Talim vazirligi toshkent davlat sharqshunoslik instituti
Download 1.41 Mb. Pdf ko'rish
|
Жахон тарихи. (Қадимги дунё тарихи). У.Абдуллаев
XI-X asrlarda Misrning zaiflashishi ayni vaqtda Falastinda ayrim mustaqil davlatlar tashkil topishiga yordam bergan. Miloddan avvalgi XI asrda Falastindagi davlatlardan eng kattasi va qudratlisi, rivoyatga ko‘ra, Saul tomonidan barpo etilgan Isroil saltanati bo‘lgan. Falastinning istilo qilinishi va eng qadimgi Isroil saltanatining tashkil topgani haqida hikoya qilingan zafarnomalarda eng qadimgi Isroil shohining afsonaviy qahramonliklari tasvirlanadi. Bu parchalarda xalq qahramoni - Saulning Iabesh shahrini ozod etgani bayon qilingan. Iabesh shahri amoriylar qabilasi tomonidan qamal qilingan. U ozod qilingandan keyin, Saul, asosan, Binyomin qabilasidan katta lashkar to‘plab, yahudiylarning azaliy dushmani bo‘lgan falastinliklarga qarshi qattiq kurash boshlagan. Saul butun Isroilni o‘z hokimiyati ostida birlashtirishga va ta'sirini qo‘shni mamlakatlarga yoyishga harakat qilgan. U Shimolda yashaydigan isroil qabilalarini himoya qilib, Sobaning Arami saltanatiga qarshi otlanib, xanaaneylarning bir necha shaharlarini Isroilga qo‘shib oladi. Saul to‘g‘risidagi afsonalarda uning taqvodorligi alohida uqtiriladi. Uning “Xudo Yaxve” ruhi bilan yo‘g‘rilganligi aytiladi va Saul o‘zini “Xudo Isroil” vakili qilib ko‘rsatganligi aks ettiriladi. Saul va uning uch o‘g‘li falastinliklarga qarshi urushda halok bo‘lganlar. Saulning birlashtirish yo‘lida olib borgan ishini Dovud (X asr boshida) davom ettirdi. Dovud Falastinning janubiy qismiga o‘rnashib, mustaqil YAhudiya saltanatini tashkil etadi va Xebron shahrini uning markazi 1 qilib oladi. Saul vafotidan keyin Dovud Saulning vorisi va o‘g‘li Ishvaa'lamga qarshi 7 yil davomida qattiq kurash olib borib, uni mag‘lub etadi. Bu g‘alaba Dovudga Isroil podsholigi va Yahudiyani o‘z qo‘li ostida birlashtirish imkonini 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 147 beradi. Dovud bu davlatning katta harbiy kuchiga tayanib, falastinliklarga qarshi kurash boshlaydi. Dovud Quddusni qo‘lga kiritib, uni birlashgan davlatning poytaxti qilib oladi. Quddus Falastinning qadimgi shaharlaridan biri bo‘lib, bunda g‘oyat mustahkam Sion qal'asi bor edi. Shu vaqtdan boshlab Quddusning bu istehkomi “Dovud shahri” nomini oldi va Quddus mamlakatning bosh diniy markazi deb e'lon qilindi. Davlatda yagona din o‘rnatib, obro‘sini kuchaytirish va uning birligini mustahkamlash maqsadida, Dovud qadimgi yahudiylar dinining muqaddas ramzi bo‘lgan “Vasiyatlar qutisi” ni keltiradi va qadimgi Xanaan sanamlari, muqaddas chashmalar va qoyalarga e'tiqod qilishni xudo Yaxvega sig‘inish bilan birga qo‘shib olib boradi. Quddusda hashamatli saroylar, xudo Yaxve sharafiga mashhur ibodatxona solingan va qal'a qurilgan. Quddus shahri strategik va iqtisodiy jihatdan muhim o‘rin tutgan, boshqa shaharlar ham qo‘rg‘onlarga aylantirilgan. Megiddo va Gezer ana shunday shaharlar sirasidandir. Ushbu shaharlar xarobalaridan topilgan buyumlar o‘sha davrlardagi qurilish ishi va hunarmandchilikni o‘rganish imkonini beradi. Sulaymon Misrning XXI sulolasidan bo‘lgan so‘nggi podsholarning biri bilan ittifoq tuzgan degan farazlar ham bor. Sulaymonga tekkan Misr malikasi sep tariqasida Gezer shahrini Sulaymon davlatiga qo‘shib beradi. Tavrotda aytilishicha, Sulaymon Tirdan 120 mutaxassis olib kelish uchun Galileyaning 20-ta shahar va qishlog‘ini shoh Xiramga berishga majbur bo‘lgan. Quddusda zodagonlar bilan saroy ahllari zeb-ziynat ichida hashamatli xayot kechirar, lekin ularning bu hayoti qashshoq xalq ommasi hisobiga qurilgan edi. Sulaymon hukmronligi davri tarixiy manbalarda Isroil-Yahudiya saltanatining “oltin davri” sifatida tasvirlanadi. Podsho Sulaymon afsonalarda ideal podsho, donishmand hukmdor va oliy hakam deb ko‘rsatiladi. Keskin tus olgan sinfiy kurash Isroil va Yahudiya davlatlarini zaiflashtirib qo‘ydi. Qo‘shni davlatlar va xalqlar bilan urushlar, ayniqsa Ossuriya podsholarining Falastinga yurishlari ularni butunlay holdan toydirgan. Ossuriyaliklar Isroil davlatiga jiddiy zarba berganlar. Miloddan avvalgi XI asrdayoq, Salmanasar II Suriya va Falastinni bosib olish maqsadida qo‘shin tortib keladi. Ossuriya 148 podshosi Sargon II Isroil saltanatini tor-mor qilgan. U miloddan avvalgi 722-yilda Samariyani qo‘lga kiritib, Isroil podshosi Osiya va u bilan birga 27290 isroillikni asir qilib, olib ketgan, so‘ngra ularni Midiya va Mesopotamiyaga ko‘chirgan. Isroilga bobillik va oromiy aholisini olib kelib joylashtiradi. Isroil saltanati shu tariqa nurab boradi. Misrliklar Xanaan deb atagan bu mamlakat hududida Gezer, Megiddo, Laxish va Iyerusalim kabi shaharlar gullab yashnagan. Ular Finikiya, Suriya, Misr, Mesopotamiya kabi mamlakatlar bilan keng savdo aloqalari o‘rnatganlar. Falastinda qadimdan me'morchilik, to‘qimachilik, zargarlik, temirchilik, kulolchilik va kemasozlik rivojlangan. Miloddan avvalgi XIX-XVIII asrlarda Falastin shaharlari gullab yashnagan. Falastinning boyliklari qo‘shni davlatlarni o‘ziga tortgan. Asrlar davomida Misr, Bobil, Aqqod, Ossuriya, Xett, Eron, Yunon, Rim qo‘shinlari Falastinga ko‘plab yurishlar qilib, mamlakatga talofat keltirganlar. Qadimgi yahudiylar dini azaldan Falastin, Suriya va Finikiyada yashab kelgan qadimgi xalqlar diniy e'tiqodlari ta'sirida tarkib topgan. Bu qadimiy xalqlar misrliklar, bobilliklar tomonidan yaralgan buyuk madaniyat bilan yaqin aloqada bo‘lganlar. Masalan, Bet-Shan xarobalarida Misrning XVIII - XIX sulola fir'avnlari zamonida, jumladan, Seti I va Ramzes II davrida qurilgan ibodatxonalar qoldiqlari aniqlanib, Suriya - Finikiyaning Vaal - Dagon va Vaalat-ashtoret degan xudolariga topinganlar. Sinfiy jamiyat tarkib topib, quldorlik davlati paydo bo‘la borishi bilan qadimgi tabiat xudolari, shuningdek, urug‘, guruh va qabilalarning homiylari bo‘lmish xudolar mahalliy va oqibatda davlat xudolariga aylangan. Bir qancha boshqa xudo va ma'budalar (Anat, Betel, al-Elon, Al - Shadday)ga, ayniqsa, qadimgi yahudiylarning bosh xudosi - Yaxvega sig‘inish keng rasm bo‘lgan. Yaxve bora-bora jang xudosi, davlat hamda podsho hokimiyati homiysi bo‘lib qoldi. Miloddan avvalgi 722-yilda Isroil podsholigi qulagach, xususan, Bobil asirligidan so‘ng yahudiylarning yagona xudosi - Yaxvega oid teologiya (xudo va unga sig‘inish) ta'limoti yaratildi. Qadimgi Falastin madaniyati Din va adabiyot 149 Qadim afsonalarda dastlabki ruhoniy-podsho Melxisedek haqidagi eslatmalar mavjud. Melxisedek “Salim podshosi”, shu bilan birga xudo Al-Elonning kohini 1 bo‘lgan. Podsho “Yaxve nafasi tekkan” shaxs va uning “vakili” bo‘lib hisoblangan. Din adabiyot bilan chambarchas bog‘liq bo‘lgan. “Tavrot” kitoblarida qadimgi adabiyotning turli asarlari: diniy asotirlar, tarixiy afsonalar, qahramonlar haqida xalq dostonlari saqlangan. Tavrot asarlarida Xanaan hamda Bobil va Misr adabiyotining ta'siri sezilib turadi. Qadimgi Falastinda dehqonchilik, chorvachilik, hunarmandchilik va savdo-sotiq keng rivojlangan. Xo‘jalikni boshqarish uchun xat- savodli mirza, amaldor, harbiy, me'mor, hunarmandlar talab etilgan. Ular maxsus maktablarda tarbiyalangan. O‘sha davrda qadimgi oromiy yozuvidan foydalanilgan. Falastinda yozuv va amaliy bilimlarning vujudga kelishi xo‘jalik rivojiga katta ta'sir ko‘rsatgan. Finikiyaning jo‘g‘rofiy o‘rni o‘ziga xos. Suriyaning Finikiya nomini olgan dengiz bo‘yi qismi qadimda savdo yo‘llari orqali O‘rta yer dengizining Sharqidagi orollar Kipr, Krit va Egey dengizi arxipelagi bilan bog‘langan. Dengiz va karvon yo‘llari tutashgan yerda joylashgan Finikiyaning jo‘g‘rofiy holati mamlakatda savdo rivojiga sabab bo‘lgan. Finikiya g‘arb va Sharqdan Livan hamda Antilivan tog‘ tizmalari bilan o‘ralgan. Mamlakatning tarixiy hamda madaniy jihatdan birlashuviga imkon beradigan katta daryolarning yo‘qligi tufayli bu yerda yagona va qudratli davlat vujudga kelishi uchun qulay sharoit bo‘lmagan. Finikiyaning siyosiy jihatdan parchalanishi sabablaridan biri shuki, u qadimdan atrofi qudratli davlatlar bilan o‘ralgan bo‘lib, ular doimo ushbu boy o‘lkani istilo qilib, savdo shaharlarini bosib olishga intilib kelganlar. Iqtisodiy va harbiy jihatdan qudratli bo‘lmagan Finikiya ularga qarshilik ko‘rsata olmagan. Shuning uchun u o‘shanda muttasil ravishda goh bir, goh ikkinchi qo‘shnisining ta'siri ostida bo‘lgan. Finikiyaning ba'zi hududlaridagi tabiiy Sharoit dehqonchilikning rivojlanishiga yordam bergan. Finikiyaning sug‘oriladigan dengiz bo‘yida, ayniqsa, Marat, Berit, Sidon va Tir hududlarida dehqonchilik hamda bog‘dorchilikning taraqqiy etishi uchun tuproq va iqlimga oid 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 Finikiya 150 barcha sharoit mavjud bo‘lgan. Bu yerda hozirda ham mevazor bog‘lar ko‘p. Finikiyada asosan ko‘plab zaytun va uzum yetishtirilgan. Mamlakatning asosiy boyliklaridan biri - Livan tog‘larida o‘sadigan kedr (ingichkabargli doimiy yashil daraxt) va boshqa qimmatbaho daraxtlardan tashkil topgan o‘rmon hisoblangan. Qadim manbalar, Misr, Finikiya va Xett yozuvlari, Tavrot hamda antik mualliflar ma'lumotlari, shuningdek, lingvistik ma'lumotlarga ko‘ra, Finikiya qadimgi aholisining etnik tarkibi miloddan avvalgi III ming yillikda juda qorishiq bo‘lgan. Eng qadimgi qabilalardan biri xurriylar - shimoliy-g‘arbiy Mesopotamiya va Shimoliy Suriyada yashagan. Ular shu yerdan qo‘shni viloyatlar, jumladan, Suriyaning chegaradosh hududlari orqali Finikiya va Falastinga tarqalganlar. Miloddan avvalgi III ming yillik oxiri-II ming yillik boshlarida Finikiyada bir necha mayda shahar-davlatlar mavjud bo‘lgan. Ular orasida davlatning bosh shaharlari Ugarit hamda Bibl dengiz sohilida joylashgan. Ras - Shamradan topilgan yozuvlarda jo‘g‘rofiy nomlar, jumladan O‘rta Suriya, Finikiya va Falastin shaharlari nomi tilga olinadi. Bunga ko‘ra, Ugarit ham iqtisodiy, ham madaniy-siyosiy jihatdan bu mamlakatlar bilan yaqin aloqada bo‘lgan, deb aytish mumkin. Bundan tashqari, Ugarit Egey dengizidagi Krit, Kipr, Rodos orol aholisi bilan, shuningdek, Misr bilan qizg‘in savdo olib borgan. Miloddan avvalgi II ming yillik o‘rtalariga kelib, Finikiya Misr hukmronligi ta'siri ostiga tushib qoladi. Misrning Finikiyani istilo qilishi hamda vaqt o‘tishi bilan Misr hukmronligi zaiflashuvi XVIII sulola davridan qolgan misr yozuvlaridan, jumladan, Al-Amarnada topilgan diplomatiya arxividan ma'lum. Unda o‘sha vaqtdagi xalqaro munosabatlarni yoritgan ko‘pgina diplomatiya hujjatlari saqlangan. Ugarit Miloddan avvalgi II ming yillikda ancha yuksalgan edi. Ugarit arxividagi hujjatlarda qishloq xo‘jaligiga oid ma'lumotlar ko‘plab uchraydi. Iqtisodiy taraqqiyot muhim ijtimoiy siljishlarga olib keldi. Chek yerlar sotilaverib, shaxsiy mulkdorlar qo‘lida to‘plangan. Miloddan avvalgi XIV asrda Ugarit xettlar hukmronligi ostiga tushib qolgan (miloddan avvalgi taxminan 1400 yillarda Ugarit hatto vayron qilingan). Finikiya hududidagi qadimgi shahar- davlatlar 151 Janubroqdagi Finikiya markazi - Biblda, miloddan avvalgi II ming yillikda Misr ta'siri kuchli bo‘lgan. Bu yerda misrliklarning iyeroglif yozuvlari va Misr rassomlarining asarlari topilgan. Ammo II ming yillikning ikkinchi yarmida janubiy Finikiya shaharlari tobora yuksalib borgan hamda Misr bilan Xett podsholigi o‘rtasidagi ziddiyatlardan foydalanib, mustaqil bo‘lgan. Janubiy Finikiyada Bibl bilan birga Sidon va Tir shaharlarining mavqyei ortib borgan. Tushkunlikka yuz tutgan Ugaritning Egey dengiziga eltuvchi savdo yo‘llari ana shu shaharlar qo‘liga o‘tgan. Finikiyada siyosiy birlik bo‘lmagan. Finikiya shahar xalqining o‘ziga xos nomi bo‘lib, har bir shahar aholisi o‘zini shu shahar nomi bilan atagan. “Finikiyalik” so‘zi misrliklarning etnik atamasi (anglashilmovchilik tufayli yunonlar “Fenexu” so‘zini “qizil”, ya'ni “foyneks” deb talqin qilganlar) bo‘lib, uni yunonlar o‘zlaricha talaffuz qilganlar. Har bir shaharning o‘z podshosi bo‘lib, u zodagonlar kengashi va xalq majlisiga bo‘ysungan. Ijtimoiy - iqtisodiy munosabatlar. Finikiya tabiiy Sharoiti dehqonchilik rivojlanishi imkonini bergan. Bu yerlarning tuprog‘i unumdor va suvi yetarli bo‘lgani uchun qadim neolit davridan bug‘doy, arpa va tariq ekilgan. Donli o‘simliklar bilan bir qatorda dastlabki texnik ishlovli o‘simliklar ham yetishtirilgan. Miloddan avvalgi III ming yillikda zig‘ir ekib, undan mato tayyorlashni bilganlar. Bu matolarning izlari sopol siniqlarida saqlanib qolgan. Omochga odatda eshak, ho‘kiz, ba'zan odam (qul) lar ham qo‘shib yer haydalgan. Finikiyada g‘allakorlik bilan birga dehqonchilikning yanada intensivroq turlari, jumladan, uzumchilik va uning samarasi sifatida vinochilik shu tariqa vujudga kelgan. Finikiya vinosi mashhur bo‘lib, uning ta'rifi Rim davrigacha saqlanib qolgan. Rim ahli uzumchilik hususida karfagenlik Magonni dalil sifatida keltiradilar. Magon Shimoliy Afrikadagi Finikiya mustamlakalarida yirik uzumchilik va vinochilik xo‘jaliklarining tajribasidan foydalangan. Misr yozuvlarida Oront daryosi vodiysidagi Jahin davlatining boyliklari quyidagicha ta'riflanadi: “Bog‘larda turli mevalar to‘lib toshgan. Vino suv kabi oqadi. Terrasalarda to‘kilib yotgan g‘alla hatto qumdan ham ko‘p” 1 . 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 152 O‘sha davrlardayoq Finikiyada turli hunarlar paydo bo‘la boshlagan. Livan tog‘laridan temir rudasi qazib olingan. Uni qazib olish va ishlash usuli nisbatan yengil bo‘lgan. Mamlakatda, ayniqsa, to‘qimachilik taraqqiy etgan. Finikiyaliklar mato bo‘yash mahorati bilan nom qozonganlar. Bo‘yoq Finikiya eksportida juda muhim o‘rin tutgan. Bu bo‘yoqlarning finikiyacha nomlanishi Ossuriya va qadimgi yahudiy tillaridagi shu ma'noli so‘zlarga yaqin bo‘lgan. Och qizil rangga bo‘yalgan jun matolar tayyorlanganligi Ras - Shamradan topilgan va miloddan avvalgi XIV asrga oid yozuvlarda uchraydi. To‘q qizil bo‘yoqlar tayyorlaydigan ustaxonalar Ugarit shahrining dengizga tutash qismida joylashgan. Oyna tayyorlash sohasida Finikiya ahli katta yutuqlarga erishgan. Biroq bu texnikani Finikiyaliklar misrliklardan va qisman ossuriyaliklardan o‘rganganlar. Livan tog‘larida qurilish va machta yasashda ishlatiladigan yaxshi daraxtlarning ko‘pligi yog‘och buyum yasash va kemasozlikning rivojlanishi imkonini bergan. Bibl, Sidon va Tir verflarida (sxemalar quriladigan va ta'mirlaydigan korxonalar) eshkakli katta kemalar qurilgan. Eshkakchilar odatda qullardan iborat bo‘lib, ular kursilarga kishanlab qo‘yilgan. Kema halokatga uchraganda qullar g‘arq bo‘lganlar. Finikiyaliklar o‘z davrining mohir kemasozlari hisoblanganlar. Qadimgi podsholik davridayoq misrliklar kema turlaridan birini “Bibl kemasi” deb ataganlar. Qabila nomining “Finikiyaliklar” deb atalishi ham misrcha “kemasoz” degan ma'noni anglatgan “fenexu” so‘zidan kelib chiqqan bo‘lsa, ajab emas. Hatto miloddan avvalgi V asrda yashagan yunon tarixchisi Geradot ham fors flotidagi kemalar ichida “finikiyaliklar yasagan kemalar boshqalaridan yaxshi suzishi bilan ajralib turardi”, deb yozadi. Finikiya kemasining qadimgi turi og‘ir bo‘lsa ham, lekin dengizda suzishga moslashgan, u yelkanlar yordamida harakatlanib, katta yuk tashishga mo‘ljallangan. Finikiyada savdo taraqqiy etgan. Buning sababi qishloq xo‘jaligida Yuqori hosildorlik hamda hunarmandchilikdagi muvaffaqiyatlar va qulay jo‘g‘rofiy Sharoitning mavjudligidir. Finikiya shaharlari Old Osiyo mamlakatlarini Egey dengizi havzasi, Afrika va Arabiston bilan bog‘laydigan muhim savdo yo‘llari tutashgan yerda joylashgan. Bu savdo quruqlikdagi yo‘llar va dengiz yo‘llari orqali olib borilgan. Kichik Osiyo, Mesopotamiya, Arabiston, Savdo 153 Qizil dengiz va Misrdan savdo karvonlari Finikiya shaharlariga kelganlar. Yuklar odatda, ot-ulovda, ammo shu bilan birga aravalarda ham tashilgan. Ibodatxonadagi suratlar ikki g‘ildirakli arava mavjud bo‘lganidan dalolat beradi. Ras - Shamradan topilgan va miloddan avvalgi III ming yillikka oid eng qadimgi yozuvlar ham Ugarit davlati aholisining savdo faoliyatini ta'riflab beradi. Karvon yo‘llari orqali olib borilgan savdo Suriyaning shimoliy qirg‘og‘idan to Qizil dengiz sohilidagi Aqaba qo‘ltig‘igacha bo‘lgan hududlarni, shu bilan birga, Xanaanni o‘z ichiga olgan. Finikiyada, ayniqsa, dengiz savdosi ravnaq topdi. Miloddan avvalgi IV ming yillikda, qadimgi podsholik davridayoq, misrliklar Finikiyadan turli xil mollar olib ketganlar. Ulardan zaytun moyi va yog‘och alohida ahamiyatga ega bo‘lgan. Finikiyaliklar, shu bilan birga vino, kedr moyi, chorva mollari, don, upa-eliklar va shifobaxsh dori-darmonlar keltirganlar. Savdo va iqtisodda yog‘och muhim o‘rin tutgan. Finikiya savdo shaharlariga yaqin joylashgan Livan va Antilivan tog‘ tizmalari, shuningdek, Kichik Osiyo, Kavkazorti, O‘rta va Shimoliy Suriya hamda Falastinning yondosh tog‘ o‘lkalari o‘sha vaqtda katta o‘rmonlar bilan qoplangan edi. Kedr, Kilikiya qarag‘ayi va dengiz bo‘yi qarag‘aylari hamda boshqa qimmatbaho daraxt navlarining mo‘l-ko‘lligi va bu hududlarning daraxtga boyligi yerlik savdogarlarga katta miqdorda yog‘och, binokorlik va yelkanli kemalar uchun zarur yog‘ochlarni Misr, Mesopotamiyaga sotish imkonini bergan. Bu holat Seti I davridagi bo‘rtma naqshda yaxshi ifodalangan bo‘lib, unda Livan sultonlarining Misr podshosi uchun kedr daraxtlari kesayotganlari tasvirlangan. Finikiyaliklar boshqa mamlakatlarga ham yog‘och olib borib sotganlar. Masalan: Tir podshosi Xiran I Isroil - YAhudiy saltanati podshosi Sulaymonga Quddus ibodatxonasi qurilishi uchun kedr daraxtlari yuborgan. Miloddan avvalgi VIII asrda finikiyaliklar Ossuriya podshosi Sargon II ning saroyi qurilishi uchun yog‘och yetkazib berganlar. Ba'zan Finikiya Ossuriya podsholariga xirojni kedr daraxti bilan to‘lagan. Finikiya shaharlari, asosan, Biblning Misr bilan savdosi miloddan avvalgi II ming yillik o‘rtalari va ikkinchi yarmida, ya'ni Finikiya bilan Suriya, Misr fir'avnlari tomonidan bosib olinib, Misr davlati tarkibiga qo‘shilgan davrida yanada ravnaq topadi. Amarna 154 arxivida saqlangan diplomatik xatlar bu savdo rivojlanganligi haqida aniq ma'lumot beradi. Ras - Shamradan topilgan va miloddan avvalgi II ming yillikka oid rasmiy hujjatlarda savdogarlar, badavlat kishilar va hatto xususiy yer egalari tilga olinadi. Bu narsa sinfiy tabaqalanishni ancha rivojlanganligini ko‘rsatadi. O‘rta podsholik davriga oid Misr yozuvlarida fira'vnning dushmanlari orasida “gavanlik kishilar” tilga olinadi: ular Finikiya shaharlarining notinch savdogar va hunarmand aholisi bo‘lib, ular Misr istilochilariga qarshi tez-tez qo‘zg‘olon ko‘tarib turganlar. Finikiya shahar - davlatlarining gullab yashnashi. Misrning Yangi podsholigi va Xett podsholigining zaiflashuvi natijasida Finikiyada Tir, Sidon, Bibl va Arad kabi mustaqil davlatlarning vujudga kelishi uchun qulay Sharoit yaratildi. Mustaqil bo‘lib olgan bu davlatlar miloddan avvalgi X-IX asrlarga kelib ravnaq topdi. Bu vaqtda Misr bilan Ossuriya inqirozni boshidan kechirib, Finikiyaning savdo shaharlariga tahdid qilishga qurbi yetmay qoldi. Bibl bilan birga boshqa yirik savdo shaharlari - Sidon va Tir maydonga chiqdi. Sidon Finikiyaning eng qadim savdo markazlaridan biri bo‘lgan. Shu tufayli isroilliklar va qadimgi yunonlar finikiyaliklarni sidonliklar deb ataganlar. Keyinchalik tashkil topgan Tir-Sidon saltanati podshosi, odatda, Sidon podshosi unvonini olgan. Nihoyat, Finikiyaning eng katta ibodatxonasi - Astarta Sidonda joylashgan. Bu ibodatxonaning mavqyei butun Finikiyada Yuqori bo‘lgan. Biroz vaqt o‘tgach, Tir yirik savdo va siyosiy markaz sifatida maydonga chiqadi. Tir podshosi Xiram I (miloddan avvalgi 969-936 yillar) juda keng miqyosda savdo va istilochilik siyosatini olib boradi. U Kipr oroli, Afrikadagi Utika va Ofir mamlakatlariga yurish qilgan. Xiram I Shimoliy Afrikadagi kichik yarim orolda (hozirgi Tunis hududida) o‘z manzilgohini barpo etib, Karfagen shahriga asos soldi. Karfagen finikiyacha “Kart Xadaiy”, ya'ni “yangi shahar 1 ” ma'nosini anglatgan. Xiram I olib borgan keng ko‘lamli istilochilik siyosati Tirning ravnaq topishiga sabab bo‘ldi. Orolning qulay yerida joylashgan Tir yuksalib, katta va boy shaharga aylanadi. Shaharning 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 155 Sharqiy qismi tuproq bilan to‘ldirilib, uning hududi sun'iy ravishda kengaytiriladi. Ana shu hududda Xiram I davrida yangi turar joylar, bozor va xalq yig‘ilishlari uchun keng maydon barpo etiladi. Tir mustahkam va qudratli dengiz qal'asiga aylanadi. Miloddan avvalgi Download 1.41 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling