Talim vazirligi toshkent davlat sharqshunoslik instituti
Download 1.41 Mb. Pdf ko'rish
|
Жахон тарихи. (Қадимги дунё тарихи). У.Абдуллаев
Sitseronning yorqin va obrazli tilda yaratilgan, aniq va ta'sirchan asarlari undan keyingi yozuvchilar uchun o‘rnak bo‘lib qoldi. Sitseron tili klassik yoki lotin prozasining eng go‘zal namunasi. Miloddan avvalgi I asrda Rimda falsafiy asarlar ham paydo bo‘lgan. Rim nobillari orasida stoiklar falsafasi juda keng yoyilgan, ammo shu bilan birga Epikur qarashlari ham katta o‘rin tutgan. Respublika davri oxiri Rim mutafakkirlaridan eng taniqlisi Rim materialist-faylasuf epikurchilarining namoyondasi Lukretsiy Kar (miloddan avvalgi 98 - 54 yillar) hisrblanadi. Lukretsiy o‘z qarashlarini “Narsalar tabiati to‘g‘risida” nomli asarida bayon qilgan. Muallif bu asarda g‘oyat murakkab falsafiy muammolarni keng kitobxonlarga tushunarli bo‘lgan tilda, ajib mahorat bilan she'r tarzida ifodalab, ommabop didaktik poeziya namunasini yaratgan. Lukretsiy Demokrit va Epikurning atom to‘g‘risidagi ta'limotini rivojlantirib, atomlar abadiy, o‘zgarmas bo‘linmas, demak buzilmasdir, ular o‘zaro faqat shaklan farqlanadi, deb ta'kidlaydi 1 . Turli tabiat ko‘rinishlari atomlarning har xil o‘zaro qo‘shilishi va ulanishi natijasida vujudga keladi va shu tariqa “o‘z holatini o‘zgartirib, tabiatni ham o‘zgartiradi”. Atomlar abadiy harakatda bo‘lib, makonda o‘rin almashadi. Koinotning chegarasi cheksiz, “uning oxiri ham, hajmi ham yo‘q”. Lukretsiy ruh yoki aql tushunchasini tan olgan, ammo shunda ham uni faqat kishi badanining funksiyasi sifatida “ruh va jonning tabiati jismoniydir” deb aytgan. Lukretsiy o‘z zamonasi jamiyatining illatlarini ham qattiq qoralagan. Ayniqsa, siyosiy kurashlardan boylik orttirish uchun foydalanuvchilarga nisbatan keskin munosabatda bo‘lgan. Yurtdoshlarin qonin to‘kib, orttirarlar sarmoya, davlat Boylik to‘plar ochofatlar, qotillikdan tortinmay hatto.... 1 World History Bibliography Online by CLIOHWORLD Erasmus Network http://www.cliohworld.net/ 358 Adabiyot va teatr. Rim va Italiyada badiiy adabiyot miloddan avvalgi III asrning ikkinchi yarmida vujudga kelgan. Miloddan avvalgi taxminan 240 yilda tarentlik asir yunon Andronik (qullikdan ozod bo‘lgandan keyin Mark Liviy Andronik nomi bilan Rim fuqaroligi huquqini olgan) “Odisseya” va boshqa bir necha yunon tragediyalarini lotin tiliga tarjima qilgan. Italiya va Rimda satira va komediya she'riy ijodiyotning eng o‘ziga xos shakli bo‘lgan. Qadimgi italiy adabiy ijodining bu turlari qishloq bayramlarida qo‘shiq va she'rlar asosida yaralgan. Satira degan nom satura, ya'ni “aralash ovqat” so‘zidan olingan. Dastlab bu turdagi she'rlarni Enniy yaratgan, ammo “satira” iborasini birinchi bo‘lib o‘z zamoni Rim nobillarining illatlarini o‘z she'rlarida shafqatsiz fosh qilgan shoir Lutsiliy (miloddan avvalgi 180 -100 yillar) qo‘llagan. Dastlabki Rim komediyalari yunon namunalariga taqliddan iborat bo‘lgan. Miloddan avvalgi III asr oxiri va II asr boshlarida Rimda komediya ustasi, yozuvchi Plavt (miloddan avvalgi taxminan 253 - 184 yillar) yashab, ijod qilgan 1 . Plavt keyingi maishiy yunon komediyalariga monand pyesalari syujetini Rim jamiyatining hayotidan olib, ijtimoiy illatlarni istehzo bilan fosh etgan. Plavtning yosh zamondoshi, afrikalik Terensiy (sobiq qul) yunon namunalaridan o‘rnak olib, Rim nobillariga xush keladigan komediyalar yaratgan. Keyinchalik miloddan avvalgi I asrda ba'zi mualliflar xalq tomoshalarini badiiy jihatdan qayta ishlaganlar, atellan nomini olgan bu asarlarda doim bir xil obrazlar: ochofat, mahmadona, axmoq boy, firibgar faylasuf va shu kabilar tasvirlangan. Miloddan avvalgi I asrda Rimda va Italiyaning boshqa shaharlarida komediyalar bilan birgalikda o‘g‘ri, fohisha, qo‘shmachi kabi razil kimsalar hayotidan olingan tomoshalar keng yoyilgan. Bu tomoshalarda mimlar (aktyorlar) ishtirok etgan. Rim nobillarining namoyandasi - Katullning (miloddan avvalgi 87 - 53 yillar) ijodida Rim respublikasining lirik poeziyasi yuksak taraqqiyot cho‘qqilariga 1 Stoffers J., Globus und Karte in Karikaturen zur Aussen- und internationalen Politik: eine Präsentation von 32 Abbildungen, in “Auswärtiger Dienst: Vierteljahreszeitschrift der Vereinigung Deutscher Auslands- beamten”, 1999, 69, 1-2, pp. 13-38. 359 chiqdi 1 . Katull, dastavval, yunon liriklari ta'sirida bo‘lsa ham, lekin ajoyib original asarlar yaratgan. U o‘z she'rlarida sevgi quvonchi, mahbubaning bevafolik alami va akasining vafoti kabi mavzularni qalamga oladi. Katull siyosiy kurashda ishtirok etib, shoirlik iste'dodidan halokatga duchor bo‘lgan respublikani himoya qilish uchun g‘oyaviy qurol sifatida foydalangan. Katull o‘z epigrammalarining birida Yuliy Sezar bilan do‘stlashishni butkul rad etadi. ...Juda o‘lib turganim yo‘q senga mutloq yoqay deb, Sezar Oqmisan yo qoramisan - bilishni ham istamayman, ha! Tasviriy san'at, haykaltaroshlik va me'morchilik. Rimliklar tasviriy san'atda ham ilm-fandagi kabi omilkor bo‘lganlar. Dastavval ular rassomlik va haykaltaroshlik san'atida etrusklarga ergashganlar. Rim va Italiyada, ayniqsa, portret haykallarini yaratish avj olgan. Boylar o‘z uylarida ajdodlarining haykallarini o‘rnatishi rasm bo‘lgan. Rimning forumi, maydon va ko‘chalarida sarkarda va siyosiy arboblarning haykallari qo‘yilgan. Rim zodagonlarining urug‘ sag‘analariga (kolumbariylari) vafot etgan zodagonlarning haykallari o‘rnatilgan. Shuning uchun ham rimlik haykaltaroshlar portret haykallarini yasashda yuksak kamolotga erishganlar. Bino qurish sohasida rimliklar yunonlardan ancha ilgarilab ketganlar. Italiyada, keyinchalik O‘rta yer dengizi sohillaridagi boshqa mamlakatlarda ham obod yo‘llar hamda daryo, soy va chuqurliklar ustiga ko‘priklar qurilgan. Yo‘l yoqalarida ariqlar qazilgan. Har ming qadam (milya)da yo‘l bo‘ylarida Rimga va aholi yashaydigan eng yaqin joyga masofani ko‘rsatib turadigan yozuvli toshlar o‘rnatilgan. Italiya va uning viloyatlarida aholini toza suv bilan ta'minlash uchun osma quvurlar qurilgan. Maxsus binolar - sirk va teatr Rim va boshqa shaharlarning muhim jihatidir. Bayramlarda bu binolarda pyesalar qo‘yilgan, poyga o‘tkazilgan, nihoyat qonli tomosha - gladiatorlar janglari uyushtirilgan, o‘limga hukm qilingan jinoyatchilar ustiga yirtqich hayvonlar qo‘yib yuborilgan. Qator-qator tosh o‘rindiqlardan iborat sirk va teatr binolaridan tashqari miloddan avvalgi I asrda amfiteatrlar paydo bo‘lgan. Ular ellipssimon bino bo‘lib, tomoshalar qum to‘shalgan sahnalarda qo‘yilgan. 1 Всемирная история. Энсиклопедия. Том 1. Под ред. Ю.Н.Франсева. М., 2000 г 360 Miloddan avvalgi I asrda Rimda jamoat bog‘lari bunyod qilinib, bu bog‘lar atrofiga jamoat hammomlari (termalar) qurilgan, ularga doim toza suv oqib turgan. Hammomning issiq va sovuq suv to‘ldirilgan hovuzlari, dam olish xonalari bo‘lgan. Miloddan avvalgi II - I asrlarda Rimda va boshqa shaharlarda jamoat binolari - baziliklar qurilgan. Bunda sud majlislari o‘tkazilgan, magistratlar ish olib borganlar, fuqarolar bu yerga kelib, siyosiy va ijtimoiy mavzularda suhbatlar qurganlar. Qadimgi Rim madaniyati va xristian dinining vujudga kelishi. Moddiy madaniyat. I - III asrlarda Rim O‘rta yer dengizi imperiyasining nafaqat ijtimoiy-siyosiy, balki madaniy markaziga ham aylandi. Imperiya poytaxti bilan birga katta shaharlar barpo etilib, ular dengiz atrofidagi biron viloyatning boshqaruv va ijtimoiy markazi hisoblangan. Aholisi 500 ming kishidan iborat Misr Aleksandriyasi, Suriyaning markazi - Antioxiya, Osiyo viloyatlarining siyosiy markazi Efes shahri ana shunday shaharlar hisobiga kirgan. Gretsiyaning Korinf, Afrikaning Karfagen shahri imperiya davrining ulkan shaharlari bo‘lgan. Poytaxt bilan birga boshqa shaharlarda ham ibodatxonalar, ma'muriy va sud vazifalarini o‘tagan saroy, bino, sayrgoh, teatr binolari, amfiteatr va sirk binolari qurilgan. Hozirgi Liviyaning Sabrat shahrida Rim teatri yaxshi saqlangan. Sirklarda ot qo‘shilgan aravada (kvadriga) poygalar uyushtirilgan. Milodiy 80 yillarda qurilgan Rim amfiteatri Kolizeydan tashqari, Veron, Kapuya, Pompey, Pul, Parij, Arlda amfiteatr qoldiqlari, bundan tashqari, Afrikada ikki amfiteatr qoldiqlari topilgan. Tosh yotqizilgan ko‘chalar, osma suv quvurlari (akveduklar), chiqindi suvni oqizish uchun yotqizilgan quvurlar (kloakalar), milodiy I - III asrlarga xos bo‘lgan. Milodiy II - V asrlarda Rimning o‘zida o‘n bitta vodoprovod tizimi ishlab turgan 1 . Bu vodoprovodlar (osma quvurlar) ustunlarga o‘rnatilgan sopol quvurlardan iborat bo‘lib, tog‘dan oqib keladigan suv shu quvurlar orqali shaharga uzatilgan. Rimda hozirgi kunda ikkita osma quvur hamon ishlab turibdi. Tasviriy san'at. Rimda, Palatin tepaligida Avgustning rafiqasi Liviya Druzilla xonalaridagi kabi, Shimoliy Afrikada (Tunis va 1 Бонгард – Левин Г.М. Древнеиндийская цивилизация. История. Религия. Философия. М., 2000г. 361 Jazoirda) Rim imperiyasi davridagi villalar devorlariga solingan naqshlar saqlangan. Shu va boshqa joylardan topilgan bir qancha badiiy parchalar asosida o‘sha davr rassomlik san'ati va Rim rassomlari usullari to‘g‘risida xulosa qilish mumkin. Ayniqsa, portret haykallari bilan bezatilgan maydonlar, milodiy I - II asrlarga oid haykallar va rasmlar mukammal ishlangan. Maorif va ilmiy hayot. Rimda va viloyat shaharlarida boshlang‘ich ta'lim xususiy muallimlar qo‘lida bo‘lgan. Ular bolalarga haq evaziga o‘qish - yozish va hisobni o‘rgatganlar. Bolalar o‘qituvchining uyida, ba'zida peshayvonlar yoki jamoat bog‘larida ta'lim olganlar. O‘quvchilar ustozi og‘zidan chiqqan ovoz va so‘zlarni yod olgan. Keyinchalik o‘qituvchi taxtaga harf va so‘zlarni yozgan. O‘quvchilar ularni ko‘chirib yozishgan va yod olishgan. Boshlang‘ich maktabda o‘qish 7 yildan 12 yilgacha davom etgan 1 . Boshlang‘ich maktabdan keyingi bosqich “grammatika” maktabi deb atalib, unda to‘rt yil o‘qilgan. Talabalar shoir va adiblar asarlaridan parchalar o‘qishgan, bu asarlarni izohlab, Sharhlab berganlar, yozuv mashq qilganlar. O‘qituvchilar yunon va lotin adabiyotini alohida-alohida o‘rgatishgan. 16 yoshga to‘lgan talabalar “ritorika” (notiqlik) san'atini o‘rganganlar. Rim imperiyasida ritorika san'ati yuksak qadrlangan. Ba'zi imperatorlar lotin va yunon ritorika maktablarini ochish uchun katta mablag‘ ajratganlar. Milodiy I - IV asrlarda eng katta ellin va yunon shaharlaridan Aleksandriya, Pergam, Rodos va Afina Rim imperiyasining ilmiy markazlari bo‘lib qolgan. Ular bilan bir qatorda Rim, Karfagen va Massiliya ham maorif markaziga aylangan. Aleksandriyada kutubxona va Afinada Aflotun tashkil etgan Akademiya va Arastu tomonidan yaratilgan Likeyon falsafa maktablari ishlab turgan. Milodiy I asr oxirida Frotin “Osma quvurlar” nomi gidrotexnika qo‘llanmasini yozgan. Geografiya faniga katta e'tibor berilgan, geografiya va etnografiyadan bir necha ilmiy asarlar yaratilgan. Strabonning “Geografiya” nomli ilmiy asari milodiy 20 yillarda nashr etilgan. Geografiyadan Pomponiy Mela yozgan traktat milodiy I asrga taalluqli. Milodiy I asrning ikkinchi 1 World History Bibliography Online by CLIOHWORLD Erasmus Network http://www.cliohworld.net/ 362 yarmida Rim sarkardasi Pliniy Sekund “Tabiat tarixi” ni yozgan 1 . Rim tarixchisi Tatsitning Shimoliy va Sharqiy Yevropada yashab, Rim imperiyasidan mustaqilligini saqlab qolgan qabila va elatlarning maishiy hayoti va ijtimoiy tuzumini tasvir etgan “Publiy Valeriy Agrikolaning faoliyati” hamda “Germaniya” nomli ikki asari milodiy I asr oxiri va II asr boshida yaratildi. Ana shu davrlarda tibbiyot fani katta muvaffaqiyatlarga erishdi. Avgust davrida Rimda vrachlar maktabi ta'sis etilgan. Asklepiadda ham ana shunday maktab bo‘lgan. Aleksandriya Museyoni imperiyaning astronomiya bilimlari markazi bo‘lib qolaverdi. Unga Klavdiy Ptolomey rahbarlik qilgan. Ammo Ptolomey astronomiya sohasida Aristarx Samosskiyning jiddiy ilmiy muvaffaqiyatlari va koinotni anglashda u kashf etgan geliotsentrik nazariyani qabul qilishdan bosh tortgan. Buning o‘rniga u quyosh tizimining markazi Yer, Quyosh va boshqa osmon jismlarining bari yer atrofida aylanadi degan nazariyani taklif etgan. Bu noto‘g‘ri qarash Aleksandriya olimlari, keyinchalik, xristian ruhoniylari tomonidan ham qabul qilingan va olamning tuzilishi to‘g‘risidagi o‘rta asr tushunchasi uchun asos vazifasini o‘tagan. Milodiy III asrda soxta fan - astrologiya Rimda keng tarqalib, rimliklar uni Mesopotamiyadan o‘zlashtirganlar. I - II asrlarda Afina falsafa markaziga aylandi. O‘sha zamon siyosiy arbobi Anney Seneka (milodiy 1 - 65 yillar) stoitsizm falsafasining eng ko‘zga ko‘ringan namoyandasi edi. U bir qancha traktat, Litsiliyga 124 ta ochiq xat, imperator Klavdiyning o‘limiga bag‘ishlab satirik doston va bir necha tragediya yozgan 2 . Milodiy II asrda imperator Mark Avreliy stoitsizm falsafasining mafkurachisi sifatida maydonga chiqdi. Adabiyot. O‘rta yer dengizi dunyosining markaziy rayonlarida fuqarolar urushining tugab, tinchlik o‘rnatilishi Rim va Italiyada madaniy hayot tiklanishiga yordam bergan. Avgust va uning arkonlari hokimiyat uchun muxoliflarini yenggach, mavqyelarini mustahkamlash uchun eng mashhur yozuvlar xizmatidan 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 2 Бонгард – Левин Г.М. Древнеиндийская цивилизация. История. Религия. Философия. М., 2000г. 363 foydalanganlar. Gay Silsiy Metsenat (miloddan avvalgi taxminan 74- milodiy 8 yillar) bu ishda Avgustga yordamlashgan. U o‘z zamonasining eng zabardast shoirlarini yiqqan, moddiy jihatdan ko‘mak bergan va homiylik qilgan. Vergiliy Maron, Goratsiy Flakk, Seket Propersiy va boshqa shoirlar Metsenat to‘garagiga a'zo bo‘lganlar. Vergiliy Metsenatning iltimosiga binoan, “Georgiklar” dostonini yaratib, hayotining so‘nggi yillarida Avgustning talabiga binoan katta epik doston ustida ishlagan. Gomer dostonlari yunonlar uchun shunday zo‘r asar bo‘lishi Shart edi. Vergiliy “Eneida”sida Gomer dostonlarining syujetiga taqlidan troyanlik Eneyning yurtma- yurt yurishi va Italiyaga kelishini tasvirlagan. Doston qahramoni Rim patritsiylari - Yuliylar urug‘ining afsonaviy asoschisi bo‘lib, dostonda Yuliy Sezar ham shu urug‘ vakili sifatida tilga olinadi. “Eneida” lotin she'riyatining cho‘qqisi bo‘ldi: Rimda biron-bir shoir Vergiliydan oldin ham, keyin ham bunday o‘tkir, xushohang va kuchli she'riy obraz va tasvirlar bilan to‘lib toshgan, yorqin asar yaratmadi. Goratsiy Flakk ijodida lotin she'riyati shakl jihatidan eng buyuk va komil taraqqiyotga erishdi. U bir necha qo‘shiqlar to‘plamini yozgan. Shoir Albiy Tibull va Seket Propersiy Vergiliy hamda Goratsiyning zamondoshlari bo‘lgan. Ular lirik shoirlar bo‘lib, o‘z she'riy asarlarida shaxsiy kechinmalar va tinch qishloq hayotini kuylaganlar. Ovidiy Nazon esa Avgust prinsipati davrining eng atoqli shoiri bo‘lgan. Rim adabiyotining tarixchilari Avgustga zamondosh bo‘lgan shoirlarning asarlarini lotin poeziyasining oltin davri deb ataydilar. Keyinchalik keng ko‘lamli Rim poeziyasi va prozasida shoir Mark Anney Lukan (milodiy 39-65 yillari) Neron davrida ijod qilgan. U Neronga salbiy munosabatda bo‘lgan. U “Farsaliya yoki fuqarolar urushi” dostonini yaratdi. Bu dostonda Pompeyni ko‘klarga ko‘tarib, Yuliy Sezarni yomonlaydi. Shoir Lukan Neronga qarshi fitnadagi ishtiroki uchun qatl etilgan. Prozada yozilgan “Satirikon” erkin satirik asari ham Neron davrida yuzaga keldi. Ushbu asar imperatorning yaqin kishilaridan Petroniy qalamiga mansub degan fikr ham mavjud. Shoir bu asarida ikki vatangado sayyohning Italiya bo‘ylab sayohatini tasvirlab, o‘z zamonasi jamiyatining turli tabaqalari hayotini ko‘rsatadi. Shoir Marsial (milodiy 42-102 yillar) o‘z asarlarini tanqidiy ohangda yaratdi. Marsial 1200 ga yaqin epigramma yozib, ularda shoir xalq ommasining qashshoqligi, Rim zodagonlarining 364 takabburligi, bag‘ri toshligi va zolimligini ifoda etgan. Ya'ni Rim jamiyatidagi razolatni fosh qilgan. Satiriklardan biri Yuliy Yuvelan (taxminan milodiy 55-132 yillar) o‘n oltita satira yozgan. Satiralarda u Rim jamiyati hayotining salbiy jihatlarini Matsialdan ham dadilroq ko‘rsatgan. Apuley milodiy II asr yozuvchisi bo‘lib, yosh yigit Lutseyning boshidan o‘tgan sarguzashtlari haqida hikoya qilgan. Tarix. Qadimgi Rim va Rim imperiyasining o‘tmishi to‘g‘risida ko‘p asarlar bitilgan. Avgust pritsipati davrida Tit Liviy 142 traktatdan iborat “Rimning ta'sis qilinganidan buyongi tarixi”ni yozgan. Milodiy I asr oxirida Dionisiy Galikarnasskiy Avgustga xushomad qilib, yunonlar etnik jihatdan rimliklarga yaqin deb, bu fikrni isbotlashga uringan. U yaratgan yirik tarixiy asarlar bizga qadar yetib kelmagan. Shuningdek, tarixchi Yusuf ben Mattafinning asarlari dunyo yuzini ko‘rdi. Ko‘proq Yusuf Flaviy nomi bilan tanilgan bu tarixchi milodiy 66-73 yillarda Yahudiyada bo‘lib o‘tgan qo‘zg‘olonda qatnashgan. U o‘zining “Yahudiy urushi to‘g‘risida” va Yahudiyaning qadimgi yodgorliklari” nomli asarlarida vatanining tarixiga doir muhim ma'lumotlar bilan birga ellin davlatlari va Rim imperiyasining birinchi asr tarixi to‘g‘risida ham g‘oyat qimmatli ma'lumotlar beradi. Rimning eng yirik tarixchisi, jahonning mashhur tarixchilaridan biri - Korneliy Tatsit (taxminan milodiy 54-120 yillar) o‘zining ikki asosiy asarida milodiy birinchi asrdagi Rim imperiyasi tarixini bayon etgan. Tatsit Respublika tuzumini ideallashtirib, zamonasining siyosiy tartibini qattiq tanqid ostiga oladi 1 . Tatsitning “Tarix” nomli ilk asari milodiy 68 - 69 yillardagi fuqarolar urushi va Flaviylar zamonini mufassal bayon qiladi. “Annallar” (Yilnomalar) nomli ikkinchi asari Avgustning o‘limidan to Neronning vafotigacha bo‘lgan vaqt maboynidagi voqyealar tasviriga bag‘ishlangan. Plutarxning (taxminan milodiy 46 - 126 yillari) adabiy faoliyati ham o‘sha vaqtlarga to‘g‘ri keladi. U xilma-xil mavzularda asarlar yozgan (“Axloq to‘g‘risida mulohazalar”, “Musiqa haqida traktat”) hamda Gretsiya va Rimdagi bir qancha tarixiy shaxslarning tarjimai hollarini keltirgan. Uning “Qiyosiy hayotnomalar” asarining bir qismi bugungi kungacha yetib kelgan. Mashhur Rim ma'muri Appian (170 yillarda vafot etgan) yunon tilida “Rim tarixi”ni yozgan. Unda Appian Rimda 1 World and Global History : Research and Teaching / edited by Seija Jalagin, Susanna Tavera, Andrew Dilley- Pisa: Plus-Pisa University Press, 2011 365 Respublika davridagi fuqarolar urushini batafsil bayon qiladi. Milodiy III asrda tarixchilar orasida imperiya boshqarmasida rahbarlik qilgan yunon zodagoni Dion Kassiy (155-235) alohida o‘rin tutadi. U o‘z davri voqyealari borishini “Rim tarixi” asarida mufassal bayon etgan. Din va xristianlik. 68 - 69 yillarda Rim imperiyasi og‘ir siyosiy inqirozga duch kelgan davrda, ayniqsa, Yahudiya va boshqa Sharqiy viloyatlar qattiq jafo chekdi. Rimliklarga qarshi qo‘zg‘olon ko‘targan yahudiy xalqi xudo Yaxvo ularga “Messiya” (xaloskor) yubordi va “yovuzlar” hukmronligini yemirib, “ming yillik” xudo hokimiyatini o‘rnatdi, deb ishonganlar. Bu g‘oya yahudiylar orasida “payg‘ambarona” asarlar ko‘rinishida tarqalib, ulardan biri (milodiy 69 yillar yozilgan) Apokalipsis nomi bilan xristian diniy adabiyotiga kirgan. Rimliklar yahudiylar qo‘zg‘olonini bostirdilar. Minglarcha yahudiylar qirib tashlanib, qul qilib sotildi, boshqalari Kichik Osiyo, Gretsiya, Makedoniya va hatto Italiyaga qochib ketdilar. I asrning so‘nggi choragida Kichik Osiyoning g‘arbiy qirg‘oqlaridagi shaharlar va Rim imperiyasining boshqa Sharqiy viloyatlarida xudo Yaxvo va'da qilgan Messiya, xudoning maxsus vakili (yunoncha xristos) Yerga tushdi deb ishongan shaxslar guruhi paydo bo‘ldi. Milodiy I asr oxiri va II asrda xristian diniy birlashmalarning rahbarlari - Matfey, Mark, Luka va Ioann tomonidan yozilgan to‘rtta Injil “haqiqiy” deb e'lon qilindi 1 . Isoning hayoti va faoliyati to‘g‘risida bayon etilgan boshqa ko‘p asarlar qalbaki (apokrifik) deb e'lon qilingan. Messiya - Isoga eng qadimgi jamoalar, avval, shahar aholisining quyi qatlamlari - qullar, qullikdan ozod etilganlar, mayda hunarmand va mayda savdogarlar e'tiqod qilganlar. II asr oxiri - III asr boshlarida Rim imperiyasida siyosiy vaziyatning keskinlashuvi ruhan taskin topish va najotga intilish kayfiyatini kuchaytirgan. Dastlab, hukmron tabaqalarning ayrim namoyandalari, keyinchalik, ko‘pincha zodagon quldorlar, harbiylar va imperiya ma'muriyatlarining xizmatchilari xristian dinini qabul qildilar. Ular Iso Sharafiga madhiyalar o‘qishgan, o‘zini “xudo ruhining quroli” (xarizm) deb bilgan shaxslar va'z-nasihatlarini tinglashgan. Iso to‘g‘risida qissalarni o‘qiganlar. II asr oxiri - III asr boshida xristian dini birlashmalari kichik mazhablardan qudratli 1 Всемирная история. Энсиклопедия. Том 1. Под ред. Ю.Н.Франсева. М., 2000 г стр:88-90. 366 ijtimoiy kuchga aylangan va Rim imperiyasi hokimlarining jiddiy e'tiborini jalb qilgan. Har bir xristian jamoasida a'zolar soni ko‘payib, bunday jamoalar Rim imperiyasining g‘arbiy viloyatlari (Galliya, Ispaniya, Afrika)da ham paydo bo‘la borgan sari xristianlarni jazolash hollari ko‘paygan. Ayniqsa, Yahudiylarning ikkinchi (115 - 117) va uchinchi (132 - 135) qo‘zg‘olonlaridan keyin turli maxfiy va yarim maxfiy jamoalar va majlislardan imperator ma'muriyati vakillarining shubha va noroziligi kuchaydi 1 . Milodiy II asrda xristian jamoalarining zakovatli a'zolari publitsistik “Apologiya” larida xristian dinining mohiyatini tushuntirib berishga va o‘zlarining yahudiy qo‘zg‘olonchilari bilan hech qanday aloqalari yo‘qligini isbotlashga urinishgan 2 . Bunday asarlar keyingi vaqtlarda ham paydo bo‘lgan. Milodiy II asr oxirida Karfagen jamoasining presviteri Gertullian, milodiy III asr boshlarida Karfagen jamoasining episkori Kiprian munozarali asarlar yozgan. Gertullian va Kiprian asarlarida xristian dini qoidalaridagi asosiy e'tiqodlarni himoya qilish bilan birga, xristianlarning o‘zlarini qiziqtirgan bahsli masalalar to‘g‘risida ham fikr yuritilgan. Xristian cherkovining keyingi rivoyatlariga ko‘ra, imperiya hokimligi tomonidan xristianlarni ta'qib qilish Neron davrida boshlangan. Bunda ko‘p xristianlar Rimga o‘t qo‘yishda ayblanib, qatl qilingan (milodiy Download 1.41 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling