Rais pedagogika fanlari bo‘yicha falsafa doktori (PhD), dotsent F.M.Qo‘chqarova: rahmat! Taqrizchi tomonidan bildirgan mulohazalarga javob berish uchun so‘z dissertant F.Xalilovga beriladi.
Tadqiqotchi F.Xalilovga: Taqrizchi, pedagogika fanlari bo‘yicha falsafa doktori (PhD) F.Komilovaga ishimizni chuqur o‘rganib, fikr va mulohazalarini bildirganlari uchun minnatdorchiligimizni bildiramiz. Ko‘rsatilgan fikrlarga javobimiz quyidagicha:
Taqrizda: “Muammoning o‘rganilganlik darajasida keltirilgan olimlarning ism-familiyalari alifbo tartibida joylashtirilsa, maqsadga muvofiq bo‘lar edi” - degan fikr bildirilgan. Bunga javobimiz shundan iboratki, mazkur mulohazaga asosan, muammoning o‘rganilganlik darajasida keltirilgan olimlarning ism-familiyalari alifbo tartibida joylashtirildi.
Taqrizda: “Tadqiqot natijalarining joriy qilinishi aks etgan jumlalarda tadqiqot ishining egasi hisoblangan “bo‘lajak boshlang‘ich sinf o‘qituvchisi” birikmasi qayta-qayta ishlatilgan”- degan mulohazalari o‘rinli berilgan va kamchiliklar bartaraf etildi.
Taqrizda: “Bo‘lajak boshlang‘ich sinf o‘qituvchilarining shaxsiy-kreativ kompetensiyasini rivojlantirishning mavjud imkoniyatlari” – degan mulohazalari o‘rinli berilgan va ushbu kamchilik bartaraf etildi.
“Bir qator sahifalarda xususan, 23, 71 va 103 sahifalarda ayrim stilistik va orfografik xatoliklar ko‘zga tashlanadi” - deyilgan. Ushbu stilistik va orfografik xatolar bartaraf etildi.
E’tiboringiz uchun rahmat!
Rais pedagogika fanlari bo‘yicha falsafa doktori (PhD), dotsent F.M.Qo‘chqarova: rahmat! Mana rasmiy taqrizlarning fikr va mulohazalarini eshitdik. Endi ishning norasmiy muhokamasiga o‘tsak. Marhamat, fikr bildiruvchilar bo‘lsa fikringizni bayon etishingiz mumkin.
Rais pedagogika fanlari bo‘yicha falsafa doktori (PhD), dotsent F.M.Qo‘chqarova: so‘z pedagogika fanlari bo‘yicha falsafa doktori (PhD) U.Usmanovaga marhamat!
Do'stlaringiz bilan baham: |
