Sotsial psixologiya Darslik

Ijtimoiy fasilitasiya – individning faoliyat mahsullariga uning yonida 
bo’lgan boshqa individlarning bevosita ta’siri bo’lib, bu ta’sir avvalo sensor 
kuchayishlar hamda ish-harakatlarning, fikrlashlarning tezligida namoyon bo’ladi. 
Ijtimoiy xavfsizlik – jamiyatda mavjud bo’lgan turli ijtimoiy institutlar, 
jumladan, xavfsizlikni ta’minlash organlari, davlat muassalari, oila va mahalla 

---

216 
tomonidan aholining turli ehtiyojlari, orzu-istaklari, maqsad-muddaolarini amalga 
oshirishlariga imkon berish bilan bog’liq vazifalar. 
Ijtimoiy xulq – shaxs tomonidan uni o’rab turgan odamlar, ularning xulq-
atvoriga e’tibor berishdan tashqari, o’zining shaxsiy harakatlari va ularning 
oqibatlarini muntazam tarzda tahlil qilib borish orqali, rollarni muvofiqlashtirilishi. 
Ijtimoiylashuv yoki sosializasiya – shaxsning uni o’rab turgan tashqi 
ijtimoiy muhit ta’sirlariga berilishi, uning norma va qoidalarini o’zlashtirishga 
moyilligi, o’zlashtirganlik darajasini ifodalovchi jarayon. 
Ijtimoiy-psixologik moslashuv – shaxsning ijtimoiy munosabatlarga 
ko’nikishi va moslashishi orqali orttirgan tajribasi umumiy ijtimoiylashuvning bir 
ko’rinishidir. 
Ijtimoiy-psixologik eksperiment – bu ijtimoiy hodisalarni o’rganish. 
maqsadida tekshiruvchi bilan tekshiriluvchi o’rtasidagi maqsadga yo’naltirilgan 
muloqot. 
Impulsiv shaxs – hamisha hissyotlarga beriluvchan, o’ylamay gapirish, 
birovlarni dilini og’ritib qo’yish keyin esa afsuslanish unga xos toifadagi inson. 
Intellektual lider – guruh a’zolari ichida eng bilag’oni, aql o’rgatuvchi, 
topqir.  
Intervyuirovaniye (intervyu, axborot olish) – bu ijtimoiy psixologiya 
metodi bo’lib, qo’yilgan savollarga berilgan javob tariqasidagi axborotlarni to’plash 
usulidir.