Teoriyaliq materiallar 1-tema. Finanslıq analiz pániniń teoriyalıq tiykarları

Kriteriyanıń shegarası
Ball
1	Qk> 2	12
2	2 >Qk > 1	8
3	1> Qk > 0,5	3
4	Qk < 0,5 ten kishi	0

«AVS» AJ niń qaplaw koefficientiniń analizi

Kórsetkishler	Dáwir bası	Dáwir aqırı	Parqı
Aǵımdaǵı aktivler	121227139	186972655	65745516
Kelesi dáwir qárejetleri	144950	292345	147395
Keshiktirilgen qárejetler	-	-
Múddeti ótken debitorlıq minnetlemeler	-	-
Aǵımdaǵı minnetlemeler	372925434	185995907	-186929527
Qaplaw koefficienti	0,324	1,003	0,679

Keste maǵlıwmatı boyınsha qaplaw koefficienti jıl basına 0,324 ti, jıl aqırına kelip 1,003 ti quraǵan. Tolıq ózgerisi 0,679 ge teń bolǵan. Qaplaw koefficientin jıl basında 0 ball menen, jıl aqırına 8 ball menen bahalaw múmkin.
2. Likvidlilik koefficienti.

Likvidlilik bul (latın tilindegi liquidite sózinen alınǵan bolıp-suyıq, aǵıwshań mánislerin bildiredi) kárxananıń tiykarǵı yaki aylanıs kapitalın tez hám ańsat sata alıwı, bank likvidliligi bolsa banktiń naq qarjılarǵa bolǵan talabı boyınsha óziniń minnetlemelerin óz waqtında hám tolıq qaplay alıwı bolıp esaplanadı.

Likvidlilik bul aktivler hám bahalıklardı satıw dárejesiniń tezligi hám olardıń naq pulǵa aylanıwı, tólemge qábilet bolsa talaptı qaplaw hám zárúr buyımlardı satıp alıw ushın jeterli pul qarjılarına iye bolıw bolıp tabıladı.

Likvidlilik koefficienti xojalıq subyektiniń tólemge uqıplılıǵınıń anaǵurlım tezligin kórsetedi, bunda aǵımdaǵı minnetlemeler eń likvidli aktivler (naq pulǵa aylandırıw belgili bir waqıt talap etetuǵın tovar-materiallıq baylıqlardan tısqarı) menen qaplanıwı múmkin.

Likvidlilik koefficienti pul qarjıları, qısqa múddetli investiciyalar hám esapbeti boyınsha alınatuǵın qarjılar (múddeti ótkeninen tısqarı) summasınıń aǵımdaǵı minnetlemelerge qatnası arqalı tabıladı. Bunda tovar-materiallıq zapaslar emes tólem qarjıları qatarına kiritilmeydi. Yaǵnıy, haqıyqıy likvid aktivler esapqa alınadı.

LK = PQ + QMI + DQ - MÓDQ / AG`M

Likvidlilik koefficienti (LK) pul qarjıları (PQ), qısqa múddetli investiciyalar (QMI), debitorlıq qarızları (DQ) hám múddeti ótken debitor qarızdarlıqlar (MÓDQ) ayırmasınıń aǵımdaǵı minnetlemelerge (AG`M) qatnası sıpatında esaplanadı.

№