Teoriyaliq materiallar 1-tema. Finanslıq analiz pániniń teoriyalıq tiykarları

2.4. Finanslıq analizdiń basqıshları

Finanslıq analizdi ótkeriw metodikası tómendegi tiykarǵı basqıshlardı óz ishine aladı:

1. Dáslepki bahalaw. Dáslepki bahalawda maǵlıwmatlardıń isenimligin bahalawdı, finanslıq esabatlardı oqıw hám onıń áhmiyetli kórsetkishler sistemasın bahalawdı, aylanıs qarjılar hám uzaq múddetli aktivler, óz hám qarız qarjıları menen baylanıslı kórsetkishler sistemasın tolıq ańlatıw, tereń analizlew arqalı anıq juwmaqlardı qáliplestiriw názerde tutıladı.

2. Ekspress analiz. Finanslıq koefficientlerdi anıqlaw tiykarında kárxananıń aǵımdaǵı hám perspektivalı tólemge uqıplılıǵın, jumıs hám bazar aktivligin úyreniw tiykarında kárxananıń finanslıq jaǵdayına baha beriwdi ańlatadı.

Ekspress analizdiń maqseti – xojalıq júritiwshi subyekttiń finanslıq jaǵdayı, rawajlanıw dinamikasın operativ, vizual bahalawdan ibarat. Ekspress analizdi ámelge asırıw tómendegi izbe-izlikte ámelge asırıladı:

- rásmiy ózgesheliklerge muwapıq esabattı kóriw;

- auditor juwmaǵı menen tanısıw;

- kárxananıń esap siyasatı menen tanısıw;

- esabattaǵı áhmiyetli (qáte) bántlerdi anıqlaw hám olardı dinamikalıq bahalaw;

- tiykarǵı kórsetkishler menen tanısıw;

- túsindirme xatın oqıw;