Tema: «Ózbekistanda ushıraytuǵın sút emiziwshiler, awlanatuǵın wa’killeri, kesellik tarqatıwshı ha’m kem ushıraytuǵın túrleri» Orınlaǵan

Qolqanatlılar otryadı - ushıwǵa iykemlesken sút emiziwshiler. Olardıń 
aldınǵı ayaqları ózgerip, qanatqa aylanǵan. Aldınǵı ayaqları súyekleriniń aralıǵına 
hám artqı ayaqları menen denesiniń eki qaptalı arasına juqa teri perde tartılǵan. Bul 
perde haywan ushqanda kóteriw betin payda etedi. Biraq, aldınǵı ayaqlarınıń 
birinshi barmaǵı hám keyingi ayaqlarınıń pánjesi erkin boladı. Olar qonǵanda bul 
pánjeleri menen úngirlerdiń diywalına, tereklerdiń denesine jabısıp aladı yamasa. 
olarǵa áste-aqırın órmelep shıǵadı. 
Kemiriwshiler otryadı. Kemiriwshilerdiń jırtqısh (qazıq) tisleri bolmaydı. 
Gúrek tisleri úlken hám ótkir boladı. Qattı awqatlıq zatlardı ótkir gúrek tisleri menen 
úzip alıp, azıw tisleri menen ezip maydalaydı. Olardiń gúrek tisleri mudamı egelip 
turadı, biraq jelinbeydi. Sebebi gúrek tislerdiń artqı tárepinde emal bolmaydı. 
Joqarǵı hám tómengi gúrek tisler bir-birine tiyiwi sebepli egelip, ótkirlesedi. Gúrek 
tisler haywannıń tirishiligi dawamında ósip turadı. 

---

9 
Qasqır tárizliler tuqımlası. Bul tuqımlasqa qasqır, saǵal, túlki hám enot 
tárizli iyt kiredi. Olar iyisti júdá jaqsı sezedi, jemtiginiń izinen qalmay uslap aladı. 
Qasqırlar jıl dawamında jup bolıp jasaydı. Olar kúndiz bir tasa jerge jasırınıp aladı, 
túnde awqat izlep shıǵadı. Qasqırlar kúshli hám shaqqan bolǵanlıqtan ózinen úlken 
haywanlardı da awlawı múmkin. Qasqırlar úy haywanlarına da hújim qıladı. 
Haywanlardı jegenine qaraǵanda buwıp, nabıt etedi. Sonlıqtan, olardıń sanınıń artıp 
ketiwine jol qoymaw kerek. Urǵashı qasqırlar 34 ten 13 ke shekem kózi jumıq 
jalańash bala tuwadı. Qasqırlardıń balaları 35- 40 kún dawamında anasın emedi, soń 
erkek hám urǵashı qasqırlar alıp kelgen gósh bólekleri hám shala jansar haywanlar 
menen awqatlanadı. Olar 15 jılǵa shekem jasaydı.