Talim vazirligi toshkent davlat sharqshunoslik instituti

III ning bahaybat boshi va Amenemxetning bir qancha haykallari 
buning dalilidir. O‘rta podsholik davridagi bo‘rtma rasm va suratlar 
go‘yo o‘tgan va keyingi davrni o‘zaro bog‘lovchi bo‘g‘in bo‘lib, ular 
Qadimgi podsholik san'atiga xos naturalizmni ham o‘zida 
mujassamlashtirgan. Shu bilan birga, Medumdagi bo‘rtma rasmlar va 
Bani-Hasan maqbarasida odamlar va hayvonlar hayotidan olingan 
turli voqyealar tasvirlangan suratlarda rassomlarning tabiatga bevosita 
taqlid qilganligi, tabiatni va odamlarni qanday bo‘lsa, shundayligicha 
tasvirlashga intilganligi seziladi. 
                                                 
1
 Немировский А.И. История Древнего мира. В 2-х частях. Античност. М., 
«Владос», 2000. 
Tasviriy san’at 

 
 
90
Dinning tanho hukmronligi erkin kishining erkin 
fikrini tamomila bo‘g‘ib tashlay olmagan. Inson 
tabiat sirlarini bilishga intilgan. “Nasihatnoma” asari muallifi bunday 
deydi: “Agar bilimdon odam bo‘lsang, aytganing - aytgan, deganing 
- degan bo‘ladi. Yozish-o‘qishni chuqur egallab, ko‘nglingga 
mahkam jo qilib ol, ana shunda har bir aytgan gaping hammaga 
manzur bo‘ladi. Mirza qanday lavozimda bo‘lmasin, u har vaqt kitob 
bilan ish ko‘radi”. Yana bir “Nasihatnoma” muallifi bunday deydi
1
: 
“Ey mirza, dangasalik qilma, yo‘qsa qattiq jazoga duchor bo‘lasan. 
Takasaltanglikni odat qilma, yuz tuban ketasan. Qo‘lingda doim 
kitob bo‘lsin, uni ovoz bilan o‘qi va o‘zingdan ko‘p biladiganlar 
bilan maslahat qilib ish tut. O‘z sohasini besh qo‘ldek bilgan mirza 
baxtlidir... Bir kunni ham yalqovlik qilib o‘tkazma, yo‘qsa kaltak 
yeysan. Axir bolaning qulog‘i yelkasida bo‘ladi, qachon ursang, 
shunda qulog‘iga gap kiradi. Doim maslahat bilan ish qil va buni 
esingdan chiqarma. Yoz va yozishdan sira zerikma”. 
Matematika sohasidagi eng qadimgi bilimlar turmushdagi amaliy 
ishlar bilan chambarchas bog‘liq bo‘lib, tanobchi va binokorlarning 
ishini osonlashtirishga xizmat qilgan. Matematika masalalarining 
mazmuniga qaraganda, arifmetika va geometriyaga oid bilimlardan 
yer maydonini aniqlash, g‘alla uyumining qancha chiqishini yoki don 
saqlanadigan ombor sig‘imini aniqlash uchun foydalanilgan. Nihoyat, 
misrliklar matematika sohasida orttirgan bilimlari tufayli, joyning 
sxemali xaritasini va oddiy chizmalar chizishni bilganlar. Misr 
yozuvida 1, 10, 100, 1000, 10000 va 100000 va hatto millionni ham 
bildiruvchi alohida alomatlar bo‘lgan; hayron bo‘lib qo‘l ko‘tarib 
turgan kishi surati millionni anglatgan. Astronomiya sohasida ham 
qadimgi misrliklar muayyan bilimga ega bo‘lganlar. Osmondagi 
yulduzlarni muntazam kuzatish natijasida, sayyoralarni yulduzlardan 
ajratib, hatto yulduzlar xaritasini ham tuzganlar. 
 
Misrda tibbiyot ancha rivoj topgan. O‘rta podsholik 
davriga oid bir qancha matnlarda turli kasalliklarni 
davolash uchun retseptlar ro‘yxati berilgan. Biroq, kuzatib hosil 
                                                 
1
 Crawford N.C., Argument and Change in World Politics. Ethics, 
Decolonization, and Humanitarian Inter- 
vention, Cambridge 2002. 
Ilmiy bilimlar 
Tabobat 

 
 
91
qilingan tajribalardan foydalangan Misr tabiblari hali qadimgi duo-
afsunlardan tamomila qutula olmagan.  
Rossiyalik san'atshunos M.N.Mersalovaning  “Turli davr va 
xalqlar kiyimlari” kitobida qadimgi xalqlar ust-boshiga oid noyob 
ma'lumotlar bor. Ushbu ma'lumotlar o‘rganilayotgan davrni to‘liqroq 
aks ettirish, uning “kengroq” tasvirini ko‘rish imkoniyatini beradi. 
Ushbu kitobda Qadimgi va O‘rta podsholik davridagi misrliklar 
kiyimiga alohida o‘rin ajratilgan. Masalan, M.N.Mersalova 
ma'lumotlariga ko‘ra, Qadimgi podsholik davrida misrliklarning 
asosiy kiyimi belga o‘rab kamar bilan bog‘langan, eni keng bo‘lmagan 
peshband bo‘lib, “sxenti” deb nomlangan. U davrda hamma tabaqalar 
kiyimining shakli bir xil bo‘lib, ular faqat mato sifati bilan farqlangan.  
M.N.Mersalova misrliklar kiyimining keyingi tarixini o‘simlik 
bo‘yoqlari paydo bo‘lishi bilan bog‘laydi. Bu paytdan boshlab rangli: 
sariq, havorang, jigarrang kiyimlarni faqat Yuqori tabaqadagilar - 
yirik yer egalari, kohinlar, fir'avnning yaqinlari kiygan. Soch turmagi, 
bosh va oyoq kiyimlariga qarab ham farqni aniq belgilab olish 
mumkin bo‘lgan. O‘rta Podsholik davrida qadimgi misrliklar kiyimi 
anchagina o‘zgardi. O‘rta podsholikning so‘nggi davriga mansub ba'zi 
yodgorliklarda yopinchiq yopingan ayollar tasvirlangan. Ayollarning 
asosiy qismi eski shakldagi kalaziris kiyishgan. Bu davrdagi yana bir 
yangilik - ayollarning kalta ulama sochi. Uni faqat oliy zodagon 
ayollar kiyish huquqiga ega bo‘lganlar.  
Diniy matnlarda Qadimgi podsholik davridagi piramidalardan 
olingan matn parchalari uchraydi. Misrda qadimgi - Izida va 
Oziris xudolariga sig‘inish keng tarqalgan. Ayol podsho 
Neytikertning (XXVI sulola) saroy arboblaridan bo‘lgan Iba ismli 
kohin Oziris Sharafiga ibodatxona qurilishidagi mehnatini tasvirlab 
qoldiradi.  Yaxmos II zamonida bir necha Yuqori mansab egasi 
bo‘lgan Pefnefdineyt bir yirik mansabdorning Abidosdagi Oziris 
ibodatxonasini tiklash va uni kengaytirishda ko‘rsatgan xizmatlarini 
batafsil bayon etadi. Bu odam “xarob bo‘lgan muqaddas yozuvlar 
uyini qaytadan tikladim va Oziris Sharafiga qilinadigan nazr-niyozlar 
ro‘yxatini tuzib, barcha yozuvlarni tartibga soldim” deb g‘urur bilan 
qayd etadi. Ammo Misrda turli hayvonlarga topinish, jumladan, 
Bubastisda e'zozlangan ma'buda Bastetga bag‘ishlangan muqaddas 
ho‘kiz  (Apis)lar bilan muqaddas mushuklarga e'tiqod qilish so‘nggi 
Din 

 
 
92
vaqtlarda keng tarqalgan. Sehrgarlik yangidan-yangi xudolarga 
sig‘inish  (sinkretizm va panteizm) bilan birga rivojlanib borgan. 
Adabiy asarlarning syujetlari qadimgi  
podsholar, jumladan, Ramzes II ning obrazlari bilan bog‘lanadi. 
Rivoyatlarga qaraganda
1
, Osiyodagi bir podshoning kasal yotgan 
qizini davolash uchun Ramzes II xudo Xensu haykalini yuborgan 
emish.  
Misrning Giza va Sakkar mavzelarida qadimiy podsholik davrida 
barpo etilgan podsholar piramidasi yaqinida juda katta “O‘liklar 
shahri
2
” topilgan. Bu joyda podshohning ko‘plab qarindosh - 
urug‘lari, xizmatchilari va amaldorlarining qabrlari mavjud bo‘lgan. 
Ayni vaqtda ibodatxona, maqbara, qabr, saroy xarobalari hamda 
odamlar yashaydigan uylar qadimgi Misrning ajoyib me'morchiligini 
mufassal o‘rganish imkonini beradi. Ammo Misr davlatining 
mustaqilligi va o‘ziga xosligini saqlab qolish yo‘lidagi so‘nggi 
urinishlar ham zoye ketdi. Misr davlati Eron istilochilarining zarbalari 
ostida quladi. Biroq Misr madaniyati butunlay yo‘q bo‘lib ketmadi. 
Aksincha, keyinchalik qo‘shni xalqlar, asosan, yunonlarning madaniy 
taraqqiyotiga kuchli ta'sir ko‘rsatdi. 
 
 
Mavzuni mustahkamlash uchun savollar: 
1.  Qadimgi Misr tarixi va madaniyatini o‘rganishda 
qaysi manbalar ustuvor ahamiyatga ega? 
2.  Qadimgi Misr tarixi va madaniyatini o‘rganishda 
yozma manbalar bilan madaniy yodgorliklarning 
nisbati qanday? 
3.  Qadimgi Misr madaniyatini o‘rganishda qaysi 
manbalar ustuvor ahamiyatga ega? 
4.  Qadimgi Misr madaniyatini o‘rganishda yozma 
manbalar bilan madaniy yodgorliklarning nisbati 
qanday? 
5.  Qadimgi Misr madaniyatining o‘ziga hos jihatlari 
nimalarda namoyon bo‘ladi? 
                                                 
1
 Crawford N.C., Argument and Change in World Politics. Ethics, 
Decolonization, and Humanitarian Inter- 
vention, Cambridge 2002. 
2
 Немировский А.И. История Древнего мира. В 2-х частях. Античност. М., 
«Владос», 2000. 

 
 
93
5-mavzu. Qadimgi Mesopotamiyada davlatchilikning shakllanishi. 
Shumer, Akkad va Qadimgi Bobil podsholigi 
 
Reja: 
1. Qadimgi Mesopotamiyada Tabiiy Sharoit. Aholi. 
2. Qadimgi Mesopotamiyada Dehqonchilikning rivojlanishi.  
3. Qadimgi Mesopotamiyada Shahar-davlatlarning vujudga 
kelishi.  
4. Hammurapi qonunlari. Ijtimoiy-iqtisodiy munosabatlar.  
5. Qulchilikning rivojlanishi. Yer egaligi.  
 
Tayanch iboralar:  Enn, Dajla, Frot, Mesopotamiya, Arzirum, 
piktografika,“hayot daraxti”, ardu, sag, reshu, lugal. memkim, 
galuku, “Sharru -Kin”, gedya, gutiylar, nubada, damkor, duggur, 
semit, Sargon, Magan o‘lkasi, Hammurapi qonunlari, Ablianum, 
Sinmagir, damkarlar, qo‘y maydoni, ota uyi, talion huquqi, 
shakkanakku, rabianum, qo‘shnilar, qudurrular, kassitlar, 
Karduniash, bitu, bel-bit, redu, bairu, kodeks, Tavrot, bit-abia, bel-
ashshatim, «qo‘y maydoni», gur, min, shekel. 
 
Old Osiyodagi mamlakatlar orasida qishloq 
xo‘jaligi keng ravnaq topishi uchun eng qulay mamlakat Dajla (Tigr) 
bilan Frot (Yefrat) daryolari o‘rtasida joylashgan bo‘lib, uni qadimgi 
yunonlar  Mesopotamiya (ikki daryo oralig‘i) deb ataganlar. Bu 
mamlakat shimolda Armaniston tog‘laridan boshlanib, janubda to Fors 
qo‘ltig‘igacha cho‘zilgan. U g‘arbda - Suriya-Mesopotamiya dashti 
bilan, Sharqda esa G‘arbiy Eron tog‘ tizmalari bilan chegaralangan. 
Mesopotamiyaning o‘rta va janubiy qismi tekislik bo‘lib, u vaqt-vaqti 
bilan toshib yerlarni o‘g‘itlovchi Dajla va Frot daryolari keltirgan 
yotqiziqlar (o‘g‘itbop allyuviylar)dan iborat. Dajla daryosi Van 
ko‘lidan janubroqda Armaniston tog‘laridan, Frot esa Arzirumning 
(Turkiya) Sharqida dengiz yuzasidan 2 ming metr balandlikdan 
boshlanadi. Dajla tezoqar daryo bo‘lib, Frotdan 750 km qisqaroq, 
lekin Frotga nisbatan ikki baravar ortiq suv keltiradi. Uzunligi 2500 
km ga yetadigan Frot esa vazmin oqadi.  
Frot qirg‘oqlari Dajlanikiga qaraganda pastroq bo‘lganligi 
sababli, Frot daryosi toshganida Dajlaga nisbatan ko‘proq hududni suv 
Tabiiy Sharoit 

 
 
94
bosadi va toshqin uzoq vaqt davom etadi. Har ikkala daryoning o‘zani 
besh ming yil ichida o‘zgarib ketgan. Shumer va Aqqodning qadimiy 
shaharlari Sippar, Kish, Nippur, Shuruppak, Uruk va Larsa kabilar 
Frot daryosi bo‘yida joylashgan
1
. Ikki daryo oralig‘ining janubidagi 
Shumer va mamlakatning o‘rta qismini egallagan Aqqod iqlim 
jihatidan bir-biridan bir muncha farq qilgan. Shumerda boshqa 
joylarga qaraganda qish iliqroq bo‘lgani uchun xurmo daraxti yovvoyi 
holda o‘sgan. Aqqod esa iqlim jihatidan qishi qorli bo‘lib, yovvoyi 
xurmo o‘smaydigan Ossuriyaga yaqin bo‘lgan.  
Mesopotamiyaning o‘rta qismi hududidagi eng qadimgi 
manzillar so‘nggi neolit davrida vujudga kelgan. Mamlakatning o‘ta 
qadimiy qabilalari botqoqliklardagi tepalik-orollarda yashagan. Ular 
tuproqdan maskanlar qurganlar. Atrofdagi botqoqliklarni quritib, eng 
qadimgi sun'iy sug‘orish tizimini vujudga keltirganlar.  
Dehqonchilikning rivojlanishi. Eng qadimgi davrlarda vujudga 
kelib, miloddan avvalgi III ming yillikda yanada rivojlangan qishloq 
xo‘jaligi yetakchi rol o‘ynagan. Quyi Mesopotamiyaning ba'zi 
joylarida hosildor yerlar bo‘lib, bu vaqtda ancha ishlangan va ko‘p 
sonli aholi undan olingan mahsulot bilan ta'minlangan. Larsa va Uruk 
kabi yirik shahar xarobalarining orasi atigi 24 km ekanligi, aholi juda 
zich yashaganligidan dalolat beradi
2
. Frotning g‘arbidagi bepoyon 
o‘tloq va dashtlar chorvachilik bilan shug‘ullanish imkonini bergan. 
O‘tloqlarda uzun va kalta shoxli ho‘kizlar boqilgan. Ekinni 
sug‘orishda, haydash va g‘alla yanchishda, shuningdek, yuk tashishda 
uy hayvonlaridan foydalanilgan.  
Quldorlikning shakllanishi (miloddan avvalgi III ming yillik). 
Qishloq xo‘jaligining rivojlanishi, temirchilikning paydo bo‘lishi va 
ayirboshlash savdosining yoyilishi ishlab chiqaruvchi kuchlarni 
rivojlantirib, ish kuchiga bo‘lgan extiyojni oshirdi. Buning natijasida 
qadimgi urug‘chilik jamoa tuzumi yemirilib, uning xarobalarida eng 
qadimgi quldorlik davlatlari paydo bo‘ldi. Miloddan avvalgi III 
ming yillikka oid Shumer hamda Aqqod shaharlari xarobalaridan 
                                                 
1
 Berlinerblau J., Heresy in the University: the Black Athena Controversy and 
the Responsibilities of American  
Intellectuals, New Brunswick 1999. 
2
 Всемирная история. Энсиклопедия. Том 1. Под ред. Ю.Н.Франсева. М., 
2000 г 
Aholi 

 
 
95
topilgan ko‘plab ma'lumotlar va moddiy yodgorliklar ushbu fikrimiz 
tasdig‘i bo‘la oladi.  
Eski qishloq jamoalari yemirila borishi bilan mamlakatda qullar 
soni ko‘payib bordi. Ayni zamonda urushlarda qo‘lga tushgan asirlar 
qulga aylantirilgan. Qishloq xo‘jaligida qullar mehnatidan foydalana 
boshlandi. Qulchilik o‘sib borgani sari, xo‘jalikda qullar sonini 
ko‘paytirish mumkin bo‘ldi. Shumer va Aqqod jamiyatida ishlab 
chiqaruvchi kuchlarning rivojlanishi hamda mehnat unumi o‘sishi 
natijasida qo‘shimcha maxsulot, shu bilan birga, qulchilik ko‘rinishida 
odamning odam tomonidan ekspluatatsiya qilinishi paydo bo‘ldi. 
Shumer va Aqqoddan topilgan bir qancha hujjatlar, qulchilik dastlab, 
oilada yuzaga kelganini ko‘rsatadi. Shumer qonunlari majmuida otaga 
o‘z bolalarini qul qilib sotish huquqi berilgan. Hujjatlarda ko‘p 
uchraydigan “ayol narxi” iborasi qizlar ham qul qilib sotilganidan 
dalolat beradi.  
Shumer va Aqqod hududida miloddan 
avvalgi IV ming yillikdayoq eng qadimgi 
shaharlar vujudga keldi. Bu shaharlar ayrim mayda davlatlarning 
xo‘jalik, siyosiy va madaniy markazlari bo‘lgan. Mamlakatning 
janubida, Fors qo‘ltig‘I sohilida Eridu shahri mavjud bo‘lgan. Ur 
shahri qudratli bir davlatning markazi bo‘lishi bilan katta siyosiy 
axamiyatga ega edi. Butun Shumerning diniy va madaniy markazi 
bo‘lgan Nippurda xudo Enlilning umumshumer ziyoratgohi-
ibodatxonasi joylashgan. Boshqa shumer shaharlari orasida qo‘shni 
Umma bilan doim kurash olib borgan Lagash va Uruk shaharlari katta 
siyosiy axamiyatga ega bo‘lgan.  
Miloddan avvalgi III ming yillikning o‘rtalarida  (miloddan 
avvalgi 2540 – 2370 yillarda) Lagash shahri boshida bir necha 
qo‘shni viloyatlarni hokimiyati ostida birlashtirgan zo‘r hokimlar 
turgan. Lagashning qo‘shni shaharlar bilan olib borgan kurashi 
viloyatlarni bir markaz atrofida imkon qadar jipslashtirishni ko‘zda 
tutgan. Lagashning iqtisodiy va siyosiy qudratiga Ur – nanshe 
hokimligi davrida asos solindi
1
. Binobarin, Ur – nansheni dastlabki 
tarixiy Lagash sulolasining asoschisi, deb hisoblash mumkin. 
                                                 
1
 Всемирная история. Энсиклопедия. Том 1. Под ред. Ю.Н.Франсева. М., 
2000 г 
Shahar-davlatlarning 
vujudga kelishi 

 
 
96
Podsho Eannatum zamonida Lagashning qudrati yanada ortdi. U 
Aqqod davlatini Lagashga qo‘shib olganidan so‘ng, Urni ham 
bo‘ysundirdi. Bu bilan Urning dastlabki sulolasidan bo‘lgan 
podsholarning hukmronligi barham topdi. Nihoyat, Eannatum Uruk, 
Larsa hamda Eriduni Lagashga bo‘ysundirib, shu orqali 
Mesopotamiyaning butun janubiy qismini egalladi. Umma hokimi 
Ush,  Opis va Kish podsholari yordamida Lagashga hujum qildi, 
ammo mag‘lubiyatga uchradi. Eannatum keyinroq Elam hokimlari 
ustidan ham g‘alaba qozondi. Shunday qilib, bu davrda Shumerning 
ta'siri o‘rta Mesopotamiya viloyatlarida juda katta bo‘lgan.  
Dajla va Frot daryosi irmoqlaridan bundan 70-80 ming yil ilgari 
yashagan odamlarning manzilgohlari topilgan. O‘rta va quyi 
Mesopotamiya hududida topilgan arxaik davr yodgorliklarini uch 
madaniy davrga: Shumerda Al-Obid,  Uruk madaniyati xamda 
Aqqodda Jamdat-Nasr (Kish yaqinida) madaniyatlariga bo‘lish rasm 
bo‘lgan. Bu uch madaniyat davri miloddan avvalgi IV ming yillikni 
o‘z ichiga olgan. Bu madaniy davrlar Janubiy Mesopotamiyada eng 
qadimgi zamonlarda tashkil topgan davlatlardan oldin o‘tgan.  
Mesopotamiya xalqlari ko‘plab qabilalar aralashuvi natijasida 
paydo bo‘lgan. Qadimda mamlakat janubidagi Shumer aholisini 
shumerlar, Shimoldagi Aqqod aholisini aqqodlar deb atashgan.  
Miloddan avvalgi VIII - V ming yilliklarda Mesopotamiya 
aholisi dehqonchilik, chorvachilik, hunarmandchilik va savdo-sotiq 
bilan shug‘ullangan. Bu davrning boshlarida urug‘ jamoada ularning 
mavqyei baland bo‘lib, izzat - hurmatga sazovor edilar. 
Mesopotamiyada temir miloddan avvalgi III ming yillik 
o‘rtalarida paydo bo‘lganiga qaramay, u juda noyob metall bo‘lgan. 
Temir Kavkaz orti va Kichik Osiyodan keltirilgan deb taxmin qilinadi. 
Taxminan  miloddan avvalgi 2400-yilda Urukagina davrida 
soliqlar qo‘y, qo‘zi, baliq bilan olinib, jun teri bilan hisob-kitob 
qilingan. Mahsulot ayirboshlash savdosi vujudga kelgan. Qul, uy-joy, 
ekinzor, uy hayvonlari va qimmatbaho metallar savdosiga oid saqlanib 
qolgan Shartnoma matnlari ham shundan dalolat beradi. Xom ashyoga 
bo‘lgan ehtiyoj tufayli tashqi savdo biroz rivojlandi. Shumeriylar 
misni Elam, Eron va Ossuriyadan, yog‘ochni shimoldan keltirganlar. 
G‘alla va qoramol ekvivalent vazifasini, keyinchalik quyma metall 
bo‘laklari pul vazifasini o‘tagan. Savdo-sotiq rivojlanishi bilan birga 

 
 
97
kema qatnovi va kemasozlik rivoj topdi. Karvon yo‘llarida ham savdo 
taraqqiy eta bordi. Urdan ko‘plab arava tasvirlari topilgan.  
Shumer va Aqqod jamiyatida ishlab chiqaruvchi kuchlarning 
rivoji, mehnat unumdorligining o‘sishi natijasida qo‘shimcha 
mahsulot ko‘payib, qulchilik rivojlandi. Qullar dastlab oilada paydo 
bo‘ldi. Shumerda topilgan yozma hujjatlarda ota o‘z farzandlarini qul 
qilishi mumkinligi haqida aytiladi. Xotin-qizlar teng huquqlarga ega 
bo‘lmaganligi Mesopotamiyada patriarxal tuzum hukmron 
bo‘lganligini ko‘rsatadi. Lekin qullarning asosiy qismi asirlar bo‘lgan. 
Shumerda qullarni “sag”  (bir dona), Aqqodda “ardu” (xarob odam) 
yoki  “reshu”  (bosh) deb ataganlar. Mesopotamiyada miloddan 
avvalgi III ming yillikka kelib, qulchilik shakllari ancha shakllanib 
ulgurgan edi. 
Shumer va Aqqod hududida miloddan avvalgi IV ming 
yillikdayoq, eng qadimgi shahar-davlatlar vujudga kelgan. Bu 
shaharlar xo‘jalik, siyosat va madaniyat markazlari bo‘lib, Eridu, Ur, 
Nippur, Umma, Lagash, Uruk shular jumlasidan hisoblanadi. Topilgan 
ko‘plab hujjat va moddiy manbalar ular bir qadar rivoj topganidan 
dalolat beradi. Dastlab quyi Mesopotamiyada Ur kuchli davlat bo‘lgan 
bo‘lsa, so‘ng miloddan avvalgi 2540 - 2370 yillarda Lagash davlati 
qudrati ortdi. Uning iqtisodiy va siyosiy qudratiga Ur - nanshe 
hokimligi davrida asos solindi. Ur-nanshe Lagash sulolasining 
asoschisi hisoblanib, uning vorisi - Eannatum zamonida Lagashning 
qudrati yanada ortdi. U Aqqod, Kish, Urni bo‘ysundirib, Urning I 
sulolasi hukmronligini tugatdi va Uruk, Larsa, Eriduni ham qo‘lga 
kiritdi. Ayniqsa, Umma shahri uchun shiddatli janglar kechdi. 
Eannatum Um, Opis va Kish podsholari yordamida Lagashga hujum 
qildi. Bu jangda Umma mag‘lubiyatga uchradi. Eannatumning bu 
g‘alabasi  “Kalxatlar lavhasi
1
” deb atalgan yodgorlik orqali bizga 
qadar yetib kelgan. Yozuvlarda Eannatum Kish va Opis podsholari, 
shuningdek, Elamni bosib olganligi qayd etiladi. Shunday qilib, 
shumerlar ta'siri quyi va o‘rta Mesopotamiya va Elamda kuchayib, 
kengroq tarqaldi. 
Entemena - Eannatumning harbiy siyosatini davom ettirdi va 
Umma, Ur, Eridu, Nippurda Lagash hukmronligini mustahkamlash va 
                                                 
1
 Всемирная история. Энсиклопедия. Том 1. Под ред. Ю.Н.Франсева. М., 
2000 г 

 
 
98
Elam hujumini daf etishga muvaffaq bo‘ldi. O‘sha zamonga oid 
tarixiy hujjat - Entemena yozuvi o‘ta muhim ahamiyat kasb etib, bu 
hujjatda dastlabki diplomatik munosabatlar, Lagash va Umma 
o‘rtasidagi urushlar obrazli tasvirlanadi. Hujjatda Entemenaning 
Umma ustidan qozongan g‘alabasidan so‘ng tuzilgan sulh Shartlari 
bayon etilib, hududiy chegaralar ko‘rsatib o‘tilgan. Shartnoma 
ummaliklar tomonidan buzilgan taqdirda ularga qattiq jazo berilishi 
ko‘rsatilgan. 
Qadimgi Shumer yozuvlarida uchraydigan semit so‘zi 
shumerliklarning semitlar bilan qadimdan aloqada bo‘lganidan dalolat 
beradi. Keyinchalik semitlar shumerlarga tegishli hududlarda paydo 
bo‘ldilar.  III ming yillikning o‘rtalaridan boshlab esa, ular 
Ikkidaryo oralig‘ining shimolida Shumer madaniyatining davomchisi 
bo‘lib qoldilar. Semitlar bunyod etgan eng qadimgi shahar Frot 
bo‘yidagi Aqqod Ikkidaryo bo‘yini birlashtirgan poytaxt edi. Aqqod 
shahrining ulkan o‘rni shundaki, Aqqod davlati yemirilgandan keyin 
ham shimoliy Ikkidaryo oralig‘ida Aqqod nomi saqlanib qoldi, janub 
esa Shumer nomini oldi. Shuningdek, Nippur shahri yaqinidagi Isim 
shahri ham semitlar tomonidan bunyod etilgan. Lekin shaharlar ichida 
eng yoshi- Bobil mamlakat tarixida eng muhim o‘rin tutadi. Miloddan 
avvalgi II - I ming yilliklarda Bobil Ikkidaryo oralig‘ining madaniy, 
siyosiy hamda iqtisodiy markaziga aylandi. 
Urukagina podsholigining yettinchi yilida Umma hokimi Lugal - 
Zagisi Lagashga bostirib kirib, shaharni vayron qildi. Lugal - Zagisi 
Lagash bilan cheklanmay, o‘ziga butun Shumer va Aqqodni 
bo‘ysundirishni maqsad qilgan edi. Yozuvlarda aytilishicha, u Uruk, 
Ur, Larsa va Adabni bosib olgan. Shumerning diniy markazi - Nippur 
ham  Lugal - Zagisi qo‘l ostida qoldi. U o‘zini Uruk va Urning 
podshosi hamda bu shaharlarni Shumerning poytaxtlari deb e'lon qildi. 
Yozuvlarda Lugal - Zagisi “Urukni yashnatib yuborganligi, Urni 
xursand qilib, boshini osmonga yetkazganligi, Bebbarning sevimli 
shahri Larsani shod-xurramlik suviga serob qilganligi, xudoning 
sevimli shahri Ummani baland qudratga erishtirganligi” haqida faxr 
bilan qayd etiladi.  
Shumer  Lugal - Zagisining 25 yillik podsholigi davrida ancha 
rivojlangan. Bu orada Aqqod ham ancha taraqqiy etdi. Ular o‘rtasidagi 
kurashda Aqqod g‘olib chiqib, natijada Shumer - Aqqod podsholigi 

 
 
99
tarkib topdi. Bizga qadar yetib kelgan ma'lumotlarga qaraganda 
“Ma'buda Ishtar” juda katta siyosiy arbob Sargon I ni Aqqod 
podshosi darajasiga ko‘targan. “Sargon” so‘zi “Sharru - Kin” - ya'ni 
“haqiqiy podsho” ma'nosini anglatadi. Shumer va Aqqodning 
birlashuvi mamlakat iqtisodiy-ijtimoiy va siyosiy rivoji yo‘lida turtki 
bo‘ldi.