Sanoatkontexnazorat

2-§. Sig‘imlarga himoya qoplamlarini qoplash
278. Texnologik sig‘imlarni qoplamlar qoplashga tayyorlash ishlaridan avval mazkur
qoidalarda ko‘rsatilgan chora-tadbirlarning bajarilishi ta’minlanishi lozim.
279. Himoya qoplamlarini tayyorlash xonalarida, himoya qoplamlarini qoplash ishlari
o‘tkaziladigan xona va sig‘imda qoplamlar tarkibiga kiruvchi erituvchilar, texnik etil spirti va
boshqa uchuvchan moddalar bug‘lari uchun umumalmashinuv havo tortish ventilatsiyaning
ishlashi, himoya qoplamlarini tayyorlash joylaridagi mahalliy havo tortish ventilatsiyasi
ishlatilishi lozim.
280. Ishlarni bajarish joylarida o‘t o‘chirishning birlamchi vositalari: ko‘pikli o‘t
o‘chirgichlar, qumli yashiklar, namat yoki asbest ko‘rpalar va hokazolar bo‘lishi lozim.
281. Himoya qoplamlarini qoplash ishlari o‘tkaziladigan xonada odatiy turdagi umumiy
yoritish chiroqlari va ularning o‘chirgichlari ishlar o‘tkazish paytida tokdan o‘chirilishi kerak.
Sig‘imlarning ichi portlashdan xavfsiz turdagi kuchlanishi 12 V dan oshmagan chiroqlar bilan
yoki akkumulyatorli chiroqlar bilan yoritilishi lozim.
282. Ko‘chma chiroqni ulash sig‘imdan tashqarida amalga oshirilishi lozim.
283. Ichi ko‘rsatilgan yorliqlari bo‘lmagan idishlardagi bo‘yoqlar va erituvchilar (bankalar,
bidonlar, bochkalar va hokazo) bo‘lmasligi lozim. Ushbu bo‘yoqlarni ishlar o‘tkaziladigan
xonada saqlash taqiqlanadi.
284. Ishlarni o‘tkazish joyining atrofi o‘ralib, o‘rash vositalarida ogohlantirish yozuvlari
osilishi lozim.
285. Sig‘im sirtini kuyiklardan, zang, ifloslar va hokazolardan tozalash uchun quruq qum
quyish usulini qo‘llash mumkin emas.
VI bob. Mehnatni muhofaza qilish qoidalarini buzganligi uchun javobgarlik
Oldingi
 tahrirga qarang.
286. Mazkur Qoidalarni buzgan mansabdor shaxslar va xodimlar mehnatni muhofaza
qilish qoidalariga rioya qilmaganliklari uchun qonunchilik hujjatlariga muvofiq belgilangan
tartibda javobgarlikka tortiladilar.
(286-band O‘zbekiston Respublikasi adliya vazirining 2021-yil 28-iyuldagi 16-mh-sonli 
buyrug‘i
(ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y.,
10/21/3313/0724-son)
Oldingi
 tahrirga qarang.
287. Xodimlar mehnat muhofazasi bo‘yicha yo‘riqnomada ko‘rsatilgan xavfsizlik qoidalari
talablarini buzgan taqdirda qonunchilik hujjatlariga muvofiq belgilangan tartibda
javobgarlikka tortiladilar.
(287-band O‘zbekiston Respublikasi adliya vazirining 2021-yil 28-iyuldagi 16-mh-sonli 
buyrug‘i
(ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y.,
10/21/3313/0724-son)