Тақризчилар: доцентлар Н

Педагогик фаолиятни умумий таҳлил этишдан кўзланган 
мақсад тарбия жараёнининг кечиш ҳолатларини ифодаловчи 
натижавий ва процессуал компонентларни баҳолашдан 
иборат. 
Тарбиячиларнинг 
ўз 
ҳаракатларини, 
уларнинг 
ўқувчиларга ёндашувининг тўғрилиги, улар қўллаётган муомала 
стилининг характери, ўзаро таъсирини, ўқувчиларнинг ташаббуси 
ва мустақиллигини ривожлантиришга уларнинг таъсирини 
баҳолаши зарур. Натижавий ва жараёнли кўрсаткичларни узвий 
бирликда 
кўриб 
чиқиш 
тарбия 
жараёнини 
ўрганишнинг 
объективлигини таъминлайди. 
II. Назорат методининг асосий кўринишлари 
 
Назорат методининг асосий кўринишлари қуйидагича: 
ўқувчини педагогик кузатиш; унинг-тарбияланганлигини 
аниқлашга йўналтирилган суҳбатлар, сўровлар, фойдали 
фаолият натижаларининг таҳлили; у ёки бу масъулиятли 
топшириқларни бажариш, тарбияланувчи хулқини ўрганиш 
мақсадида яратилган ҳолатлар ва бошқалар.
Ушбу методларга тавсиф бериб ўтамиз:
1. Педагогик кузатиш шахс фаолияти, муомаласи, хулқи 
ва уларнинг ўзгариш динамикасини яхлитлигича ўрганиш ва 
уларни бавосита идрок этиш учун қўлланилади. Кузатишнинг 
турли кўринишлари мавжуд: бевосита ва бавосита, очиқ ва 
ёпиқ, узлуксиз ва чегараланган, монографик ва қисқа кузатиш. 
Педагог кузатишдан муваффақиятли фойдаланиш учун уни 
маълум бир мақсад билан олиб бориши, шахсни ўрганиш 
дастурини ўзлаштириши, унинг тарбияланганлигини билдирувчи 
белгилар ва мезонлар билан қуролланиши керак бўлади. 
Кузатиш мақсадли, режали, системали характер касб этиши 
зарур. Энг муҳими, кузатилаётган объект тўғрисидаги далилларни 
қайд этиш тизимини яхшилаб ўйлаб олиш керак. 
Масалан, кузатиш дафтарига ёзиб бориш, кузатиш 
харитасига махсус белгилар қўйиш, магнитафон ёки ёзувларда 
қайд этиш.