Toshkent davlat iqtisodiyot universiteti abdurahmonov Q. X., Boqiyeva I. A

Qisqacha xulosalar 
Korxonaning ishchi kuchi bilan ta’minlanishni tahlil qilishning  asosiy vazifalari 
quyidagilardan  iborat:  korxona  va  uning  tarkibiy  bo’linmalarining  umuman, 
shuningdek, toifalar va kasblar bo’yicha ishchi kuchi bilan ta’min etilganini o’rganish 
va  unga  baho  berish;  kadrlar  qo’nimsizligi  ko’rsatkichlarini  aniqlash  va  o’rganish; 

---

 
132 
ishchi  kuchi  zahiralarini  aniqlash,  ulardan  yanada  to’laroq  va  samaraliroq 
foydalanishni aniqlash.  
Korxonaning  ishchi  kuchi  bilan  ta’minlanganligini  aniqlash  –  korxonaning  ish 
kuchi  bilan  ta’minlanishi  toifalar  va  kasblar  bo’yicha  xodimlarning  haqiqiy  sonini 
reja  ehtiyojlari  bilan  taqqoslashdan  iborat.  Ishlovchilarni  mehnat  salohiyatlarini 
hisobga olgan holda joylashtirishni tahlilidan maqsad – kadrlarni oqilona joylashtirish 
yo’li  bilan  ishlab  chiqarishning  mehnat  salohiyatidan  foydalanishni  yaxshilash 
zahiralarini  topishdir.  Tahlil  natijasida,  asosiy  ishchilarning  keraklicha  miqdorini 
aniqlash,  ixtisoslik  bo’yicha  ishchilarning  kerakli  miqdori    aniqlanadi,  ixtisoslik 
xodimlar  bilan  tig’izlik  koeffitsientlari  aniqlanadi.  Ishlovchilar  mehnatini  jamoa 
shaklida  tashkil  qilish  va  mehnat  jamoalari  samaradorligi  muhim  ko’rsatkichlardan 
biridir.