Talim vazirligi toshkent davlat sharqshunoslik instituti
(miloddan avvalgi 605-562-yillar)
Download 1.41 Mb. Pdf ko'rish
|
Жахон тарихи. (Қадимги дунё тарихи). У.Абдуллаев
(miloddan avvalgi 605-562-yillar) harbiy muvaffaqqiyatlaridan to‘la ravishda foydalangan. U Nil daryosi deltasigacha yetib borib, Suriyani egallab, misrliklarni Old Osiyodan batamom siqib chiqaradi. Navuxodonosor g‘oyat ehtiyotkor hukmdor bo‘lganligi sababli, ana shu erishgan yutuqlari bilan cheklangan. Misr tarafdorlari anchagina ko‘p edi, shu jumladan, YAhudiya shohi Ioakim ham Misrni qo‘llab-quvvatlagan. Yahudiyaning Bobildan ajralib chiqib, Bobilga xiroj to‘lashdan bosh tortishi yangidan urush boshlanib ketishiga bahona bo‘ldi. Navuxodonosor Yahudiya ustiga qo‘shin tortib, Quddus shahrini qamal qiladi. Bobil qo‘shinlari qal'a devorlari bilan o‘rab olingan bu poytaxt shaharni uch oy qamaldan so‘ng, oxiri miloddan avvalgi 597-yilda egallashga muvaffaq bo‘ldilar. Fir'avn Uax - ib -Ra (Airiy) Suriya sohillarini egallash va shu orqali siyosiy hukmronlik qilish uchun zarur asosiy hududlarni qo‘lga kiritish maqsadida, qo‘shin va harbiy flotga bosh bo‘lib, Osiyo tomon otlandi. Yangi Bobil Podshohligining taraqqiy etishi 118 Yahudiylar shiddatli va qonli janglarda Yahudiya davlatining hayot-mamoti uchun, poytaxtlarini qattiq turib, qahramonlarcha mudofaa qiladilar. Biroq baribir yahudiylar qarshiligi sindiriladi. Bobil qo‘shinlari Quddusni shijoat bilan qo‘lga kiritib, shaharni vayron hamda talon-taroj qilib, unga o‘t qo‘yib yuborganlar (miloddan avvalgi 586-yil). Bobil shohi isyonchilarni qattiq jazoladi. Yahudiya hukmdori Sidkiya qolgan-qutgan qo‘shini bilan birga Iyerixon tekisligida qo‘lga tushadi va ko‘zi o‘yilib, ko‘r qilinadi. YAhudiya shahzodalari esa qatl qilinadi. Ko‘plab yahudiylar asir olinib, Bobilga haydab olib ketiladi. Miloddan avvalgi 586-yilda vayron qilingan Quddus yong‘ini 1 da yahudiylarning erkin va mustaqil davlat haqidagi orzulari batamom puchga chiqdi. Bobil shohi Suriyada o‘z hokimiyatini mustahkamlab, Falastinga egalik qila boshladi. Ammo Navuxodonosor Suriyani o‘ziga tobe qilish uchun Finikiya shaharlarini uzil-kesil bo‘ysundirishi kerak edi. Finikiya davlatining qadimgi poytaxti - boy va qudratli Tir - savdo markazi bo‘lib, shaharlar orasida yetakchi o‘rinlardan birida turardi. Tir aholisi o‘z mustaqilligini mardlarcha himoya qildi. Yaxmos II bu bilan Bobilning O‘rta dengiz Sharqidagi yerlarini egallashida qarshilik ko‘rsatmoqchi bo‘lgan. Bobil hukmdori Mesopotamiya, Suriya, Finikiya va Falastinni istilo qilgan bo‘lishiga qaramay, shoshilinch bunyod etilgan saltanatning u qadar mustahkam emasligini o‘zi ham bilardi. Nahrilqalb daryosi buyidagi qoyalarda Misr fir'avnlari va Ossuriya istilochilarining tantanali g‘alabalariga oid ma'lumotlar mavjud. Ammo Navuxodonosor haqidagi yozuvlarda Yuqoridagi g‘alabalar haqida xech narsa aytilmagan. Navuxodonosor miloddan avvalgi 562-yilda vafot etdi. Uning 43 yillik hukmdorligi davrida Yangi Bobil podsholigi yuksak taraqqiyotga erishdi. Miloddan avvalgi 555-yildagi davlat to‘ntarishidan keyin Bobil taxtiga o‘tirgan Nabonid Navuxodonosor II ishini davom ettirish niyatida bo‘lib, Navuxodosorni o‘z yozuvlarida homiysi sifatida ko‘p bora hurmat bilan tilga oladi 2 . 1 Taylor A., The World of Gerard Mercator, London 2005. Thower N.J.W., Maps and Civilization, Cartography in Culture and Society, 3rd edn., e book, Chicago 2008. 2 История Востока. Восток в древности. Москва Издательская фирма «Восточная литература» РАН 2002 119 Nabonid 17 yillik (miloddan avvalgi 555-538-yillar) hukmdorligi davrida mamlakat butunligini saqlash uchun qattiq kurash olib borgan. U shohligining dastlabki yillari shimoliy Suriyada ko‘tarilgan qo‘zg‘olonni bostirib, Xamat hamda Amurru mamlakatiga qo‘shin tortib, to Edemning janubigacha yetib boradi. Ammo Bobil uchun asosiy xavf uyasi bu yerda emas edi. Suriya bilan Falastin bostirilgan, shuningdek, kuchsizlanib qolgan Misrdan yordam kuta olmasdilar. Tir shahrini Nabonid podsho qilib ko‘targan Xiram II idora qilar edi. Mesopotamiyaning shimoliy qismida Bobil uchun ancha mushkul ahvol yuzaga keladi. Midiya hukmdori Astiag (Ishtuvegu) Shimoliy Mesopotamiyaga yurib, Xarran o‘lkasiga kirib boradi. Yozuvlardan ma'lum bo‘lishicha, Nabonid “ummanmand”larga (midiyaliklarga) qarshi chiqadi-yu, lekin midiyaliklarni undan avval Anshana shohi Kayxisrav tor-mor keltiradi. Midiya hukmdorligining yemirilib, Eron yuksalayotganini ko‘rgan Nabonid o‘zining shimoliy-g‘arbiy chegaralarini mustahkamlashga qaror qilgan va shu sababli, o‘z so‘zlariga ko‘ra, Xarranda bu yerga midiyaliklarning xurujidan katta zarar ko‘rgan muqaddas qadamjolarni tiklashga alohida e'tibor bergan. Eron bosqini xavfini avvaldan sezgan Nabonid Arabiston bilan aloqalarini mustahkamlash niyatida Teymaga lashkar tortib, uni bosib olib, o‘z qarorgohiga aylantiradi. Nabonid Teymada o‘zini bir qadar tinch sezardi. Siyosat maydonidagi vaziyat Bobil saltanati uchun tobora xavfli bo‘lib bordi. Eron shohi Kayxisrav miloddan avvalgi 550-yilda Midiyani bo‘ysundirib, Lidiyaga qarshi otlanadi. Lidiya saltanatini egallab, shu orqali Mesopotamiyani Sharq va shimoldan o‘ziga qarashli yerlari bilan o‘rab oladi. Eron shohining barcha yutuqlari Bobil qaydlarida batafsil ko‘rsatilgan. Qaydnomaning miloddan avvalgi 546-yilga oid bobida elamiylar (forslar yoki ularning Elamdagi ittifoqchilari deb taxmin qilinadi) Aqqodga bostirib kirganligi va Urukka Elam hokimi tayinlanganligi aytiladi. Forslar Dajla daryosining Sharqida Quyi Zab, Dajla daryosi vohasidagi Gutium o‘lkasini bosib oladilar. Kayxisrav miloddan avvalgi 539- yilda Mesopotamiyaga bostirib kirib, Opis yonida Bobil qo‘shinlarini tor-mor keltirgan. Miloddan avvalgi 538-yilda Kayxisrav Sipparni ishg‘ol qilib, Bobil chegaralariga yaqinlashadi. Nabonidning xudojo‘y va olimligi ham, butun mamlakatdan keltirilgan xudo haykallari ham 120 (Nabonid ularni yig‘ib, Bobilni g‘oyat katta qadimgi diniy yodgorliklar muzeyiga aylantirgan 1 ) uni qutqarib qololmadi. Kayxisrav miloddan avvalgi 538-yilning kuzida Bobilga kirib, Nabonidni taxtdan chetlashtiradi va Bobilni qudratli Eron davlati tarkibiga qo‘shib oladi. Bobil Old Osiyoning eng katta savdo markazi hamda nafaqat qadimgi Sharq, balki butun qadimgi dunyo madaniy hayot taraqqiyotiga katta ta'sir ko‘rsatgan madaniyat markazi sifatida o‘z ahamiyatini muayyan muddat saqlab qoladi. 1 История Востока. Восток в древности. Москва Издательская фирма «Восточная литература» РАН 2002 121 7-mavzu. Mesopotamiya davri bo‘yicha manbalar va tarixnavislik. Ossuriya va yangi bobil podsholigi davrida madaniyat. Reja: 1. Qadimgi Mesopotamiya tarixi va manbashunosligi. 2. Yozma hujjatlar. 3. Diplomatik hujjatlar. 4. Tarixiy yozuvlar - solnomalar. 5. Antik mualliflarning asarlari. Tayanch iboralar: sivilizatsiya, mixxat, manbashunoslik, tarixnavislik, kolleksiya, solnoma, ekspeditsiya, antik dunyo, deshifrovka, shumershunoslik, ossurshunoslik, piktografiya, «Kir manifesti», «Rassam Silindri», «Osma bog‘lar»,“suv tubining chin o‘g‘li”, Marduk, patesi, piktografiya, mixxat tizimi, Ea, Sin Utu, Shamash, Ishtar, lugal, Gilgamesh, pretsessiya, Xammurapi, Gerakl, Gerodot, Aqida, epik poema, mirza (kotib), solnoma, monument, relyef. Mesopotamiya - yunoncha «Ikki daryo oralig‘i» degan ma'noni anglatadi. Frot (uzunligi 2700 km) va Dajla (uzunligi 1900 km) daryolari shimolda Armaniston tog‘laridan boshlanib, janubda ular Fors ko‘rfaziga quyiladi. Bir necha ming yillar avval bu ikki daryo alohida-alohida Fors ko‘rfaziga quyilgan, keyinchalik ming yillar o‘tishi bilan ular Shatt-al-arab deltasida birlashib, hozirgidek Fors ko‘rfaziga qo‘yiladigan bo‘lgan. Bundan olti ming yil ilgari Frot va Dajla daryolari vodiylarining janubiy qismiga shumerliklar, shimoliy qismiga esa yirik ko‘chmanchi qabilalar - aqqodlar kelib joylashgan. Bu vodiylarda qadimgi Shumer va Aqqod sivilizatsiyalari vujudga kelgan. Mesopotamiya (asosan, hozirgi Iroq respublikasi hududi) Yaqin Sharq markazida joylashgan bo‘lib, qadimdan bu mintaqa orqali ko‘plab savdo yo‘llari g‘arbdan Sharqqa, shimoldan janubga tomon o‘tgan. 122 Mesopotamiyada arxeologik qazilmalar XIX asrning o‘rtalaridan boshlandi. Bu ishlarni amalga oshirish, umuman, Mesopotamiya tarixini o‘rganishda Yevropa, Amerika arxeologlarining xizmati katta. Birinchi arxeologik kashfiyotlar 1842-yilda Mesopotamiyaning shimoliy qismida fransiyalik diplomat, tibbiyot mutaxassisi E.P.Botta tomonidan amalga oshirildi 1 . U, avval, Kuyunjik tepaligida qazish ishlarini olib borib, so‘ng o‘z ishini Xorsobod qishlog‘ida davom ettirdi. 1843-yilda E.P.Botta bu yerdan Ossuriya podshosi Sargon II ning qimmatli saroy xarobalarini topdi. 1845-1847-yillarda ingliz diplomati G.A. Leyyard Nimrud tepaligida arxeologik qazishlarni amalga oshirdi. Bu mutaxassis Sharq tillarini yaxshi bilib, YAqin Sharq bo‘ylab ko‘p sayohat qilgan edi. G.A. Leyyard Nimrud tepaligi ostida saqlanib qolgan Ossuriya shahri - Kalxu xarobalarini kashf etdi. Bu shaharda podsholar saroylari, qasrlar, insu jinslardan saqlaydigan ho‘kiz-odam, sher-odam tasvirlari tushirilgan yirik haykallar, turli manzaralarni aks ettirgan relyeflar va boshqa madaniy yodgorlik qoldiqlari topilgan. 1847-yilda G.A. Leyyard yana bir ajoyib kashfiyot qildi. U Kuyunjik tepaligida qazish ishlarini olib borib (E.P.Botta «bu tepalikda qazish ishlarini amalga oshirish natija bermaydi», deb aytgan), Ossuriyaning dushmanlar tomonidan yondirilgan va vayron qilingan poytaxti - Nineviya shahri, shu bilan birga miloddan avvalgi VII asrda yashagan podsho Sinaxerib hamda nevarasi Ashshurbanipal saroyi va kutubxonasini topdi. Kutubxonadan loydan ishlangan mixxatli yozuvlar topildi. Mutaxassislarning fikricha, Ashshurbanipal kutubxonasi saroyning ikkinchi qavatida joylashgan bo‘lib, yong‘in chog‘ida qulab tushgan. Mixxatli jadvallar katalogida o‘sha vaqtdagi asarlar ro‘yxati berilgan. Har bir jadvalga “Ashshurbanipal saroyi” degan muhr o‘yib bosilgan. Leyyard topgan qazilmalar, keyinchalik, Londondagi Britaniya muzeyining qadimgi Sharq kolleksiyalari asosini tashkil qildi. XIX asrning ikkinchi yarmi XX asr boshlarida Mesopotamiyadagi arxeologik qazish ishlarining yangi bosqichi boshlandi. Bu vaqtda Dajla va Frot daryolari vodiylaridan ko‘plab 1 История Востока. Восток в древности. Москва Издательская фирма «Восточная литература» РАН 2002 Arxeologik qazilmalar 123 shaharlarning vayronalari topildi. Leyyard - O. Rassam xodimlari Kuyunjik tepaligini tadqiq qilishda davom etdilar va Ossuriya podshosi Ashshurbanipal saroyi, ov, harbiy sahnalarni aks ettirgan relyeflarni topishdi. Nimrud tepaligidan 14 km narida Balavat nomini olgan joydan O.Rassam miloddan avvalgi IX asrga tegishli Ossuriya yodgorliklari, shuningdek, podsho Ashshurbanipal II ning ibodatxonasi hamda Salmanasar III ning o‘sha davrdagi harbiy yurishlarini tasvirlagan va shahar darvozasi ustiga bronza plitalar qoplangan Balavat darvozasini topdi. Bundan tashqari, O.Rassam Mesopotamiyaning turli burchaklaridan qator yozma hujjatlar, shu jumladan, “Kir manifesti”, “Rassam silindri” deb nom olgan Ashshurbanipalning solnomasi 1 ni hamda Ossuriya va Bobil podsholarining yozuvlari, ish yuritish va ma'rifiy hujjatlarini topdi. Mesopotamiyadagi qadim shaharni o‘rganishda Angliyalik geolog V.Loftus ham katta hissa qo‘shdi. U Varka xarobalarini tadqiq qila turib, qadimgi Uruk shahri hamda ibodatxona kutubxonasida saqlangan hujjatlarni topdi. Loftus, shuningdek, qadimgi Larsa (hozirgi Senkere) shahri, undagi saroy, quyosh xudosi ibodatxonasi va turli sohalarga oid hujjatlarni aniqladi. 1854-yilda ingliz diplomati J.Teylor El - Mukayir tepaligida arxeologiya ishlarini amalga oshirib, Ur shahri, Shumer shaharlaridan bo‘lgan Eredu shahrini topdi 2 . Mesopotamiyaning qadimgi shaharlarini o‘rganishda fransuz diplomati E. de Sarzek jiddiy natijalarga erishdi. U 1877-1900- yillarda Tellox tepaliklari ostidagi shumerlar shahri - Lagashni kashf qildi. Unda shahar hokimlarining tosh haykallari, kumush va alebastrdan ishlangan vazalari topildi. Tello tepaligida topilgan yodgorliklarning ichida “burgutlar” deb atalgan plitaning parchasi juda qiziq edi. Unda Lagash shahrining hukmdori - Eannatumning qo‘shni shahar - Ummu ustidan erishgan harbiy g‘alabasi, ya'ni 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 2 История Востока. Восток в древности. Москва Издательская фирма «Восточная литература» РАН 2002 124 “Burgutlar” plitasida jangda halok bo‘lgan askarlar jasadini burgutlar g‘ajib yotgan manzarasi aks ettirilgan edi. 1888-yilda Amerika arxeologlaridan J.Peters, Xilprext va boshqalar uch ming yil yashagan qadimgi Nippur shahrini kashf qildilar. Bu shahar o‘zining bahaybatligi bilan kishini hayratga solardi. Undan 60 mingdan ziyod yozuvli taxtachalari bo‘lgan ibodatxona kutubxonasi, qasrlar, turli xo‘jalik inshootlari, qurilishlar, maktab, bozor, savdo rastalari, turar joylar, ish hujjatlari saqlangan katta arxiv topildi. XX asr boshlarida qadimgi Mesopotamiya hududida muhim ahamiyatga ega kashfiyotlar yuz berdi. R.Koldevey rahbarligidagi nemis arxeologik ekspeditsiyasi Bag‘doddan 50 km janubdagi tepaliklarda tekshirish ishlarini amalga oshirdi. Natijada qadimgi Bobil (Bob - elon - Xudo darvozasi) - Vavilon shahri ochildi. Bobil bir necha ming yil davomida Mesopotamiyaning yirik iqtisodiy, siyosiy, madaniy-diniy markazi bo‘lgan. 1899-1917-yillarda arxeologik qazish ishlari tufayli shahar devorlari, eng mashhur podsholardan biri - Navuxodonosor II saroyi, diniy udumlar ko‘chasi, Bobil xudosi Marduk ibodatxonasi qoldiqlari, saroy peshayvoni, dunyo mo‘'jizalaridan biri - “Osma bog‘lar” kabi noyob yodgorliklar topildi. Ushbu yodgorliklar Berlin muzeyining yorqin kolleksiyalarini tashkil qildi. 1903-1914-yillarda nemis arxeologi V. Andre Kalaat - Sherg‘otda Ossuriyaning yana bir qadimiy poytaxti - Ashshur shahrini ochib, u yerda turar joylar, podsho bosh suyaklari hamda ularning qasrlari va ibodatxonalari xarobalari borligini aniqladi. Xuddi shu paytlarda nemis arxeolog mutaxassislardan R.Koldevey, V.Andre, A. Neldeke va boshqalar qadimgi shumerlar shahri Shuruppakni ochishdi. XX asrning 20-30 yillarida Mesopotamiyaning Lagash, Kish, Eredu kabi shaharlari faol o‘rganildi. 1933-1939-yillarda fransuz arxeologlari A. Parro rahbarligida katta arxeologik izlanishlarni boshlab yubordilar 1 . Ular Tell-Xariri tepaligi ostidagi qadim Mari shahrini topdilar. Qazish ishlari natijasida fransuz arxeologlari miloddan avvalgi II ming yillikda Mari 1 История Востока. Восток в древности. Москва Издательская фирма «Восточная литература» РАН 2002 125 podshosi Zimrilim qurdirgan saroyni topishdi. Unda 20 mingdan ziyod turli hujjatlar to‘plangan yozuvlar borligi aniqlandi. 1922-1934-yillarda L. Vulli rahbarligida ingliz arxeologik ekspeditsiyasi qadimgi Ur shahrini topish yuzasidan qazish ishlarini amalga oshirdi. Natijada Ur shahrining miloddan avvalgi IV ming yillikdan to miloddan avvalgi IV asrgacha bo‘lgan tarixini o‘rganish imkoni paydo bo‘ldi. Tadqiqot materiallari Vulli tomonidan tayyorlangan 5 tomlik asarda (1927-1939-yillar) nashr qilindi. 1925-1930-yillarda Amerika arxeologlari ham hozirgi Kirkuk yonidagi tepaliklarda qazish ishlarini olib borib, saroy, ibodatxona, xo‘jalik jihozlari, turar joy va yirik hujjat to‘plamlarini aniqlashdi. Shuningdek, 1930-1936-yillarda Amerika olimlari G.Frankfort, T.Yakobsen va boshqalar Mesopotamiya podsholigi markazlaridan biri - uncha katta bo‘lmagan Eshnunna (hozirgi Tell-Asmar)ni ochdilar 1 . Arxeologik qidiruv ishlarida Iroq olimlari va arxeologlari ham faol ishtirok etishdi. Masalan, Fuad Safar, Taxa Bikir, Muhammad Ali Mustafo va boshqalar bir necha joylarda arxeologik qazish ishlarini olib borib, Qadimgi Mesopotamiya tarixiga oid matematik jadvallar, qonunlar majmuasini topishga erishdilar. Nebi-Yunus tepaligida o‘tkazilgan qazilmalar asosida podsho Asarxaddonning saroyi, xo‘jalik inshootlari, ko‘plab yozma hujjatlari va boshqa topilgan yodgorliklar Bag‘dod muzeylarini boyitdi. Ilgari bu yodgorliklar Yevropa va Amerikaga olib ketilar edi. Yevropa va Amerika olimlari hamda arxeologlarining XX asrning 40-70-yillarida Mesopotamiyaning turli tuman va shaharlarida olib borgan tadqiqotlari tufayli shahar devorlari, qal'alar, hunarmandlar maskani, ibodatxonalar, qimmatbaho ashyolar, san'at asarlari, diplomatik va boshqa hujjatlar, qabrlar, shuningdek, Ossuriya, Bobil podsholarining yozma yodgorliklari va boshqa ko‘plab moddiy madaniy yodgorliklar topilib, ular qadimiy Mesopotamiya tarixi va madaniyatini o‘rganishda beqiyos ma'lumotlar berdi. Moddiy madaniyat yodgorliklarini (miloddan avvalgi III-II ming yilliklar) Eredu, Ur, Uruk, Lagash, Nippur, Mari, Ash, Ashshur, 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 126 Nineviya, Bobil va boshqa shaharlarda topilgan arxeologik qazilmalarda yaqqol ko‘rish mumkin. Yozma manbalarni bir necha turlarga: xo‘jalik, yuridik, diplomatik hujjatlar va solnomalarga bo‘lish mumkin. a) Mesopotamiyadagi iqtisodiy-ijtimoiy munosabatlarni o‘rganishda xo‘jalikka oid hujjatlar muhim rol o‘ynaydi. Bunday hujjatlar Mesopotamiya shaharlarida o‘tkazilgan arxeologik qazilmalar vaqtida juda ko‘plab topilgan. Ana shunday hujjatlardan bizgacha yetib kelgan eng qadimgilari Uruk va Jamdat - Nasra shaharlarida topilgan xo‘jalikka mansub arxivlar bo‘lib, ular 1000 ga yaqin loy taxtachalaridan iborat. Ushbu hujjatlar piktografik belgilar yoki mixxat shaklida yozilgan. Ularda xo‘jalikka doir hisobotlar, oziq-ovqat maxsulotlari, asbob-uskunalar, qullar haqida ma'lumotlar keltirilgan. Shunga o‘xshash xo‘jalik arxivlari miloddan avvalgi III ming yillikning birinchi yarmida Ur, Lagash, Shuruppak, Adabe kabi shumer shaharlarida topilgan. Ayniqsa, Ur qazilmalari vaqtida ma'muriy ko‘rsatmalar va savdo-sotiq haqidagi xususiy, davlat hamda ibodatxona, xo‘jalikka oid juda ko‘plab arxivlar topilgan. Shulardan 5 tasi xususiy arxiv bo‘lib, kohin, zodagon, sudxo‘rlarga tegishli bo‘lgan. Ular Ur qazilmalari vaqtida topilgan. Hujjatlar II ming yillikning bosh davriga oid Ossuriya, oromiy savdogarlarining arxivlari bo‘lib, bunda 10 mingdan ziyod taxtacha saqlangan. Ularda hisob-kitob, savdo bitimlari, qarz, tilxat, sud qarorlari va boshqalar o‘z aksini topgan. Bu arxivlar Kichik Osiyodagi Kultepadan topilgan. Bu yerda Kanish savdo koloniyasi - yirik xalqaro savdo birlashmasining markazi joylashgan. Miloddan avvalgi II ming yillikning ikkinchi yarmida qadimgi Arrapxidagi qazilmalar chog‘ida 4 ming loy likopcha topilgan. II ming yillikning oxirida (miloddan avvalgi XII-XI asrlar) qadimgi Ossuriya shaharlari: Ashshur va Shibanibeda (hozirgi Kalat - Sherg‘it, Tellas - Billa) 760 dan ziyod xo‘jalik hujjatlari saqlangan podsho hujjatxonasi topilgan. 1 ming yillikning oxirida 10 ming hujjatdan iborat bo‘lgan xo‘jalik arxivi Nippur, Bobil, Barsip, Ur, Uruk va boshqa shahar qazilmalari vaqtida topilgan. Bunday misollarni ko‘plab keltirish mumkin. Huquqshunoslikka oid yodgorliklar. Mesopotamiya tarixiga oid eng muhim manba - adliya yodgorliklari, qonunlar to‘plamidir. 127 Qadimgi Sharq mamlakatlarining birontasida Mesopotamiyadagi kabi ko‘p miqdorda qonunlar to‘plami saqlanib qolmagan. Bular orasida eng qadimgisi Ur - Nammu qonunlari bo‘lib, miloddan avvalgi III ming yillikning oxiriga to‘g‘ri keladi. Bu qonunlardan Shumer- Aqqod podsholiklari davrida foydalanishgan. Bu qonunlarning katta qismi saqlanmagan bo‘lib, ulardan kirish qismi va bir nechta modda qolgan, xolos. Eng katta qonunlar to‘plami podsho Hammurapi qonunidir. Bu qonun 282 modda, kirish qismi va xulosadan iborat. Hammurapi Bobildagi barcha podsholarning eng mashhuri edi. U miloddan avvalgi 1792 yildan-1750 yilgacha, ya'ni 42 yil podsholik qilgan 1 . Avvalo, bu qonunlar loy likobchalarga mixxat ko‘rinishida bitilgan, keyinchalik esa, qora bazaltdan ishlangan ustunga o‘yib yozilgan. Bu ustun 1901-yilda fransuz arxeologi tomonidan Elam poytaxti - Suza shahrida arxeologik qazilmalar vaqtida topilgan. Hammurapi qonunlari bitilgan bu ustun harbiy o‘lja sifatida Suzaga olib kelingan. Bundan tashqari, qadimgi Ossuriya davlati xukumronligi davrida qabul qilingan qonunlardan lavhalar saqlanib qolgan. Ushbu qonunlar to‘plami va yuridik hujjatlar tadqiqotchilar uchun Mesopotamiya davlatidagi mulkchilik va iqtisodiyotning qay darajada bo‘lganligini o‘rganish hamda oila, tabaqalar va ular o‘rtasidagi xuquqiy me'yor, munosabat, sud jarayonlarini aniqlashda katta ma'lumot beradi. Diplomatik hujjatlar. Eng qadimgi diplomatik hujjatlardan biri Download 1.41 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling