‘yishga ruxsat etilmaydi.
165. Texnik etil spirtni tashishga faqat avtomobil, temir yo‘l sisternalarida yoki metall
baklarda (bochkalarda) ruxsat etiladi.
166. Texnik etil spirtdan bo‘shagan idishlarni yuvishdan keyin tiqinlar bilan berkitib,
xonalarda yoki maxsus maydonchalarda bostirma ostida ombor va ishlab chiqarish
xonalaridan kamida 20 m uzoqlikdagi masofada saqlash lozim.