Tabiiy fanlar fakulteti kimyo kafedrasi «kimyodan sinfdan tashqari ishlar»

1. Tahliliy ko’nikmalar (ma’lumotlarni axborotlardan ajrata olish, ularni turkumlashtirish, ma’lumotlarni zarur va nozarurga ajratish, tahlil qilish, taqdim etish; buning uchun shaxs aniq, mantiqiy fikrlay olishi kerak).
2. Amaliy ko’nikmalar (muammoning murakkabligidan kelib chiqib, real vaziyatni tahlil qila olish, eng muhim nazariya, metod va tamoyillarni qo’llay bilish).
3. Ijodiy ko’nikmalar (bunda mantiqiylik asosida vaziyat (muammo)ni yechish muhim emas, balki ijodiy yondashuv asosida muammoning bir necha yechimlarini topish va ularni tahlil qilish talab etiladi).
4. Muloqot ko’nikmalari (unga ko’ra talaba bahs-munozara olib borish, o’z nuqtai nazarini himoya qilish, qaroriga boshqalarni ishontirish, juda qisqa va ishonarlihisobotni tayyorlash ko’nikmalarini o’zlashtira bilishi zarur).
5. Ijtimoiy ko’nikmalar (qarorni muhokama qilish jarayonida o’quvchilar boshqalarning xatti-harakatini tahlil qilish, boshqalarni tinglay bilish,bahsda o’zgalarning fikrlarini qo’llab-quvvatlash, ilgari surilgan fikrga qarama-qarshi fikrni bildira olish va o’zini boshqara olishi lozim).
6. O’z-o’zini tahlil (bahs-munozara jarayonida o’zini tuta bilishi, boshqalarga namuna bo’lishi muhim).
Blits-so’rov metodi so’rovda ishtiroq etuvchilar o’rtasida psixologik kommunikativ aloqani o’ratadi. Savollar so’rovchi tomonidan oldindan tuziladi. Savollar qisqa aniq javobni talab etadi.Bu metodda o’quvchilarga o’rganilgan butun mavzu va uning ma’lum qismining asosiy tushunchalari va tayanch iboralari bo’yicha tuzilgan savollarga javob (og’zaki, yozma, jadval, diagramma) ko’rinishida taklif etiladi.
Masalan:

1. 
   Eng yengil metallmas.Vodorod
   
2. 
   Gaz holatdagi qaysi metallmas eng og’ir? Xlor
   
3. 
   Qaysi metallmas davriy jadvalda “doimiy ruyxatda” emas? Vodorod
   
4. 
   Qaysi metallmasning nomi “hayotsiz” degan ma’noni bildiradi?Azot
   
5. 
   Napoleon qaysi modda birikmasi bilan zaharlangan? Mishьyak
   
6. 
   Qaysi metallmas sun’iy yo’l bilan olingan? Astat
   
7. 
   Olmos qaysi metallmas atomlaridan tashkil topgan? Uglerod
   
8. 
   Qaysi element yetishmovchiligidan bo’qoq kasalligi kelib chiqadi? Yod
   
9. 
   Qaysi element yetishmovchiligi kariesga olib keladi? Ftor
   
10. 
    Birinchi jahon urushida kimyoviy qurol sifatida ishlatilgan sarg’ish-yashil gaz? Xlor
    
11. 
    Yagona suyuq metallmas? Brom
    
12. 
    Badbuy element? Brom
    
13. 
    Nurli metallmas. Fosfor
    
14. 
    Alximiklar“falsafa toshi”ning asosiy tarkibida qaysi element bo’ladi deb taxmin qilishgan? Oltingugurt