Toshkent davlat yuridik universiteti
§. Taqdim qilish huquqi bo’yicha vorislik hamda meros transmissiyasi
Download 5.5 Mb. Pdf ko'rish
|
Fuqarolik huquqi II-qism
- Bu sahifa navigatsiya:
- Meros transmissiyasi
|
3 §. Taqdim qilish huquqi bo’yicha vorislik hamda meros transmissiyasi FKning 1140-moddasida taqdim qilish huquqi bo’yicha vorislik tushunchasi keltirib o’tilgan. Unga muvofiq qonun bo’yicha merosxo’r meros ochilganga qadar vafot etgan taqdirda, unga tegishli ulush uning avlodlariga o’tishini nazarda tutadi. Ushbu qoidalar vasiyat bo’yicha merosxo’r meros ochilgunga qadar vafot etgan taqdirda qo’llanilmaydi. Shuningdek, taqdim qilish huquqi bo’yicha vorislar doirasi qonun bo’yicha chegaralangan. Ya’ni, bola, navera, chevara, evara merosxo’rligida taqdim qilish huquqi qarindoshlik darajasi cheklanmagan holda amal qiladi, yon qarindoshlik bo’yicha merosxo’rlikda taqdim qilish huquqiga meros qoldiruvchining tug’ishgan aka-ukalari (opa-singillari) nomidan uning jiyanlari yoxud meros qoldiruvchining tug’ishgan amakisi (tog’asi) yoki ammasi (xolasi) nomidan uning amakivachchalari (tog’avachchalari) va ammavachchalari (xolavachchalari) ega bo’ladilar. Ya’ni, o’g’ildan oldin vafot etgan otaning ulushi uchun marhumning aka-uka, opa-singillari vorislikka chaqirilmaydi, balki ular ikkinchi navbat sifatida meros olishga chaqiriladi. 612 Qolaversa taqdim qilish huquqi bo’yicha vorislikda ulush taqdim qilinayotgan qonun bo’yicha merosxo’r bilan bir xil darajada qarindosh bo’lgan avlodlar o’rtasida teng taqsimlanadi. Misol uchun birinchi navbatdagi vorislar taqdim qilinayotgan huquqqa nisbatan ikki nafar merosxo’r bo’lgan taqdirda, meros mol-mulki ikkiga bo’linadi va taqdim qilinayotgan ulush shu ulushni olishga chaqirilganlar, ya’ni ikki nafar taqdim qilish huquqi bo’yicha vorislar o’rtasida teng taqsimlanadi Meros transmissiyasi Shunday holatlar ham bo’ladiki, merosxo’r merosni qabul qilishga ulgurmasdan o’zi ham vafot etadi. Bunday vaziyatlarda qonunchilik meros transmissiyasi tartibida vorislikni nazarda tutadi. Ya’ni, vasiyatnoma bo’yicha yoki qonun bo’yicha vorislikka chaqirilgan merosxo’r meros ochilganidan keyin uni qabul qilib olishga ulgurmasdan vafot etgan bo’lsa, unga tegishi kerak bo’lgan merosni qabul qilib olish huquqi uning qonun bo’yicha merosxo’rlariga, agar barcha meros mol-mulk vasiyat qilingan bo’lsa, uning vasiyat bo’yicha merosxo’rlariga o’tadi. Merosxo’rning merosning bir qismini majburiy ulush sifatida qabul qilib olish huquqi meros transmissiyasi bo’yicha uning merosxo’rlariga o’tmaydi. Meros tranmissiyasi taqdim qilish huquqi bo’yicha vorislikdan farqli o’laroq, meros ochilganidan keyin merosni egallamasdan vafot etgan merosxo’rlarning ulushini ularning qonun bo’yicha vorislariga yoki vasiyat bo’yicha vorislariga o’tishini nazarda tutadi. Download 5.5 Mb. Do'stlaringiz bilan baham: 
|