Тактик медик

Reanimatsiya (lot. Re - pristavka, qaytarish ma’nosini bildiradi, - animatio - tiriltirish; sinonimi organizmni tiriltirish), Organizmning so‘nib boruvchi, yoki endigina so‘ngan xayot jarayonlarini tiklashga yo‘naltirilgan chora tadbirlar intensiv terapiya bilan birga olib borilishidir.
Reanimatsion chora tadbirlarning maxsuli nimalarga bogliq?
Qon aylanishi to‘xtagandan, to reanimatsion chora tadbirlar boshlangan vaqtga bog‘liq. Qon aylanishi va nafas faoliyati to‘xtagan jarohatlanganlarning yashab ketish darajasi oshishi asosini «yashab ketish zanjiri» tashkil qiladi.
Bu quyidagi bosqichlardan iborat:
- hodisa bo‘lgan joy.
- jabrlanuvchini transportirovka jarayonida.
- shifoxona amaliyot xonasida.
- intensiv terapiya bo‘limida.

Bu zanjirning eng nozik joyi - xodisa bo‘lgan joyda xayot uchun muhim organlarning faoliyatini ta’minlashdan iborat. Yurak faoliyatini muvaffaqiyatli tiklashda vaqt chegaralangan. Reanimatsiya tezlik bilan, yoki yurak faoliyati to‘xtagan birinchi minutlardagina boshlanganda effektiv bo‘la oladi.

Yurak - o‘pka, miya reanimatsiyasi bosqichlari.
P. Safar [1997] klassifikatsiyasi bo‘yicha reanimatsiya chora tadbirlarining 3 ta darajasi va bir nechta bosqichi beriladi:
I daraja – xayot uchun zarur a’zolar faoliyatini ushlab turish
3 ta bosqichdan iborat:
A (airway open) — nafas yo‘llari o‘tkazuvchanligini tiklash.;
V (breath for victim) — shoshilinch o‘pkaga sun’iy nafas va oksigenatsiya;
S (circulation his blood) — qon aylanishini ta’minlash.
II daraja
- hayot uchun zarur a’zolar faoliyatini ushlab turish.
- mustaqil qon aylanishi va nafas faoliyatini tiklash va nazorat qilish.
II daraja xam uchta bosqichni o‘z ichiga oladi:
D (drug) — dori vositalari va infuzion terapiya;
Ye (ECG) — elektrokardioskopiya va kardiografiya;
F (fibrillation) — defibrillyatsiya.