Tema: Áyyemgi Rimniń tariyxına kirisiw. Áyyemgi Italiya. Joba

Rim tariyxın dáwirlestiriw. Áyyemgi Rim tariyxı tómendegi dáwirlerge bólip úyreniledi:
1. Patshalıq dáwiri. B.e.sh. 509-jılǵa shekem bolǵan dáwir.
2. Respublika dáwiri. Bul dáwir b.e.sh. 509-jıldan b.e.sh. 30-jılǵa shekem dawam etken.
3. Imperiya dáwiri. B.e.sh. 30-jıldan ásirimizdiń 476-jılına shekem dawam etken.
Imperiya dáwiriniń ózi 284-jıldan baslap ayırım’ Dominat basqıshına da ajıratıladı.
Rim tariyxi oniń rawajlaniwin belgilewshi tariyxiy barisina kóre alti dáwirge bólinedi:
1.Patshaliq Rim dáwiri (b.e.sh. VIII-VI ásirler). Bul waqitta uriw qáwim qatnasiqlari, dúzilmeleri idraydi, dáslepki klasliq jámiet payda boladi hám Rimniń bolajaq siyasiy, sotsiyal-ekonomikaliq rawajlaniwinda tiykar bolip xizmet qilǵan dáslepki mámleket birlespeleri qáliplesti. B.e.sh.VIII ásirde Túslik Italiyada hám Siсiliyaniń Etruriya qalalari menen grek qalalarinda, al b.e. sh.VI ásirde Latsiya aymaǵinda payda bolip, qul iyelewshilik jámiet uliwma krizisti basinan keshirdi, áste-aqirin idiradi;
2.Erte respublika dáwiri (b.e.sh. V-III ásirler). Ol Italiyada qulshiliq jámieti hám mámleketiniń intensiv rawajlaniwi menen belgilenedi. B.e. sh.V-ásirinde jańa óndirislik qatnasiqlarina óziniń ornin berdi;
B.e.sh.VIII-III ásirler erte qul iyelewshilik qatnasiqlar dáwiri patriarxalliq qulshiliq dáwiri boldi.
Erte qul iyelewshilik qatnasiqlar dáwiri patshaliq dáwir dep atalǵan dáwirdiń aqirina (b.e. sh.VI ásir) hám erte Rim respublikasi dáwirine (b.e. sh.V-III ásirler) tuwri keledi.
3.Sońǵi respublika dáwiri (b.e.sh. II-I ásirler)- Klassikaliq qulshiliqtiń birinshi basqishi. Bul waqitta klassik qulshiliq qáliplesken Rim jerortateńizi mámleketi payda boladi. Klassikaliq qul iyelewshilik qatnasiqlari Italiyada b.e.shekem taraldi. Usi waqitlari qullardiń sani kóbeedi, olardiń jámiettegi salistirmali salmaǵi ósedi. B.e.sh.-I ásirleri klassliq hám soсialliq qarama-qarsiliqlar burin kórilmegen dárejede keskinlesedi hám kúshke enedi, Spartak basshiliǵinda qullardiń kóterilisi júz beredi. Rim respublikasiniń krizisi baslanadi. Ol oniń qulawi hám monarxiyaliq hákimiyat dúziliwi menen juwmaqlanadi. B.e.sh.-ásir biziń eramizdiń II ásiri araliǵi bul qul iyelewshilik óndiris usiliniń, qul iyelewshilik jámietlik ekonomikaliq formatsiyaniń eń joqari gúlleniw dáwiri. Respublika hám puxaraliq urislar dáwirine tuwra keledi;