Sotsial psixologiya Darslik

Introspeksiya – kishining o’z-o’zini kuzatishi. 
Irodaviy lider – guruhni ish faoliyatga chorlay oladigan, dadil, qat’iyatli, 
irodali.  
Ichki konformlilik – individning guruh fikriga to’lig’icha qo’shilish va 
ruhan qabul qilish. 
Ichki xavfsizlik – mamlakat doirasida inson konstuitusion xuquq va 
kafolatlariga aloqador bo’lgan iqtisodiy diversiyalarning oldini olish va ularga yo’l 
qo’ymaslikka bog’liq bo’lgan maxsus choralarni, terroristik xurujlarning oldini 

---

217 
olish va ularnii vaqtida bartaraf etish, kelib chiqishi bo’yicha ijtimoiy, tabiiy, 
biologik hamda texnik asosli tahdidlardan jamiyat a’zolarini himoya qilish. 
Ishontirish – biror xulq namunasi yoki fikrga o’zgalarni deyarli ongsiz va 
tanqidsiz ergashishiga erishish. 
Kompromiss – bu ochiq muloqot va vaziyatni, nizokashlarning xulq-atvori 
va fikrlarini muhokama qilish yo’li bilan ikkala tomon uchun ham ma’qul bo’lgan 
yechimni qidirish. 
Konversiya – muloqotdagi qandaydir to’siqlar yoki baryerlarni olib tashlash 
uchun kutilmagan usullarni qo’llash, masalan, xavotirli informasiyani yumoristik 
mavzu bilan almashtirish yo’li.
Konflikt, nizo yoki ziddiyat – bu ayrim alohida olingan shaxs ongida, yoki 
shaxslararo muloqot jarayonida, guruh doirasida yoki guruhlararo o’zaro muloqot 
va ta’sir paytlarida biror muammo, masala yoki qarashlar borasida bir-biriga to’g’ri 
kelmaydigan, qarama-qarshi fikr, qarash va pozisiyalarning to’qnashuvi. 
Konformizm – ( o’zbek tilida “moslanish” ma’nosini bildiradi), individning 
guruhda qabul qilinadigan normalar, fikrlar, hulq-atvor standartlarini qanchalik 
qabul qilish yoki qabul qilmasligi. 
Korrelyasiya – voqyelikdagi hodisalarning o’zaro bog’liqligi yoki 
eksperimentdan olingan ma’lumotlar va ular o’rtasidagi o’zaro bog’lanishlar 
me’yori.