Teoriyaliq materiallar 1-tema. Finanslıq analiz pániniń teoriyalıq tiykarları

2.3. Finanslıq analizdiń tiykarǵı bólimleri
Finanslıq esabattıń analizi. Finanslıq esabattıń quramlı bólegi finanslıq esabatlar bolıp esaplanadı. Finanslıq esabat mine usı esabatlarǵa tiykarlanǵan yaki olar menen baylanıslı bolǵan túsindirmeler, mólsherlerdi de óz ishine aladı.

Finanslıq esabatlar isbilermenlik subyektiniń finanslıq jaǵdayı, finanslıq nátiyjeleri hám pul aǵımları, jeke kapital haqqındaǵı maǵlıwmatların jámleydi, sonday-aq olarǵa isenip tapsırılǵan resurslardıń basqarılıwınıń nátiyjelerin sáwlelendiredi.

Finanslıq esabatlar isbilermenlik subyektine tiyisli bolǵan tómendegi tárepler haqqındaǵı maǵlıwmatlardı támiynleydi:

1. 
   aktivler;
   
2. 
   minnetlemeler;
   

(v) kapital;

(g) dáramat hám qárejetler, sonıń ishinde payda hám zıyanlar;

(d) múlik iyeleri tárepinen olardıń múlik iyeleri sıpatında ámel qılıwındaǵı islengen qoyılmalar hám olarǵa bólistiriletuǵın summalar;

hám (e) pul aǵımları.

Finanslıq esabatlardıń tolıq toplamı tómendegilerdi qamrap aladı:

(a) dáwir aqırına finanslıq jaǵday haqqındaǵı esabat;

(b) dáwir ushın payda yaki zıyan hám basqa ulıwmalasqan dáramat haqqındaǵı esabat;

(v) dáwir ushın kapitaldaǵı ózgerisler haqqındaǵı esabat;

(g) dáwir ushın pul aǵımları haqqındaǵı esabat;

(d) túsindirmeler, yaǵnıy áhmiyetli esap siyasatlarınıń hám basqa túsindirme maǵlıwmatlarınıń qısqa bayanın qamrap alǵan túsindirmeler;

(da) aldınǵı dáwir ushın salıstırmalı maǵlıwmatlardı;

(e) finanslıq jaǵday haqqındaǵı aldınǵı dáwirge tiyisli (retrospektiv analiz boyınsha) maǵlıwmatlardı.