Tahririyatga maktub

Yosh va uddaburon rahbarga rahmat!
Yuksak nomga sazovordir,
Mashaqqatli kasbi-kordir,
O’z ishiga vafodordir
Ichki ishlar xodimlari
Qasamyodga sadoqatni saqlagan,
Ular bor-ki, yurt tinchligi yashnagan
Ona yurtni har balodan asragan
Ichki ishlar xodimlari.
Yurtimiz go’zal, elimiz obod, davlatimiz tinch. Mana mustaqil davlat bo’lganimizga ham salkam chorak asr bo’lgan bo’lsada, yurtimizdagi yutuqlar o’zgarishlarni ko’rib, yurak-yurakdan quvonasan kishi. Yurtimizda ulkan muvaffaqiyatlarga erishilmoqda. Prezidentimiz Yangi O’zbekiston qurmoqda. Bunday yutuqlarning sababchisi esa yurtboshimizdir. Shu jumladan; hozirda 2-sonli tergov hibsxonasida ham mahkum va mahkumalar uchun yaxshi sharoitlar yaratilgan. Hibsxonada o’tgan davr bilan, bugungi kunni solishtirganda katta farq borligi ta’limiy-tarbiyaviy jihatlari bilan yaqqol ko’zga tashlanadi. Inson huquq va manfatlarini ta’minlashga qaratilgan yuksak e’tibor hibsxonada yaratilgan shart-sharoitlarda namoyon bo’lib turganini sezasiz kishi. Mahkum va mahbusalarga, yosh xodimlarga esa bu rahbarning hayot yo’li, ular bilan suhbatlashish ibratli hayotlari haqida bilim, ularning bebaho pand-u nasihatlarini eshitish, suhbatlaridan bahramand bo’lish, o’z xatolarini tushinib yetish, va ulardan oqilona xulosa chiqarish, ularni o’z jamiyatiga, oilasiga sog’lom fikrlaydigan insonlar qilib qaytarish, milliy qadriyatlarimizga va urf odatlarimizga bo’lgan hurmatini oshirish va o’z Vatanini sevishga undash kabi his tuyg’ularni ularning ongiga singdirish hibsxona rahbari polkovnik B.Kenjaevning asosiy maqsadlaridan biriga aylangan. Shunday og’ir paytlar pandemiya sharoitida ham bu rahbar rahbariyat xodimlariga, mahkum va mahbusalarga o’zini jonini xatarga qo’yib bo’lsa-da, mashaqqatli yo’lni hamjihatlikda mardonavor xodimlari bilan sharaf bilan bosib o’tdi. Xodimlar va mahkumlarga hozirgidek sharoitlar yaratilmagan bo’lsa-da, u paytlari sohada xizmat qilish ancha murakkab bo’lsa-da bosib o’tgan hayot yo’li juda og’ir kechdi. Shuning uchun ham hozirda yosh va uddaburon bu rahbar hayoti hamma xodimlar, mahkum va mahbusalar uchun ibrat maktabi desak mubolag’a qilmagan bo’lamiz. Ular bilan uchrashgan har bir mahkum va mahbusalar rahbar suhbatidan bahramand bo’lar ekan, hayotga bo’lgan qiziqishi va ozodlikga bo’lgan intilishi yanada ortadi. Rahbar xodim mahkumlarga ezgu maqsadga erishish uchun barcha imkoniyatlar yaratilganligi, bundan oqilona foydalangan holda kasb-hunar o’rganishlari, bilim hamda ilm olishlari, halol yashashni o’z oldilariga maqsad qilib olishlari kerakligini uqtirdilar.