Тақризчилар: доцентлар Н

ҳуқуқий-иқтисодий ва бошқа сифатларни шакллантириш. 
 
Тарбия методларида тушунтиришдан у ёки бу ишларни 
мустақил бажаришга ўтиш. 
 
Тарбиявий ишлар шакллари - якка тартибдаги суҳбатдан 
кўпчилик иштирокидаги мунозарага, назарий анжуманларга 
ўтиш, оддий ижрочиликдан катта жамоат ишларини мустақил 
бажаришга ўтиш. 
Синф раҳбари ва гуруҳ раҳбари белгиланган муддатларда 
директорнинг ёки ректорнинг маънавият бўйича ўринбосари билан 
келишилган ҳолда ишнинг бажарилишини режалаштиради ва улар 
олдида ҳисобот бериб туради. 
V. ТАЪЛИМ ТИЗИМИНИ БОШҚАРИШ 
37-
боб. ПЕДАГОГИК ЖАМОАНИ БОШҚАРИШ ТИЗИМИ 
 
I. Халқ таълими тизими ҳақида умумий тушунча 
 
Президентимиз Ислом Каримов 1995 йил февраль ойидаги 
Ўзбекистон Республикаси Олий Мажлисининг биринчи сессиясида 
қилган маърузасида: «Иқтисодий ва сиёсий соҳалардаги барча 
ислоҳотларимизнинг пировард мақсади юртимизда яшаётган 
барча фуқаролар учун муносиб ҳаёт шароитларини ташкил қилиб 
беришдан иборат. Айнан шунинг учун ҳам маънавий жиҳатдан 
мукаммал ривожланган инсонни тарбиялаш, таълим ва маорифни 
юксалтириш, миллий уйғониш ғоясини рўёбга чиқарадиган янги 
авлодни вояга етказиш давлатимизнинг энг муҳим вазифаларидан 
бўлиб қолади», деган эди. 
Ушбу вазифаларнинг ҳал этилишида ҳам, баркамол авлод 
тарбиясини амалга оширишда ҳам мактабшунослик фани асосий 
ва бош масала, энг муҳим омиллардан бири бўлиб, 
педагогиканинг ажралмас қисмидир. 
Ўзбекистон Республикасидаги таълим тизими таълим 
муассасалари олдида турган энг муҳим вазифаларни, иш 
фаолиятининг мазмун ва методларини белгилаб беради, ҳозирги 
замон ўрта умумтаълим мактабларига раҳбарлик қилиш 
тартибини баён қилади. Миллий тарбиянинг мақсад ва 

---

195 
вазифалари 
тўғрисидаги 
ҳукумат 
қарорлари, 
«Таълим 
тўғрисида»ги Қонун, Президентимиз асарлари ва республикамиз 
таракқиётининг асосий тамойиллари «Баркамол авлод - 
Ўзбекистон тараққиётининг пойдевори» қомусий дастур мактабни 
бошқаришнинг методологик асосидир. 
Ўзбекистон Республикаси Президентининг 1997 йил 6 
октябрдаги «Таълим-тарбия ва кадрлар тайёрлаш тизимини 
тубдан ислоҳ қилиш, баркамол авлодни тарбиялаш тўғрисида»ги 
фармони таълим-тарбия тизимини ислоҳ қилишда муҳим 
аҳамиятга эга бўлди. 
Мавжуд таълим-тарбия тизимини тубдан ислоҳ қилиш, уни 
замон талаблари даражасига кўтариш, миллий кадрлар 
тайёрлашнинг янги тизимини барпо этиш келажак учун баркамол, 
салоҳиятли авлодни тарбиялашни мақсад қилиб қўяди. 
Ўзбекистон Республикасидаги таълим тиэими «Таълим 
тўғрисида»ги Қонун билан тасдиқланган. 
Ўзбекистон Республикасида таълим қуйидаги турларда 
амалга оширилади: мактабгача таълим, умумий ўрта таълим, ўрта 
махсус, касб-ҳунар таълими, олий таълим, олий таълимдан 
кейинги таълим, кадрлар малакасини ошириш ва уларни қайта 
тайёрлаш, мактабдан ташқари таълим, оиладаги таълим ва 
мустақил равишда таълим олиш.