Statik biokimyо

45-tajriba.Qon zardobidagi erkin yog‘ kislotalarni aniqlash. 
Qon tarkibida 640-880 mmol/l (640-880 mkg ekv/l) erkin yog‘ kislotalari bo‘ladi. Yangi 
tug‘ilgan chaqaloqlar organizmidagi yog‘lar tarkibida ko‘pincha palmitin va palmitoolein kislota 
(linolen kislota kamroq) bo‘ladi. Shu bilan katta yoshdagi odam yog‘laridan farqlanadi. Bu 
yog‘larning parchalanishi va organizmning energiyaga bo‘lgan ehtiyojini qondiradi.
Kerakli jihozlar va reaktivlar: sentrifuga, FEK, probirkalar, sentrifuga probirkalari, 1 va 
5 ml li o‘lchov pipetkalari, shisha tayoqchalar, palmitin kislotaning doimiy kislotasi (25,6 mg 
palmitin kislota xloroformda eritilib, hajmi 100 ml gacha yetkaziladi. 1 ml eritma tarkibida 0,256 
mg palmitin kislota bo‘ladi), xloroform, mis reaktivi, natriy dietiltiokarbomatning 0,1 % li 
eritmasi. 
Ishning bajarilishi: 
Qopqog‘i zich berkiladigan probirkalarning biriga 0,5 ml qon zardobi, ikkinchisiga 1 ml 
xloroformda eritilgan palmitin kislota solinadi. Tekshiruv probirkasiga 5 ml, doimiy standart 
eritma solingan probirkaga esa 4,5 ml xloroform solinib, barcha probirkalarga 2,5 ml dan mis 
reaktivi quyiladi. Bir yo‘la nazorat probirkalari tayyorlanadi: 5 ml xloroformga 2,5 ml mis 
reaktivi solinadi. Probirkalar berkitilib 3 daqiqa chayqatiladi. So‘ngra sentrafugada 3000 marta, 
15 daqiqa aylantiriladi. Probirkadagi suyuqliklar 3 qavatga ajraladi: xloroform, oqsil va suv. 
Yuqoridagi suv qavat mis reaktivining ortiqcha miqdorini tutadi. Bu qavat asta-sekin olib 
tashlanadi. Oqsil parda devor tomon suriladi, xloroform qismi esa boshqa probirkalarga olinadi. 
Shu xloroform qavatida yog‘ kislotalar erigan bo‘ladi. Xloroform tutgan probirkalarga 0,5 ml 0,1 
% li dietiltiokarbomatning natriyli tuzidan va butanoldagi eritmasidan quyiladi, keyin 
aralashtiriladi. Tekshiruv va doimiy-standart eritmalar yashil nur filtri qarshisida 5 mm li 
kyuvetalarda nazorat eritmalar bilan solishtirilgan holda kalorimetrlanadi.
Erkin yog‘ kislota miqdori quyidagi tenglama orqali hisoblanadi.