11.2. Jeke kapitaldıń quramlı dúzilisi: ustav fondı (ustav kapitalı), qosılǵan kapital, rezerv kapitalı hám bólistirilmegen payda
Buxgalteriya esabı, ekonomikalıq analiz hám auditke tiyisli nızamshılıq normalarında «óz investiciyası», «óz investiciyasınıń derekleri», «óz qarjılarınıń derekleri», «jeke investiciya», «jeke kapital» degen túsinikler kóp ushırasadı. Olardıń barlıǵı bir mazmundı yaǵnıy, xojalıq júritiwshi subyektlerdiń ózine ǵana tiyisli bolǵan qarjılardı ańlatadı.
Jeke kapital quramına tómendegi quramlı birlikler kiredi:
- ustav kapitalı;
- rezerv kapitalı;
- qosılǵan kapital;
- bólistirilmegen payda hám qaplanbaǵan zıyan.
Buxgalteriya balansınıń «Óz qarjılarınıń derekleri» («Jeke investiciya») bóliminde ustav kapitalı, qosılǵan kapital, rezerv kapitalı, satıp alınǵan óz akciyaları, bólistirilmegen payda (qaplanbaǵan zıyan), maqsetli túsimler hám de bolajaq qárejetler hám tólemlerdiń zapasları sáwlelendiriledi.
Do'stlaringiz bilan baham: |
