Тадқиқот мақсади

I боб бўйича хулосалар
Юқорида айтилганлардан келиб чиқиб, шуни хулоса қилишимиз мумкинки, бугунги кунда иқтисодий саводхонлик масаласи шахс учун ҳам, жамият ва бутун давлат учун ҳам долзарблигича қолмоқда, буни турли қонун лойиҳалари, сайтлар, стратегиялар, турли ҳудудларда ташкилотлар ва давлат институтлари томонидан ишлаб чиқилган пилот лойиҳалар тасдиқлайди. Математика ўқитиш жараёнига молиявий саводхонликни жорий этган ҳолда биз амалиётга йўналтирилган иқтисодий муҳитга эга бўламиз, ўқув жараёнига амалий йўналишни киритамиз, мазмунли таълимни ривожлантиришга ҳисса қўшамиз, иқтисодий атамаларни ўрганиш ва тушунишга ёрдам берамиз, математикани ўрганишга қизиқишни оширамиз, мактаб ўқувчиларининг умумий ривожланишига, дунё қарашини кенгайтиришга ҳисса қўшишамиз. Жамиятшунослик ва математиканинг интеграциялашуви мактабнинг реал ҳаётдан ажратилишини бартараф этади.
Шу билан бирга, 5-6-синфларда математика дарсларида молиявий саводхонликни жорий этиш иқтисод фанини кейинчалик ўрганиш ва юқори синфларда масалаларни ечишда математик аппаратни қўллашда пропедевтика вазифасини ўтайди.
Математика дарсларида молиявий саводхонликни ривожлантиришда, математика иқтисодий йўналишдаги масалаларни ечиш воситаси сифатида хизмат қиладиган мактаб ўқувчилари учун касбга йўналтиришнинг дастлабки таъсири кузатилиши мумкин, шу билан бирга ўқувчиларда иқтисодий, молиявий, солиқ, таҳлилий, аудиторлик, банк фаолияти билан боғлиқ лавозимларга қизиқиш ортади


2 БОБ. 5-6 СИНФ ЎҚУВЧИЛАРИНИНГ МОЛИЯВИЙ САВОДХОНЛИГИНИ ШАКЛЛАНТИРИШ БЎЙИЧА ТАЖРИБА ИШИ
2.1 Молиявий саводхонликни шакллантириш жихатидан 5-6 синф математика дарсликларининг тахлили
Мактаб математикаси замонавий математиканинг назарий ва амалий икки сохасини ўз ичига олиши керак. Амалий деганда фаннинг назарий математикани амалий вазиятларда қўллаш амалша ошириладиган бўлими тушунилади. Замонавий мактабда ўқитишнинг амалий йўналтирилганлиги қандай холатда эканлигини тахлил қиламиз.

3.