Talim vazirligi toshkent davlat sharqshunoslik instituti
Download 1.41 Mb. Pdf ko'rish
|
Жахон тарихи. (Қадимги дунё тарихи). У.Абдуллаев
- Bu sahifa navigatsiya:
- Rudrasena I nabirasi shahzoda Rudrasena II
- Samxavishnuning
- IV asrda
- (radja)
- IV asrning birinchi yarmida
- Chandragupta I
- 380-yillarda
- Chandragupta II
- Skandagupta (455 - 467
- Fa Syan Chandragupta II
- 399-414 yillar
- Kumaragupta
- Toramana
- Yer egaligi.
- «uchlik»
- «Mahabxarata»ning
- 12-mavzu. Qadimgi Hindiston tarixnavisligi. Qadimgi Hindiston madaniyati va tashqi aloqalari Reja
- (miloddan avvalgi III-II ming yilliklar)
- Miloddan avvalgi VI asrda
- XVIII asr
- XIX asrdayoq
- XX asrning 30-yillaridan boshlab
360) qiyos qilishadi. Ammo ma'lumki, guptalar Samudraguptaning janubga yurishi chog‘ida bosib olingan barcha viloyatlarni rasman o‘z imperiyasi tarkibiga qo‘shib olishni lozim topdilar. Har ikki sulola vakillari do‘stona aloqalar o‘rnatish muhimligini yaxshi tushunar, guptalar vakataklar orqali janubiy hududlarga ta'sir o‘tkazish niyatida edilar. Vakataklar esa ochiq jangda guptalarga jiddiy qarshilik ko‘rsata olmasdilar. Bu vaqtda guptalar o‘z diqqatlarini g‘arbiy kshatraplar bilan bo‘ladigan janglarga qaratadilar. Rudrasena I nabirasi shahzoda Rudrasena II esa Prabxavatigupta - gupta shohi Chandragupta II Vikramadityaning qiziga uylanadi. Vakataklar saroyida guptalar ta'siri kuchaydi. Bu davrda mamlakat poytaxti Nandivarxanga guptalar elchisi, undan tashqari o‘zga mansabdor shaxslar ham kelardilar. Ko‘p o‘tmay, yagona sulola bir necha mahalliy sulolarga bo‘linib ketdi. Ulardan biri - Vatsagulimi (Janubiy Berar) vakataklari katta obro‘-e'tiborga ega bo‘ldi. VI asr oxirida shoh Samxavishnu yangi sulolaga asos soldi va Pallavlar davlati hududini Kavera daryosiga qadar kengaytirdi. U Pandya, Chola, Chera sulolalari va Shri-Lanka hukmdorlarini ustidan g‘olib keldi. Samxavishnuning o‘g‘li va vorisi Maxendravarman I Chaluki sulolasiga oid qudratli hukmdor - Pulakeshin II dan mag‘lub bo‘lib, Vengi viloyatini qo‘ldan boy berdi. Janubiy Hindiston siyosiy tarixida Kalombo (Karnatak), Ganga (hozirgi Maysur shtati) sulolasi mavjud bo‘lganligi ma'lum. Ganga sulolasiga IV asrda asos solinib, poytaxti Talanavaputra bo‘lgan. Uning mustaqilligiga 1004 yili Cholalar chek qo‘ydi 2 . Janubiy Hindistonda davlat tuzumi. Qadimgi yozuvlar va adabiy manbalarda aytilishicha Janubiy Hindiston va Dekanda taxt qat'iy ravishda otadan farzandga meros sifatida o‘tgan. Davlatni boshqarish uslubi monarxiya ko‘rinishida bo‘lgan. Satavaxan va Vakataklar davrining ilk ma'lumotlaridan bir necha yuz yil ichida davlatni boshqarish tizimida hech qanday o‘zgarishlar bo‘lmaganligi ma'lum. Vakataklar imperiyasida markazlashgan boshqaruv va markazning 1 History of ancient civilization. Charlez Seignobos 2006 page:155-156/ 2 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 222 qat'iy nazorati yo‘lga qo‘yilgan. Satavaxanlar davlati viloyat (janapad)larga bo‘lingan. Ular tepasida maxsus harbiy amaldor - maxasenalar turgan. Viloyatlar o‘z navbatida amat, ya'ni okruglarga bo‘lingan. Vakataklar imperiyasida: rashtra (radja), vishaya, bxakti, axara kabi ma'muriy bo‘linish turlari mavjud bo‘lgan. Qadimgi yozuvlarda yerni in'om qilish to‘g‘risidagi farmonlarda amaldorlar (rajuklar), qishloq amaldorlari (gramaxumalar) haqida aytib o‘tiladi. Kushon davlati siyosiy jihatdan parchalanib ketganidan so‘ng, maydonga qudratli Guptalar imperiyasi chiqdi. Bu davrga kelib kushonlarning so‘nggi vakillari G‘arbiy Panjobda kichik hududdagina egalik qilardilar. Gujorat, Rojaston va Malvada kshatraplar hukm surar, Gang vodiysida, jumladan, respublika toifasidagi davlatlar mavjud edi. Magadxada birin-ketin ko‘plab sulolalar almashib, ular Shimoliy Hindistonning ijtimoiy va iqtisodiy hayotida ancha jiddiy o‘rin tutdilar. Hindiston qadimgi sivilizatsiyasining gullagan davrida Guptalar davlati 200 yildan ortiq hukm surdi. Bu davlat Hindiston iqtisodiy hayotida o‘ziga xos ahamiyat kasb etdi. Magadxada hunarmandchilik keng rivojlandi. Qishloq xo‘jaligi aholining oziq-ovqatga bo‘lgan ehtiyojini to‘liq ta'minlardi. Magadxa asosiy metall yetkazib beruvchiga aylandi. Bundan tashqari, u budda dinining muqaddas qadamjoyi sifatida mashhur bo‘ldi. Homiylar va Buddaga e'tiqod qiluvchilardan tushgan mablag‘ yangi ehromlar barpo qilish uchun sarflandi. IV asrning birinchi yarmida Magadxa gullab yashnadi. U Guptalar imperiyasining siyosiy markaziga aylandi. Bu imperiya mamlakat tarixida chuqur iz qoldirdi. Mazkur sulola asoschisi Chandragupta guptalardan bo‘lgani uchun davlat uning nomi bilan ataldi. Guptalar davlatining bosh davri 320 yillarga to‘g‘ri keladi. Shu davrdan sulolaning barcha vakillari nomiga “gupta” qo‘shimchasi qo‘shildi. Chandragupta I Maxarajatxiraja, ya'ni «shohlar shohi» nomini oldi. Bundan, u mustaqil hukmdor bo‘lgan deb xulosa qilish mumkin. U o‘zining qisqa muddat hukmronligi davrida davlat va sulola obro‘sini oshirdi. Ma'lumotlarga ko‘ra, u qo‘shni lichchxaviylar sulolasi malikasiga uylanib, katta siyosiy yutuqqa erishdi. Uning rafiqasi Kumara Deva haqida muayyan ma'lumotlar mavjud. Bu davrda zarb etilgan tangalarda ham shoh o‘z rafiqasi bilan birga Guptalar imperiyasi. 223 tasvirlangan. Lichchxaviylar o‘ta qadimgi qabila bo‘lib, ular hozirda Bixar shtatining shimoliy qismini egallaganlar. Bu nikohdan so‘ng guptalar mavqyei yanada oshishi, Sharqiy chegaralardagi kuchlar nisbati o‘zgarishiga olib keldi. Manbalarda yozilishicha, Chandraguptaning o‘g‘li Samudraguptaning onasi lichchxaviylardan bo‘lgan. Shunday qilib, bu qarindoshlik rishtalari ikki katta davlatni birlashtirib, kudratli imperiyaga aylanishiga olib keldi. Yana shu yozuvlarda Samudragupta ikki davlat vorisi sifatida ko‘rsatiladi. U taxminan 380-yillarda vafot etgan. Epigrafik ma'lumotlarga ko‘ra, Samudragupta vafotidan so‘ng taxt uning o‘g‘li - Chandragupta II ga o‘tib, u 375-415 yillarda hukmronlik qilgan. Qadimgi hind mualliflaridan Visakxaddatning «Devichandragupta» (VI asr) asarida Chandragupta II hukmronligida guptalar yanada gullab yashnagan deb aytiladi. Lekin u akasi Ramagupta bilan shiddatli janglardan so‘nggina hokimiyatni egallay oldi. Aka-uka orasidagi bu kurash akasining o‘limi bilan tugab, Chandragupta II akasining xotini - Dxuruvadeviga uylanadi. Chandragupta II kshatraplar bilan bo‘lgan janglarida qozongan g‘alabalari ham unga muvaffaqiyat keltirdi. V asr boshlarida g‘arbiy kshatraplar hududida Chandragupta II tangalari muomalaga kiritildi. Bundan tashqari, u g‘arbga yurishlarida bir necha viloyatlar, jumladan, sohil bo‘yi yerlarini bosib oldi. Shu tarzda guptalar muhim savdo-sotiq markazlariga ega bo‘lib, natijada tashqi aloqalar kengaydi. Chandragupta II faoliyatiga oid tarixiy hujjat - Dehlidagi mashhur temir ustun yozuvlari hisoblanadi. Unda Vanga (Sharqiy Bengaliya) va Baxlika (Shimoliy Afg‘oniston)ni egallab olgan hukmdor - shoh Chandra haqida hikoya qilinadi. Yozuvlarda aytilishicha, Chandragupta II yetti devon osha shimoliy-g‘arbga yurishlar uyushtirgan. Chandragupta II vafotidan so‘ng taxtga uning o‘g‘li Kumaragupta o‘tirdi (415-455). U ham otasi kabi imperiya qudratini saqlab qolishga intildi. Sulolaning keyingi vakili Skandagupta (455- 467) ham mamlakatni butunligini saqlab qoldi. Manbalarda u sulola xaloskori sifatida tilga olinadi. Guptalarning so‘nggi vakili Budxagupta 20 yildan ortiq (475-497) hukmronlik qilgan. Uning vafotidan so‘ng xun-eftalitlarga qarshi urush boshlangan. 224 Mashhur xitoy sayyohi Fa Syan Chandragupta II hukmronligi davrida Hindistonga sayohat qildi. Uning yo‘li Gobi cho‘li va Xo‘tanning tog‘li tumanlari, Pomir tog‘ etaklari, Svat va Gandxara orqali o‘tdi. U Hindistonning Peshovar, Matxura va boshqa yirik shaharlarini ziyorat qildi. Uning asosiy maqsadi buddaviylik diniga oid osori atiqalarni izlab topishdan iborat edi. Sayyoh hayoti haqidagi esdaliklariga 399-414 yillar voqyealarini kiritgan. U Pataliputrada uch yil yashab, bu vaqtda sanskrit tilini o‘rgandi. Guptalar davlat tuzumi. Birinchi asrlarda Hindiston hududidagi yirik imperiyalardan biri - Guptalar davlat tuzumi haqida kengroq ma'lumotlar saqlangan. Tadqiqotchilar fikriga ko‘ra 1 , mazkur davlat ilk davrlardan markazlashgan boshqaruv tizimiga ega edi. Ularning boshqaruv tizimi Mauriylarning boshqaruvidan deyarli farq qilmasa ham, ko‘p jihatdan mukammal bo‘lgan. Bu imperiya hukmdorlari mazkur tuzumga bir qancha o‘zgartirishlar kiritdilar. Ma'lumki, taxt otadan o‘g‘ilga o‘tar, ba'zi hollarda hukmdor vorisni o‘zi tayinlardi. Shu sababli taxt uchun kurash shoh o‘limidan oldin voris aniqlanganidan so‘ng boshlanib ketardi. Guptalar o‘z istilochilik yurishlarida yengilgan shohlarni qatl etar, yerlarini esa o‘z hududlariga qo‘shib olardilar. Bu davrga kelib Gang vodiysida yashayotgan xalqlar orasida tenglik qaror topdi. Viloyatlar orasidagi savdo aloqalari iqtisodiy turmushni taraqqiy ettirdi. Viloyatlar o‘lka va shaharlarga bo‘lingan, imperiya hududidan tashqarida unga bo‘ysungan vassal davlatlar ham bor edi. Xun-eftalitlar bosqini va Guptalar imperiyasining qulashi. Kumaragupta vafotidan so‘ng Guptalar imperiyasining osoyishtaligi buzildi. Uning vorisi Hindistonga bostirib kirgan xun - eftalitlar bilan shiddatli kurash olib bordi. Sinxa va Banerjining yozishicha, II asr o‘rtalariga kelib katta kuch to‘plagan Xun - shu qabilasi Xitoyning Sharqiy qismidan Yue-chji qabilasini siqib chiqardi. So‘ng ular yanada g‘arbroqqa kirib borib, Amudaryo voxasidagi xalqlarni xonavayron etdilar. Ularning eftalit - “oq xunlar” deyilishi ham shundan. Ular bilan ba'zi turk qabilalari ham ittifoq tuzganlar. Eftalitlar hududiga kirgan yerlar xitoy olimlari tomonidan yozilgan asarlarni eng so‘nggi arab va fors manbalari bilan solishtirgan holda aniqlandi. Bu hududga, asosan, Markaziy Osiyo va 1 History of ancient civilization. Charlez Seignobos 2006 225 Toxariston kirgan. Bundan tashqari eftalitlar janubga ham bir necha bor istilochilik yurishlari qilganlar. Ular V asrga kelib katta kuch to‘pladilar va Kushon davlati hamda Eron sosoniylari uchun katta xavf tug‘dirdilar. Bu ikki davlatni mag‘lub etgach, Hindistonning shimoliy-g‘arbiy qismiga ham bostirib kirdilar. Taxminan 457-yilda guptalar xunlar bilan ilk bor to‘qnashganlar. Manbalarda guptalar bu kurashda yengib chiqqanlari haqida ma'lumotlar bor. Ular xunlardan katta o‘lpon to‘lashni talab etganlar. Natijada xunlar oltin tangalarning vaznini kamaytirish va zarb etilgan metallar turini ko‘paytirishga majbur bo‘lganlar. Toramana vorisi Mixirakula davrida guptalar jiddiy talofat ko‘rdilar. Ammo hal qiluvchi jangda guptalar hukmdori Narasimxaning qo‘li baland keldi va Mixirakula shimoliy-g‘arbiy Hindistonni tashlab ketishga majbur bo‘ldi. Narasimxa o‘z qo‘lida Panjob va Gandxara viloyatlarini saqlab qoldi. 533-yilda Malva hukmdori ham xunlarni mag‘lub etdi. Biroq bu davrga kelib guptalarning kuchi qirqilgan edi. Ba'zi viloyatlar mustaqil bo‘lib, imperiya tarkibidan chiqib ketdi. Guptalar ma'lum vaqt Magadxa va boshqa viloyatlarda hokimiyatni qo‘llarida tutib turdilar. Bu davlatni boshqargan hokimlar guptalarning so‘nggi va zaif hukmdorlari edi. Eftalitlar ulkan davlat barpo etdilar. Bu davlat chegaralari Kushonlar imperiyasi hududidan ham katta bo‘lgani bilan turli xalq va millatlardan iborat bo‘lgani uchun mustahkam emas edi. Eftalitlar Markaziy Osiyo va Hindiston xalqlari turmush tarziga o‘ziga xos ta'sir ko‘rsatdilar. Ular ko‘pincha o‘zlari bosib olgan xalqlar dinini qabul qilar, ular bilan assimilyatsiyalashib ketardilar. Bu siyosiy kurash oqibatida Guptalar imperiyasi qulab, uning o‘rnida bir necha tarqoq davlatlar paydo bo‘ldi. Yer egaligi. Xususiy yer egaligining taraqqiy etishi. I asrda yerga egalik, xususiy mulkchilik va yer egasining mulkiy daxlsizligi saqlanib qoldi. Birovning yerini nohaq o‘zlashtirish jinoyat hisoblanar va buning uchun katta jarima solingan. Yer egasi o‘zi ishlashi yo yerni ijaraga berishidan qat'i nazar, yer egasi hisoblangan. Guptalar davrida yer sotilishi va olinishiga oid yorliqlar paydo bo‘ldi. Davlat yer egalarini muhofaza etar, jamoa xususiy yer egalari ko‘payishiga qarshi bo‘lsa ham, ular ixtiyoridagi yerlar kengayib bordi. 226 Bu davrda yerni ijaraga berish keng tarqaldi. Ba'zi ijaradorlar bora-bora yer sohiblariga mute' bo‘lib qolardilar. Hunarmandchilik. Bu davrda hind degrez va misgarlari mamlakat ichida ham, tashqarisida ham mashhur edilar. V asrda ular balandligi 7 metr, og‘irligi 6 tonnali temir ustun bunyod etganlar. Oradan bir yarim ming yil o‘tganiga qaramay, uning biror yeri na zanglagan, na yemirilgan. Uni tayyorlash siri hozirgacha ma'lum emas. O‘sha vaqtlardayoq oltin, mis, qo‘rg‘oshindan turli bejirim buyumlar yasash yo‘lga qo‘yilgan. Shoh ixtiyorida maxsus temirchi va qurolsozlar bo‘lgan. Ular davlat nazoratida turganlar. Shuningdek, konlar, qurol ishlab chiqarish ham uning tasarrufida edi. Qurol yasashda yunon-rim hunarmandlari tajribasidan foydalanilgan. Biroq ko‘plab temirchilar faqat mahalliy an'analarga tayanib ish yuritardilar. Ular chiqargan mahsulotlar a'lo sifatli bo‘lgani uchun chet mamlakatlarda ham xaridorgir edi. Temir va po‘lat hatto Afrika portlarida ham sotilar, zargarlik buyumlari esa Hindistondan yiroqda ham qadrlangan. Taksilada chet el hunarmandlari yasagan buyumlar topilgan. To‘qimachilik, ayniqsa, ip - gazlama xaridorgir bo‘lib, xorijda ham unga talab katta bo‘lgan. Bu davrda hunarmandlar uyushmalari - shrenlar yanada rivoj topdi 1 . Ularning nufuzi ancha baland bo‘lib, hukumat ularni o‘z tasarrufiga olishga intilardi. Ular xususiy shaxslar bilan Shartnomalar tuzar, hukmdorlar bilan bitimlar imzolar edilar. Ularning badavlatlari buddaviy rohiblarga sovg‘a-salom berar, ibodatxonalar bunyod etardilar. Arxeologiya qazilmalari jarayonida ularning shaxsiy muhrlari topilgan. Savdo. Bu davrda savdo tez rivojlandi. Guptalar hukmronligi davrida ochilgan yo‘llar tashqi va ichki savdoni kengaytirishda muhim ahamiyatga ega bo‘ldi. Hind va Gang daryolari bo‘ylab savdo kemalari qatnar edi. Gang vodiysi asosiy savdo markazlaridan biri bo‘lib, bu yerdan mamlakatning barcha burchaklariga yo‘llar o‘tgan. Bu markazlardan g‘arbda Goxarukachgxa, Hind deltasi, Patala, shimoliy-g‘arbiy Pugikalavata va Sharqda Tampalipti, Gang vodiysida Varanasi, Kaushambi, Pataliputralar joylashgan edi. Savdo kemalari Bengal ko‘rfazidan janubga yo‘l olganlar. Shimoldan jun matolar, 1 Немировский А.И. История Древнего мира. В 2-х частях. Античност. М., «Владос», 2000. 227 janubdan esa qimmatbaho tosh va ziravorlar, Sharqdan metall va ipak, g‘arbdan gazmol va yilqi keltirilgan. Sind va Araxosiya otlari bilan nom chiqargan. Kushon va guptalar davrida tashqi savdoning gurkirab rivojlanishiga hukmdorlarning atrofdagi mamlakatlar nazarida katta nufuzga egaligi sabab bo‘ldi. Qadimgi hindlar mohir dengizchi bo‘lib, musson shamollaridan ustalik bilan foydalanganlar. Bu mintaqada Rim imperiyasi savdo yo‘nalishlarini belgilab turgan. U Hindistondan ko‘plab mahsulot xarid qilish bilan birga, bu yerda o‘z savdo shahobchalarini ham tashkil etgan. Ayniqsa, Arikamedu (hozirgi Patucheri yaqini)da ana shunday shahobchalar mashhur edi. Arxeologlar bu yerdan Rim tangalari, oyna va amforalarni topdilar. Bu davrda Avgust va Troyan kabi imperatorlar huzuriga hind elchilari jo‘natilgan. G‘arbda hind dorivorlari, upa-eliklar katta shuhrat qozongan edi. Hindistondan fil suyagidan yasalgan qimmatbaho buyumlar va tilla taqinchoqlar ham uzoq o‘lkalarga olib ketilgan. Bundan tashqari, musiqa va raqs san'atini o‘rgangan joriyalar savdosi ham yo‘lga qo‘yilgan. Hindistonning Uzoq Sharq va G‘arb bilan aloqalarini yo‘lga qo‘yishda Buyuk Ipak yo‘lining ahamiyati juda katta edi. Savdo ishida shren nomini olgan birlashmalar faoliyat ko‘rsatgan. Buddizm tanazzuli va hinduizm. Guptalar va ulardan keyingi davrlarda budda dini o‘z ta'siri va ahamiyatini asta-sekin yo‘qota boshladi. Buddaviy ibodatxonalar xarobaga aylanib, kohinlar ham e'tibordan chetda qola boshladilar. Buddizm shimolda va Kashmirdagina o‘z mavqyeini saqlab qolib, Gang vodiysida vishnu va shiva dinlari taraqqiy etdi. Natijada mamlakat hududida yangi din - hinduizm vujudga kelib rivojlandi. Shimolda saqlanib qolgan budda dini ham tobora hinduizm bilan qo‘shilib, yagona dinga aylandi. Yangi din jamiyatda tez tarqaldi. Ibodatxonalarda hind ma'budalari qad ko‘tardi. Hinduizmning ikki asosiy yo‘nalishidan biri vishnuizm bo‘lib, u mauriylar davridayoq tarkib topgan edi. Guptalar davrida bu din yana ham taraqqiy etdi. Bunda yana bir ma'bud - Krishnaga e'tiqod qilina boshlandi. Mazkur diniy ta'limotning boshqa dinlardan farqi - uch ma'budaga birday ibodat qilinishida edi. Bu «uchlik» hindularda 228 «Trimurti» nomini oldi 1 . Ular olamni yaratuvchisi - Brahma, olamni saqlovchisi - Vishnu va vayron etuvchisi - Shiva ma'budalaridir. Vayron qilish - Shivaga xos xislat bo‘lib, ikkinchi tomondan u odamlarni tarkidunyochilik va xayr-ehson qilishga da'vat etadi 2 . «Mahabxarata»ning bir qismini o‘z ichiga olgan «Bxagavadgita» hindlarning ma'naviy hayotida o‘ziga xos o‘rin tutadi. Undagi yetakchi g‘oya yaxshi xulq, insoniylik, dunyoviylik va ilohiylikning o‘zaro uzviyligidan iborat. 1 Monmonier M., Rhumb Lines and Map Wars. A Social History of the Mercator Projection, Chicago 2004. 2 Бонгард – Левин Г.М. Древнеиндийская цивилизация. История. Религия. Философия. М., 2000г. 229 12-mavzu. Qadimgi Hindiston tarixnavisligi. Qadimgi Hindiston madaniyati va tashqi aloqalari Reja: 1. Qadimgi Hindiston manbashunosligi va tarixnavisligi. 2. Mauriylar davrida madaniyat. 3. Kushonlar va Guptalar davri madaniyati. 4. Qadimgi Hindistonning tashqi aloqalari. 5. Qadimgi Hindiston va Eron. Tayanch iboralar: Xarappa madaniyati, «Monu qonunlari», «Bxagavadgita», “kotib”, «Lalita vistara», vidaxi, Maxavira, Shakala, «shohlar shohi», «Buddaxacharita», «Saundrananda va Nanda», «Shariputraprakana», «Shakuntala», «Vikramarvashi», Aryabxata, «Bixatsamxita», matxura, andxra, «elchixonalar davri». Hindiston eng qadimgi davrlardanoq ko‘plab uzoq va yaqin qo‘shnilari bilan madaniy va savdo-sotiq aloqalari o‘rnatgan. Xarappa madaniyati davrida (miloddan avvalgi III-II ming yilliklar) hind hunarmandlari yaratgan buyumlar O‘rta yer dengizi mamlakatlari, Mesopotamiya, Markaziy Osiyogacha yetib borgan. Keyingi asrlarda Hindiston G‘arb va Janubiy-Sharqiy Osiyo mamlakatlari bilan mustahkam aloqalar bog‘ladi. Miloddan avvalgi VI asrda Shimoli- G‘arbiy Hindiston ahmoniylar tasarrufiga o‘tganidan so‘ng, Makedoniyalik Iskandar bu o‘lkaga yurish qildi. Shundan so‘ng bu o‘lka haqidagi ma'lumotlar olamga yanada kengroq tarqaldi. Hindiston yurishi ishtirokchilarining asarlari, Salavk elchisi Megasfen xotiralari, yunon mualliflari Arrian, Strabon, Pliniy kitoblarida bu mamlakat haqida turli-tuman va diqqatga sazovor ma'lumotlar mavjud. Sharqning mashhur qomusiy olimi va dastlabki buyuk hindshunos Abu Rayhon Beruniy (XI asr) hind xalqining urf-odati, turmush tarzi, dini va dunyoqarashi, mamlakat ijtimoiy tuzumi, tarixi, o‘simlik hamda hayvonot dunyosi, barcha ilm-fan taraqqiyoti haqida «Hindiston» nomli nodir asarini yaratdi. Beruniy Hindistonda shaxsan bo‘lib, bu o‘lkani o‘z ko‘zi bilan ko‘rgan, har tomonlama chuqur o‘rgangan edi. Qadimgi Hindiston manbashunosligi va tarixnavisligi. 230 Hindistonning qadimiy tarixi va madaniyatini ilmiy jihatdan o‘rganish XVIII asr oxiridan boshlandi. Ingliz tarixchisi U. Jons (1746-1791) ilk bor sanskrit tilidagi qadimiy hind adabiy yodgorliklarini tadqiq etishga kirishdi va «Monu qonunlari» ni ingliz tiliga tarjima qildi. 1785-yilda esa Ch.Uilkins ko‘hna Hindistonning diniy-falsafiy asari - «Bxagavadgita»ni ingliz tilida chop ettirdi. Avvalo Angliya, so‘ng G‘arbiy Yevropa mamlakatlarida qadimgi Hindiston tarixiga oid ilk asarlar paydo bo‘ldi. Ammo ularning jiddiy kamchiligi shunda ediki, mualliflar ingliz mustamlaka ma'muriyatining vakillari bo‘lib, ular qadimiy Hindistonning talay yutuqlari G‘arbdan olingan, butun Sharq madaniyati singari hind madaniyatiga ham qoloqlik va turg‘unlik xos deb uqtirishga intildilar. Hind tarixchilari XIX asrdayoq bunday g‘ayri ilmiy qarashlar haqiqatdan yiroq ekanligini isbotladilar. XIX asrning oxirgi choragi va XX asr boshlarida Hindistonda arxeologik tekshirishlar boshlandi. 20-30 yillarda hind qadimshunoslari Hind vohasidagi eng qadimiy madaniyatni kashf qildilar. Hind daryosi vodiysidagi qazilmalar Hindiston tarixi ming yillar avval boshlanganligini isbotladi. Qadimgi Hindistonning boy madaniyati oriylardan meros emas, balki ulardan ancha avval ham mamlakatning tub aholisi yuksak madaniyatga ega bo‘lganligi aniqlandi. XX asrning 30-yillaridan boshlab, ayniqsa so‘nggi o‘n yillarda dunyo hindshunosligida mamlakat ijtimoiy-iqtisodiy muammolarini tadqiq etishga e'tibor kuchaydi. Tarixnavislikda qadimgi Hindistondagi quldorlik munosabatlari masalalari yorita boshlandi. Qadimgi hind madaniyatini o‘rganish, adabiyotini tarjima qilib nashr etish borasida qator ishlar amalga oshirildi. Hindiston mustaqillikka erishgach, uning qadimgi tarixini o‘rganishda yangi davr boshlandi. Hind tarixchilari vatan tarixiga oid ko‘plab yirik asarlar yozdilar, talaygina ilmiy va adabiy kitoblarni qadim sanskritdan hozirgi hind tiliga o‘girib nashr etdilar. Yozuvning tarqalishi. Hindistonning ko‘plab viloyatlarida topilgan Ashoka bitiklariga ko‘ra, Download 1.41 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling