Тасаввурни ривожлантирувчи машғулотлар 1-Машғулот Мақсад: Болаларда тасаввурни ривожлантириш. 1– машқ

6. Ҳайрлашув. Ҳайрлашув ҳар доим болалар томонидан танланган битта усулда амалга оширилади.
5-Машғулот
Мақсад: Мимикани ифодаланиши билан таништириш: гуруҳдаги ҳамма болаларга эътиборли, ҳамдард бўлишни, ўзгалар муаммоларига лоқайдликка салбий муносабатни ривожлантириш.Тасаввурни ривожлантириш
Саломлашиш муҳитини яратиш.
Ҳар бир машғулот олдинги машғулотда фойдаланилмаган холда саломлашиш усулини қўллашдан бошланади.
1. Тушунишнинг « сеҳрли» воситалари.
Мақсад: Тушунишнинг таниш воситаларини эслаш.
-Одамни кайфиятини қандай билса бўлади ? (Юзидан)
-Сиз қандай юз ифодаларини биласиз ?
-Улар нима деб номланади ? Улар нимани билдиради ?
(Биз суҳбатлашаётган одамни кайфиятини билдиради). Психолог мимика ҳақида сўзлаб беради.
2. «Чеҳралар»
Мақсад: Инсон чеҳрасини мимик ифодаларини ва чеҳрасига қараб тушунишни ривожлантириш. Тасаввурни кенгайтириш.
Психолог доскага ҳар хил расмларни осиб қўяди.
қувонч;
ҳайрат;
қизиқиш;
жаҳлдорлик;
қўрқиш;
уялиш;
ўқрайиш.
нафрат.
Болаларнинг вазифалари
-Ҳар бир расмда юзнинг қандай ифодаланганлигини тасвирлаб бериш.

3. « Ниқоблар»
Мақсад: Мимикани фарқлай олиш, ўз ҳиссиётларини мустақил ва онгли равишда мимика орқали ифодалашни ривожлантириш.
Ҳар бир иштирокчига мустақил равишда ўз ҳис туйғуларини мимика билан ифодалаб бериш ҳақида топшириқ берилади. Юз ифодаси орқали шодлик, ғам ифодалаб берилади. Бошқа иштирокчилар ҳам ўртоқларининг юз қиёфаларига қараб, уларда нима ифодаланаётганлигини айтиб бериши керак.

4. Вазиятни, ролларни ижро этиш орқали ифодалаш.
Машғулотда болалар тушунишнинг «сеҳрли» воситаларини ўзлаштирадилар, тушунишнинг улар учун таниш бўлган воситаларидан фойдаланадилар, улардаги эмпатия ривожланади.Болалар тушунишнинг «сеҳрли» воситаларидан фойдаланиб, қуйидаги вазиятларда ўртоқларига ёрдам беришлари керак. Тасаввур қилинг: Коптогини йўқотиб қўйган, йиғлаб турган болага;
Онангиз ишдан жуда толиқиб, чарчаб келди; Дўстингиз гуруҳда жуда ғамгин бўлиб ўтирибди,чунки унинг онаси бетоб бўлиб қолибди; Қўшни ўртоғингиз сиздан расм чизишга ёрдам беришни илтимос қилди;
Бунда ҳар бир бола вазифани бажариши учун энг самарали усулларда фойдалана олишлари зарур.