Talim vazirligi toshkent davlat sharqshunoslik instituti
(miloddan avvalgi XVIII-XVI asrlar)
Download 1.41 Mb. Pdf ko'rish
|
Жахон тарихи. (Қадимги дунё тарихи). У.Абдуллаев
(miloddan avvalgi XVIII-XVI asrlar). Bu davlatda urug‘ - qabila tuzumi sarqitlari juda kuchli bo‘lgan. Davlat ahamiyatiga molik bo‘lgan eng muhim masalalarni hal etishda zodagonlar deb atalgan kengash “tuliya” ga yig‘ilgan. Zodagonlar ichida shoh oilasi a'zolari, o‘g‘illari, yaqin qarindoshlari alohida o‘rin tutgan. Qadimgi an'analarga ko‘ra shohlar shoh oilasi a'zolaridan, ko‘proq shoh nabiralaridan, xususan, singillarining o‘g‘illaridan saylanardi. Xett saltanatini birlashtirish siyosati Anittaning to‘rtinchi vorisi shoh Labarna (Tabarna) hukmronligi davrida (miloddan avvalgi 1680-1650 yillar) tugallandi. O‘z qudratiga ishongan Labarna mavjud an'anani buzib, taxt vorisi etib o‘g‘li Xattusili I (miloddan avvalgi 1650-1620 yillar) ni tayinlaydi. Xattusili I poytaxtni Xattusaga ko‘chiradi. U o‘zidan avvalgi shohlarga xos siyosat yuritib, Shimoliy Suriyaning yirik savdo markazi - Xalpa (Aleppo)ni bosib olishga urinadi. Shoh Mursili I davrida (miloddan avvalgi 1620-1590-yillarga yaqin) Xett saltanatida mamlakatni markazlashtirish jarayoni kuchayadi. Xattusa mamlakatning yagona poytaxti bo‘lib qoladi. Boshqa yirik shaharlar, hatto Kussar ham ikkinchi darajali shaharga aylanadi. Mursili I Xalpani egallashga muyassar bo‘lib, so‘ng u janubiy-Sharqqa - Bobil tomon yo‘l oladi va miloddan avvalgi 1595- yilda Old Osiyoning bosh markazi 1 ni osonlik bilan bosib oladi. 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 138 O‘zaro ichki kurashlar bir necha o‘n yillar davom etib, bu hol Xett davlatining siyosiy mavqyeiga putur yetkazadi. Siyosiy beqarorlikka shoh Telepin davrida (1520-1490-yillar) chek qo‘yildi. U qabul qilgan farmonga ko‘ra taxt vorisi etib, asosan, shoh farzandi - shahzoda tayinlanar edi. Xett davlatida shoh hokimiyati cheklangan. Telepinning o‘limidan so‘ng uning o‘g‘li hukmdorlik qilgan qisqa vaqt ichida Xett davlatida siyosiy beqarorlik boshlanib, taxtni bir necha shahzoda egallaydi. Natijada Xett davlati ancha zaiflashadi. Bu davr O‘rta Xett saltanati (taxminan miloddan avvalgi XV asr) nomini oladi. Miloddan avvalgi XIV asr boshlarida Xett saltanatining tiklanish davri boshlanadi. Bu tiklanish Xett hukmdorlari ichida eng ko‘zga ko‘ringan, tajribali diplomat, qobiliyatli sarkarda shoh Suppiluliumma nomi bilan chambarchas bog‘liq. Old Osiyoda qudratli Misr saltanati, Bobil va Mitanni davlatlarining zaiflashuvi oqibatida vujudga kelgan qulay xalqaro vaziyatdan Suppiluliumma ustalik bilan foydalanib, Xett saltanatining qudratini yanada oshirishga muvaffaq bo‘ladi. Xettlar harbiy qo‘shinida ot qo‘shilgan yengil va tezyurar aravalar joriy qilindi. Aravalarda uch jangchi: haydovchi, yoyandoz, qalqon ko‘targan askar joylashib, ular dushmanga qaqshatqich zarba berish imkoniga ega bo‘lgan. Suppiluliumma poytaxt Xattusu va boshqa shaharlar atrofini qal'alar bilan o‘rab mustahkamladi. Mursili II hukmdorligi davrida (miloddan avvalgi 1340-yilga yaqin) Xett davlati yanada kuchaydi. Ushbu hukmdor asosiy dushmani - Arsavi podsholigi bilan keskin kurash olib bordi. Ular o‘rtasidagi hal qiluvchi jang Janubiy Frigiyadagi Valma shahrida yuz berdi. Jangda Arsavi qo‘shinlari mag‘lub bo‘lib, shoh Arsavi va uning vorisi qo‘shni Axxiyava davlatiga qochib ketishadi. Xett qo‘shini Apasu shahrini qo‘lga olib, Egey dengiziga qadar chiqadi. Arsavi davlati Xett shohiga tobe bo‘lib qoldi. Shunday qilib, Kichik Osiyoning yirik qismi xettlar qo‘l ostiga o‘tadi. Bu - Xett davlati harbiy qudratining eng yuksalgan davri sifatida tarixda qoldi. Misr va Xett saltanati o‘rtasida miloddan avvalgi 1296-yilda tuzilgan sulh Shartnomasiga binoan, Suriyaning katta qismi va Buyuk Xett davlati 139 Shimoliy Finikiya xettlar ixtiyoriga, Falastin va Janubiy Finikiya esa, Misr ixtiyoriga o‘tdi. Ikki davlat o‘rtasida savdo aloqalari o‘rnatildi. Xett hukmdorining qizi Ramzes II nikohiga o‘tdi. Xattusili III bilan Ossuriya o‘rtasida to‘qnashuvlar boshlandi. XIII asrning oxirlariga kelib ”dengiz xalqlari” (Egey dengizi orollari aholisi) nomini olgan qudratli koalitsiya vujudga keldi. Ular Old Osiyoga to‘fon kabi yopirildilar. Misr ular hujumini bir amallab qaytargan bo‘lsa, Xett davlati ular xurujiga dosh berolmadi. Poytaxt - Xattusa dushman hujumi natijasida taslim bo‘ldi. Miloddan avvalgi 1190-yilga yaqin Buyuk Xett davlati inqirozga yuz tutdi. Miloddan avvalgi XII-VIII asrlarda omon qolgan kichik-kichik xett davlatlari Ossuriya tomonidan bosib olindi. Natijada, vaqt o‘tishi bilan Xett tili va yozuvi yo‘qolib, ularning nomi butunlay unut bo‘ldi. Yangi xettlar saltanati davrida iqtisodiyot va ijtimoiy munosabatlar. Yangi xettlar saltanati davrida iqtisodiy, xo‘jalik va ijtimoiy munosabatlarni o‘rganishdagi asosiy manba - o‘sha davrda qabul qilingan qonunlar to‘plamidir. Undan ma'lum bo‘lishicha, iqtisodiyot asosini chorvachilik tashkil etgan. Xo‘jalik ishlarida ishchi qoramollar va yuk tashuvchi ho‘kizlarning ahamiyati katta edi. Otlardan, asosan, harbiy maqsadda foydalanilgan. Xettlarda dehqonchilik ikkinchi o‘rinda turar va u ob-havoga bog‘liq edi. Sun'iy sug‘orishdan deyarli foydalanishmagan. Xett saltanatida yirik sun'iy sug‘orish inshootlari juda oz bo‘lgan. Dehqonchilikda, ko‘pincha, arpa yetishtirilgan bo‘lib, ba'zan arpa qiymat me'yori vazifasini o‘tagan. Arpadan tashqari bug‘doy navlari yetishtirilgan, shuningdek, bog‘dorchilik, uzumchilik ham bir qadar rivoj topgan. Kichik Osiyoda Shumer, Akkad va Misrdan farqli o‘laroq, xurmo daraxtidan faqat manzarali o‘simlik sifatida foydalanilgan, chunki tabiiy Sharoitda uning mevasi pishib ulgurmasdi. Shoh mamlakatdagi barcha yerlarning egasi hisoblanib, ularning ma'lum qismi hukmdorning xususiy mulki bo‘lgan. Bundan tashqari ibodatxonalar, jamoalarga tegishli hududlar bor edi. Jamoa yerlarining bir qismi amalda xususiy mulkka aylangan. Hunarmandchilik ancha rivojlanib, qonunlar va boshqa hujjatlarning guvohlik berishicha, Xett davlatida temirchi, duradgor, konchi, kulol va tikuvchilar bo‘lgan. 140 Qurol-aslaha yasashda, asosan misdan, keyinchalik, bronzadan foydalanilgan. Temir, dastlab Kichik Osiyoda topilgan bo‘lishiga qaramay, bu davrda xo‘jalik ahamiyatiga ega bo‘lmagan. Temirdan, ko‘pincha (xaykalcha) diniy urflar maqsadida hamda harbiy qurollar tayyorlanar edi. Hunarmandlar ichida ozod ishchilardan tashqari qullar ham anchagina bo‘lgan. Ko‘p hunarmandlar shaxsiy ehtiyojlari maqsadida yoki davlat xizmati uchun xo‘jalik ishlari bilan ham shug‘ullanganlar. Yangi Xett davlatida tashqi savdo rivoj topdi. Uning ustidan davlat nazorati o‘rnatildi. Oliy hokimiyat keng miqiyosda iqtisodiyotga aralashar edi. Bu yerda diniy-xo‘jalik mahkamalari katta rol o‘ynagan. Ular odatda “tosh uylar” deb atalib, ular vafot etgan shohlar tomonidan tashkil qilingan. Mahalliy “tosh uylar” markaziy “tosh uylar”ga bo‘ysungan. Ularning ixtiyorida ibodatxona xazinalari, oldi-sotdi bilan shug‘ullanuvchi tashkilotlar, mirshablar bo‘lgan. Rasman bu “tosh uylar” biron-bir ibodatxonaga tegishli bo‘lsa-da, amalda podsho yoki uning rafiqasi qaramog‘ida edi. “Tosh uy”, nafaqat, ma'muriy-moliya ishlari, balki, qisman, harbiy ishlar bilan ham shug‘ullangan. Katta-kichik yer egalariga tegishli yerlar ayrim hollarda sotib olingan va sotilgan. Egasi jinoiy ish qilgan yerlar shoh foydasiga musodara qilingan. Muqaddas shaharlarning boshida shoh yoki malika turar, bu shaharlar yerlari podsho mulki hisoblangan. Yangi xett davlatida hukmdorlarni ilohiylashtirish yana kuchaydi. Hukmdor mulkiga qasd qilgan odam qattiq jazo olar, “tosh uy”ni buzgan kishi esa, o‘limga hukm qilinib, mol-mulki musodara qilingan. Xett madaniyatiga qadimgi Misr va Mesopatamiya sivilizatsiyalari muayyan ta'sir ko‘rsatdi. Xettlar mamlakatida xudolar haqida minglab esdaliklar uchraydi. Masalan, momaqaldiroq xudosi Xattusa shahrining oliy himoyachisi hisoblanib, u bir qo‘lida chaqmoq, ikkinchi qo‘lida oy bolta tutgan holda tasvirlangan. Xattusada ayol xudo momaqaldiroq xudosining rafiqasi sifatida izzatlangan. Hosildorlik xudolariga e'tiqod keng quloch yoygan. Muqaddas jonivorlar - ho‘kiz, sher hamda qushlarga e'tiqod muhim o‘rin tutgan. Ba'zan shohlar quyosh xudosiga o‘xshatilgan. Qadimgi Xett madaniyati 141 Xett yozma manbalari orasida hukmdorlarning o‘ziga xos tarjimai hollari saqlanib qolgan. Ular saroy mirza (kotib)lari tomonidan bitilgan. Xett solnomalarida mamlakat tarixini uch davrga bo‘lib tasvirlashga harakat qilingan. Arxivlarda miloddan avvalgi XXIII asr oxirida Kutiy shohi Impakruning Aqqodga qilgan yurishi haqidagi tarixiy doston saqlangan. Xett saltanatida sakkiz mahalliy va chet tillarida so‘zlashilgan. Shuning uchun bu yerda uch tilli: shumer - bobil - xett lug‘atlari mavjud bo‘lgan. Shuningdek, ismlarga oid mashhur darslik yozib qoldirilgan. Bu darslik xett tilida yozilib, unda ko‘plab qadimgi hind tiliga oid atamalar uchraydi. Xett davlati avvalo harbiy davlat bo‘lgani uchun mudofaa, harbiy istehkomlar qurish ishlariga alohida e'tibor berilgan. Shaharlar ikki qatorlik devorlar bilan o‘ralgan. Shahar devorlari yirik tosh bloklardan tuzilgan. Xett haykalchalari, bo‘rtma naqshlari xurrit haykalchalarini eslatib turgan. Bo‘g‘oz-Qoya yaqinida arxeologlar tomonidan Xett davlati poytaxti - Xattusa shahri qoldiqlari topilgan bo‘lib, bu shahar antiqa me'morchilik namunalari bilan ajralib turadi. Shohlar qo‘lida quyosh xudosi hassasini tutgan holda tasvirlangan. Yazili - Qoyadagi bo‘rtma rasmlarda momaqaldiroq xudosi Teshubning shohni o‘z o‘g‘li kabi quchog‘iga olib turgani tasvirlangan. Saroy taomillariga muvofiq Xett shohini “quyoshim” deb atash lozim bo‘lgan. Xuddi shu kabi unvonlar Suriya hukmdorlarining miloddan avvalgi XIV asrga oid diplomatik xatlarida uchraydi. Xett davlatida xudo darajasiga ko‘tarilgan shohga e'tiqod qilish ana shu tariqa tashkil topgan. So‘nggi vaqtlarga qadar saqlanib kelgan ba'zi bir ibtidoiy xususiyatlar xett dinida mavjud bo‘lgan. Matriarxatning qadimgi shakllaridan biri bo‘lgan xett dinida hosildorlik kuchlarini o‘zida aks ettirgan tabiat onasi - ulug‘ ma'buda e'tiqodi asosiy o‘rin tutadi. Xett san'atida bu ma'buda, odatda, uzun kiyim va silindr shaklidagi bosh kiyimidan parda tushib turgan holda tasvirlangan. Shu bilan birga Xett o‘lkalarida tog‘lar, tabiat kuchlari - momaqaldiroq, yashin, shu bilan bir vaqtda yog‘in tufayli yuzaga keladigan hosildorlik xudosi Teshubga sig‘inilgan. Shu bilan birga, biz xett dinida yana bir xudo, ya'ni o‘lib, qayta tiriluvchi tabiat xudosi Telepin obrazini uchratamiz. Ushbu xudo, odatda, kalta kiyimda, Din va adabiyot 142 yoniga xanjar taqqan va ikki tomonli bolta tutgan, soqol - mo‘ylovi chiqmagan yosh yigit qiyofasida tasvirlangan. Xett xudolari ko‘proq yovvoyi hayvonlar ustida yoki tog‘ cho‘qqilarida tasvirlangan. Bu hol tog‘lik xalq va ovchilarga oid dinning o‘ziga xos jihatlarini ifodalaydi. Xettlar uzoq vaqt oliy davlat xudolari hamda turli mahalliy xudolarga e'tiqod qilib keldilar, bu esa qadimgi urug‘chilik tuzumining qoldig‘idir. Masalan, Xett davlati bitimlarida oliy xudolar bilan birga “Xett mamlakatining 1000 ta xudosi” tilga olinadi. Jodugarlik Xett dinidagi ibtidoiy zamondan qolgan sarqitlardan biri bo‘lib, uzoq vaqtga qadar o‘z ahamiyatini saqlab kelgan. Haqiqatda, jodugarlik xett adabiyotida o‘ziga xos o‘rin egallaydi. Xett davlati qonunlarida yomon niyatli jodugarlik bilan shug‘ullanish jinoyat hisoblanib, bunday jodugarlar qattiq jazolangan. Jodudan kasalliklarni haydash, odam a'zolarining ishdan chiqqan a'zolarini qayta tiklash uchun foydalanilgan. Bo‘g‘oz qoya arxivlarida Gisgimmas haqidagi rivoyatlar saqlanib qolgan. Bu rivoyatlar matnini o‘rganish shuni ko‘rsatadiki, Gisgimmas afsonalari Shumer va Aqqoddagi Gilgamesh haqidagi afsonaning aynan o‘zi. Garchi qahramonning ismi xett tiliga moslashtirilganiga qaramay, Gilgamesh va Gisgimmas yagona obraz bo‘lib qolavergan. Xett davlati tarixi va madaniyati Kichik Osiyoda yashagan xettlar Old Osiyo va Sharqiy Yevropa mamlakatlari o‘rtasida vositachi vazifasini o‘taganligini ko‘rsatadi. Xulosa qilib aytish mumkinki, xett madaniyatining o‘ziga xosligi, harbiy monarxiya ehtiyojlariga muvofiqligi bilan ajralib turgan. Falastin Livanning janubiy tog‘ etaklaridan to Arabiston cho‘lining shimoliy chegaralarigacha bo‘lgan yerni egallagan. U g‘arb tomondan O‘rta yer dengiziga borib tutashgan, Sharqda Suriya - Mesopotamiya dashtiga chegaradosh. Falastinning hududi juda kichik bo‘lib, taxminan 26 ming kv. km ni tashkil etadi. Jug‘rofiy jihatidan Falastinni 4 qismga: qirg‘oq bo‘yiga, Iordan g‘arbidagi yassi tog‘likka, Iordan vodiysiga va Iordan Sharqidagi yassi tog‘likka bo‘lish mumkin. Qirg‘oq bo‘yining janubiy qismi sug‘oriladigan unumdor yerlardan iborat. Qadimda bu yerlarda dexqonchilik ancha rivojlangan. Misrdan Suriyaga boradigan katta savdo yo‘li ham shu yerdan o‘tgan. Ayniqsa, Saron past tekkisligi Qadimgi Falastin 143 unumdor bo‘lib, “jannat bog‘i” nomini olgan. G‘arbiy Falastindagi ba'zi viloyatlarning yerlari ham serunum bo‘lgan. Vadi - Kelt daryosidan sug‘oriladigan Iyerixon tekisligi ana shunday viloyatlardan biri bo‘lgan. Iqlimi issiq, suvi serob bu yerlarda hatto xurmo palmasi o‘sgan. Arxeologik qazish ishlari Falastinda qadimgi tosh davridayoq odamlar yashaganligini ko‘rsatadi. Masalan, Gennisaret ko‘lining shimoliy-Sharqiy qirg‘og‘idagi g‘ordan neandertal odamning bosh suyagiga o‘xshash bosh suyak topilgan. Bu yerdan yana panshaxa, qirg‘ich, nayza va keyingi mustye va orinyak tipidagi qurollar kabi jihozlar chiqqan. Yuqori paleolit davriga oid shunday qurollar Quddusning shimoliy-Sharqidagi Shukbax yonidagi g‘ordan ham topilgan. Markaziy Falastinni mamlakatning janubiy qismidan ajratib turadigan Ayalon vodiysining g‘arbiy qismidagi qadimgi Gezerda o‘tkazilgan qazishlar vaqtida, neolit davriga xos noyob yodgorliklar kompleksi topilgan. Gezer yonida 1 gi qoyalarda tabiiy va sun'iy g‘orlar juda ko‘p. Neolit davrining odamlari ana shu g‘orlarda yashaganlar. Gezerning eng ko‘hna qatlamlari va Falastinning boshqa joylaridan topilgan sopol buyumlar neolit davriga xos. Arxeologik qazilmalar natijasida Falastin hududida qadim zamonlarda katta iqtisodiy, harbiy va madaniy ahamiyatga ega bo‘lgan shaharlar xarobalari topildi. Laxish xarobalarida mis qurol-yarog‘lar, shuningdek, XVIII - XIX sulolalarga mansub yozuvlarda bitilgan Misr qo‘ng‘izlarining tasviri topilgan. Misr va Xanaan yozuvlari, ayniqsa, diqqatga sazovor. Bunda topilgan sopol idishlardagi chizgilar o‘ziga xos alomatli yozuv paydo bo‘lganini ko‘rsatadi. Xarsang toshlardan ko‘tarilib, devor bilan o‘ralgan va to‘g‘ri burchakli minoralar bilan himoyalangan ko‘hna qal'a Gezer qala'sining xarobalari ham diqqatga sazovor. O‘lik dengizining shimoliy-g‘arbida joylashgan Iordan vodiysining g‘arb tarafida qadim shahar xarobalari topilgan. Tadqiqotchilar bu shaharni Tavrotda tasvirlangan Iyerixon shahriga o‘xshatadilar. Qazishlar natijasida bu shahar miloddan avvalgi IV-III ming yillikdayoq, yaxshi himoya qilingan qal'a bo‘lganligi aniqlangan. Samariyadagi Axam saroyidan xo‘jalik hisobotiga doir sanasi ko‘rsatilgan hujjatli 75 dona sopol parchasi topilgan. Quddusdan Yahudiya shohi Xizkiya 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 144 zamoniga (taxminan miloddan avvalgi 715-yillar) oid Siloam yozuvi Iordan daryosi ortidan topilgan. Unda Moavit hukmdori Mesha va qadimgi yahudiylar xudosi Yaxvening nomi tilga olinib, moavitlarning qo‘shni qabilalar bilan urushlari tasvirlanadi. Nihoyat, Laxish qal'asi xarobalaridan Kiriat - Iyearim shahri hokimi bilan Laxish shahri va unga qo‘shni qal'alarning harbiy qo‘mondonlari o‘rtasidagi yozishmalar (miloddan avvalgi 586-yilga oid) topilgan 1 . Eng qadimgi zamonlarda Falastin hududida yashagan qabilalar haqida Tavrot rivoyatlarida saqlanib qolgan ma'lumotlar bir muncha mavhum. Tavrot rivoyatlarida bu qabilalar yashagan tumanlar ko‘rsatiladi. Unda aytilishicha, qabilalarning bari qirilib, yo‘q qilib tashlangan. Har holda, Falastinda o‘ta qadim zamonlardayoq odamlar yashagani ma'lum. Falastin degan so‘z Tirdan janubroqda, O‘rta yer dengizi qirg‘og‘i bo‘ylarida yashagan egey qabilasi filistimlar (qadimgi yahudiycha Peleshet, qadimgi misrliklarda Peleset) nomidan kelib chiqqan. Miloddan avvalgi II-III ming yilliklarda Falastinda, qisman, Suriyada yashagan eng qadimgi semit qabilalari nomi ham Tavrotda keltiriladi. Bu qabilalar o‘z mamlakatlarini Xanaan (Misr yozuvlarida pa-Kanan) deb ataganlar. Tavrotda aytilishicha, xananeylar, asosan, Falastinning eng qadim va muhim savdo shaharlari joylashgan shimoliy qismida yashaganlar. Biroq xananeylar yanada katta hududni egallaganlar degan faraz mavjud, chunki Misr yozuvlari hamda Amarna arxividagi yozilgan hujjatlarga ko‘ra, Xanaan mamlakati butun Falastinni, hatto Finikiya va Falastinga qo‘shni o‘lkalarni ham o‘z ichiga olgan. Amoriylar g‘arbiy semit qabilalarining alohida guruhini tashkil qilganlar. Ular O‘rta Suriya, Livan va Antilivan o‘lkalarini egallaganlar. Nihoyat, miloddan avvalgi XV-XIV asrlardan boshlab, Falastin va Suriyada paydo bo‘lgan va nomi, ayniqsa, Amarna xatlarida ko‘p tilga olingan harbiy qabila ham (qabila miloddan avvalgi III ming yillikning o‘rtalarida Old Osiyoning ba'zi o‘lkalarida yashagan) g‘arbdagi semit qabilalari bilan birga tilga olinadi. Amarna xatlarida aytilishicha, harbiy qabilalar Falastinga bostirib kirib, uning shaharlarini birin-ketin ishg‘ol qilgan. Harbiy qabila nomi Qadimgi misrliklar tomonidan “aperu” deb atalishiga asos bor: misrliklar Yangi podsholik davrida 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 145 Suriyaga bosqinchilik maqsadida qo‘shin tortib borganida, Falastinda qo‘lga olingan asirlar shu nom bilan atalgan. Miloddan avvalgi XVIII asrda, ya'ni Misrning Falastin va Suriyadagi siyosiy ta'siri susaygach, mamlakat savdo shaharlari rivojlanishi uchun imkon tug‘ildi. Mahalliy hunarmandchilikka xos bo‘lgan O‘rta bronza davriga mansub buyumlar Tal - Bayt - Mirsim va Megiddodan topilgan. Xanaan hunarmandchiligiga oid nodir buyumlar Gezer, Iyerixon, Bet - Shemesh kabi joylardagi maqbaralar va hashamatli uy xarobalaridan topilgan. O‘sha zamon ijtimoiy tuzumining ba'zi xususiyatlarini ochib beradigan ma'lumotlar juda oz. Tal - Bayt - Mirsimda giksos qatlamidan katta g‘isht zal va bir nechta xonadan iborat uyning qoldiqlari topilgan edi. Taanax va Megiddo xarobalaridan topilib, “to‘ralarning uylari” nomini olgan binolar ancha keyingi davrga mansub. Falastinning turli joylarida olib borilgan qazish ishlari Falastin madaniyatini o‘rganishga imkon beradi. Falastinliklar Suriya va Falastinda miloddan avvalgi XII asrda paydo bo‘lgan degan taxmin bor. Ular Karmil tog‘idan janubroqda, qirg‘oq bo‘yidagi unumdor yerlarni bosib olganlar. Mamlakatning qabila nomi bilan Falastin deb atalishi falastin qabilalarining katta hududlarni istilo qilib, unda o‘rnashib olganini ko‘rsatadi. Falastinning janubiy qismi va Iordan daryosidan Sharqdagi tog‘li o‘lkalarda yashagan qadimgi qabilalar singari yahudiy qabilalari ham miloddan avvalgi II ming yillikda ko‘chmanchi chorvadorlik bilan shug‘ullanganlar. Sinay yarim oroli cho‘llarida va janubiy Falastinda yashagan bu qabilalar bilan tez-tez to‘qnashib turgan misrliklar ularni madaniy jihatdan qoloq hisoblab, past nazar bilan qaraganlar va ularni misr tilidagi “ko‘chmanchi chodiri” degan ma'noni anglatgan “iyexer” deb aytganlar. Misrliklar bu iborani o‘sha davrda Osiyodagi ko‘chmanchi chorvador qabilalardan olgan bo‘lishlari kerak. Qadimgi yahudiylar “uyga qaytamiz” deyish o‘rniga “chodirimizga qaytamiz” deganlar. “Jo‘naymiz” jumlasi o‘rniga, “chodir qoziqlarini sug‘uramiz” so‘zini ishlatganlar, “ularning qoziqlari sug‘urilib ketgan” degan gap vafot etgan kishilar haqida gap borayotganini anglatgan. “Yo‘l” so‘zi, “hayot kechirish, tirikchilik” ma'nosini, “yaylov” so‘zi “turar joy” ma'nosini anglatgan. 146 Katta urug‘ qabilalari Falastinda uzoq vaqt davomida ko‘chmanchi chorvador hayot kechirganlar, ammo har bir guruhning qat'iy belgilangan o‘z yaylovlari bo‘lgan. Ishoqning Yoqubdan ajralib chiqqani Tavrotda obrazli qilib tasvirlangan: “chunki ularning mol- mulki, podalari shu qadar ko‘p bo‘lganki, ko‘chib yurgan yerlariga sig‘may qolgan”. Falastinda miloddan avvalgi III ming yillikdan boshlab, ko‘chmanchi va o‘troq dehqon qabilalari yashagan. Miloddan avvalgi Download 1.41 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling