«старость и настоящее время: текущая ситуация, тенденции развития и предстоящие проблемы»

“Keksalik va hozirgi zamon: mavjud holat, rivojlanish tendensiyalari va istiqboldagi muammolar” 
mavzusidagi respublika ilmiy-amaliy konferensiya materiallari to‘plami
131
Muqaddas Abdusamatova,
O‘zbekistonda xizmat ko‘rsatgan madaniyat xodimi, 
“Saodat” jurnali jurnalisti
YORQIN TUYG‘ULAR
Annotatsiya. Maqola memuar shaklida yozilgan bo‘lib, muallifning bolaligi, yoshligi, 
turmushi hamda faoliyatida yetishgan yutuqlari, kechinmalarini o‘z ichiga olgan bo‘lib, yoshlarni 
motivatsiyalash xarakteriga ega.
Kalit so‘zlar: hayot mazmuni, umr bahosi, qiyinchiliklar, urush yillari, iroda, oila, ish faoliyati, 
ijod, mehnat, jamoat ishlari faoli, nuroniy keksalar, yurt ravnaqi
Аннотация. Статья написана в форме мемуаров, содержит достижения и опыт 
детства, юности, жизни и творчества автора, носит характер мотивации молодежи.
Ключевые слова: смысл жизни, ценность жизни, трудности, военные годы, воля, семья, 
трудовая деятельность, творчество, труд, общественный деятель, просвещенные старики, 
национальное развитие.
Annotation. The article is written in the form of memoirs, contains the achievements and 
experience of childhood, youth, life and work of the author, has the character of motivating youth.
Keywords: meaning of life, value of life, difficulties, war years, will, family, labor activity, 
creativity, labor, public figure, enlightened old people, national development.
Hayot, umr... Purma’no so‘zlar. Har ikkisi bebaho, benazir asl ne’mat. Lekin 
hayotning ham, umrning ham o‘ziga xos va o‘ziga mos zalvori bor. Bu birovga еngil, 
birovga esa og‘ir. Gohida zavqli, gohida qayg‘uli, gohida jo‘shqin, gohida sokin. 
Aslida esa hayot shirin. Tiriklik ya’ni odam bo‘lib dunyoga kelmoq, bu katta baxt, 
omad desa bo‘ladi. Lekin uning hayot deb atalmish ne’matdan baxra olishi, ulg‘ayishi 
unib-o‘sishi, o‘z o‘rnini topishi esa- bu ikkinchi olam. Buning uchun inson izlanishi, 
intilishi, mehnat qilishi zarur. Bolalikda ota-ona bag‘rida ulg‘ayib, ularning o‘git-
maslahatlariga quloq tutib ko‘pchilik hayot yo‘lining xaritasini chizib oladi. O‘qiydi, 
o‘qiydi, intiladi, izlanadi, mehnat qiladi. Ushbu yo‘l to‘g‘ri, ravon emas, yiqiladi, 
qoqiladi,goho to‘xtab ham qoladi. Iroda yordamga kelib, yana va yana oldinga intiladi, 
maqsad sari harakat qiladi.
Bolaligimda, Taxtapulda yoshligim juda go‘zal manzaralar oralig‘ida o‘tdi. Kanal 
qazilishi, sharshara qurilishi, bog‘-ichidagi atirgullar, suv bo‘yidagi majnuntollaru 
jiydazorlar eh-xe qay birini aytasiz. 

---