Тижорат банкларида бухгалтерия ҳисоби

Аудит хизмати ходимлари текширув ўтказиш жараёнида қуйидаги ваколатларга эгадирлар:

- банк раҳбарияти ва ходимларидан банк фаолиятига боғлиқ бўлган барча зарур ҳужжатларни ёки аудит предмети ҳисобланган ҳужжатларни талаб қилиш;

- ички аудиторлик текширувларини ўтказиш жараёнида туғилган саволлар бўйича банк раҳбарлари ва ходимларидан тушунтиришлар олиш. Аудит хизмати ходимлари лозим бўлганда қизиқтирган саволлари бўйича ёзма равишда тушунтиришлар олиш ҳуқуқига эга;

- зарур ҳужжатлардан нусхалар олиш;

- зарур бўлганда банкда белгиланган тартибда (келгусида сақланиши гумон бўлган) ҳужжатларнинг асл нусхаларини олиш;

- текшириш ўтказиш мақсадида банкнинг барча биноларига, шунингдек электрон ва қоғоз аривларига кириш;

- аудиторлик текшируви ўтказилгандан сўнг текшириш жараёнида аниқланган қоидабузарликларни бартараф этиш бўйича чора-тадбирларнинг бажарилишини назорат қилиш.

Аудит хизмати ходимлари қуйидагилар учун жавобгардирлар:

Аудит хизмати ходимлари қуйидагилар учун жавобгардирлар:

- текшириш натижаларини бузиб кўрсатиш;

- қонун ҳужжатларига мувофиқ банк сирини ташкил этувчи ҳар қандай маълумотларнинг маҳфийлигини таъминламаслик;

- банкнинг тегишли бўлимларидан олинган ҳужжатлар бутунлигини таъминламаслик ва қайтармаслик.

Ички аудит хизмати ходимлари Ўзбекистон Республикасининг амалдаги қонунчилиги ҳамда ички аудиторлар жавобгарлигини белгиловчи банкнинг ички низомларига биноан жавобгар бўладилар.

Аудит хизмати ходимлари (аудиторлар) қуйидаги талабларга жавоб беришлари керак:

Аудит хизмати ходимлари (аудиторлар) қуйидаги талабларга жавоб беришлари керак:

- бажараётган вазифалари характерига мос бўлган олий маълумотга эга бўлишлари;

- банкнинг пул муомаласи, кредит, валюта, депозит операциялари ёки бухгалтерия ҳисоби ва ҳисоботи бўлимларида камида бир йил иш стажига эга бўлишлари керак. Бош аудитор учун банкнинг юқоридаги бўлимларида камида уч йил ёки тижорат банкида раҳбарлик лавозимида камида бир йил иш стажига эга бўлиш талаб этилади;