|
Ortasha muǵdarlar
Tolıq hám salıstırmalı muǵdarlardıń waqıya hám processlerdi úyreniw, bahalaw hám analizlewde ústinlikleri, unamlı tárepleri menen bir qatarda, olardıń bir qatar kemshilikleri de bar. Yaǵnıy olar úyrenilip atırǵan waqıya hám processlerge ulıwmalastırıp anıqlama bere almaydı. Bul wazıypanı ortasha muǵdarlar orınlaydı.
Ortasha muǵdarlardan rejelestiriw, basqarıw, ilimiy-izertlew jumıslarında keń qollanıladı.
Balans usılı
Balans usılı – óz-ara baylanısqan hám teńlestirilgen eki topardıń ekonomikalıq kórsetkishleriniń teńliklerin sáwlelendiriw usılı bolıp tabıladı. Bul metod buxgalteriya esabı hám rejelestiriw ámeliyatında eń kóp qollanılatuǵın metod bolıp esaplanadı.
Balans usılı kárxananıń aktivler, kapital hám minnetlemeler balansı, debitorlıq hám kreditorlıq minnetlemeleriniń balansı, valyuta balansı, byudjet balansı, resurs balansınıń analizinde keń qollanıladı.
Indeks usılı
Indeks sózi latınsha «Index» atamasınan alınǵan bolıp belgi, kórsetkish degen mánisti bildiredi. Hár qanday kórsetkish te indeks mánisinde bir túrde isletilmeydi. Analizde, statistikada indeks degende - tuwrıdan-tuwrı qosıwǵa bolmaytuǵın bóleklerden quralǵan eki toplamdı salıstırıw túsiniledi.
Do'stlaringiz bilan baham: | 
