10.5. Puldıń múddettegi bahası, payız stavkaları hám olardı esaplaw usılları
Pul qarjılarınıń múddettegi bahasın anıqlaw diskontlawdı talap etedi. Bul processke júdá kóp faktorlar tásir etedi: inflyaciya, riskler, likvidlik hám t.b.
Pul qarjılarınıń múddettegi bahasın anıqlaw investorlarǵa pul qarjıların jaylastırıwdıń nátiyjeliligin bahalawǵa imkan beredi. Naq pul aǵımınıń keleshektegi bahasın anıqlawdıń tiykarǵı kemshiligi onıń anıq emesligi bolıp tabıladı. Biraq, bul anıq emeslik riskin anıq esap-kitaplar hám shamalawlar tiykarında azaytıw múmkin.
Puldıń múddettegi bahası bahalanǵan kelesi pul aǵımların diskontlaw arqalı inabatqa alınıwı sebepli, bul pul aǵımları qarjılandırıw iskerlikleri boyınsha pul kirisleri yaki shıǵısların óz ishine almaydı. Tap sonday-aq, diskont stavkası salıqtan aldınǵı tiykarda anıqlanıwı sebepli, kelesi pul aǵımları da salıqtan aldınǵı tiykarda anıqlanadı.
Puldıń aǵımdaǵı bahasınıń keleside qanday dáramat keltiriwin tómendegi formula tiykarında esaplaw múmkin:
Bul jerde PV (present value)– pul aǵımınıń aǵımdaǵı bahası (búgingi pul qarjılarınıń summası);
FV (future value)- pul aǵımınıń keleshektegi bahası (kelesi dáwidegi pul qarjılarınıń summası);
i – payız stavkası (interest);
N – dáwirler sanı (number).
Tómende, 245,0 mln swm 5 jılǵa, 8.0 payızlı stavkada investiciya qılınıwı, depozitke qoyılıwı qansha dáramat alıp keliwin esap-kitap qılıwımız múmkin.
Do'stlaringiz bilan baham: | 
