Toshkent moliya instituti b. I. Nurmuxamedova, sh. K. Xamdamov davlat moliyasi

Byudjet subvensiyasi – qonunhujjatlarida nazarda tutilgan tartibda muayyan 
maqsadlarga sarflash sharti bilan yuqori byudjetdan quyi byudjetga qaytarmaslik 
sharti bilan ajratiladigan pul mablag‘lari; 
Byudjet taqchilligini qoplash manbalari tasnifi – taqchillikniqoplashning 
ichki va tashqi manbalari bo‘yicha guruhlash; 
Byudjet tashkiloti – davlatfunksiyalarini amalga oshirish uchun belgilangan 
tartibda davlat hokimiyati organlarining qaroriga ko‘ra tashkil etilgan, davlat 
byudjeti mablag‘lari hisobidan saqlab turiladigan notijorat tashkilot; 
Byudjet tashkilotlarining byudjetdan tashqari mablag‘lari – qonun 
hujjatlarida nazarda tutilgan byudjetdan tashqari manbalar hisobidan byudjet 
tashkiloti tasarrufiga kelib tushadigan mablag‘lar; 
Byudjet tasnifi - davlat byudjeti, davlat maqsadli jamg‘armalari tuzilmasiga 
kiruvchi byudjetlar daromadlari va xarajatlarining, shuningdek davlat byudjetining 
taqchilligini qoplash manbalarining muayyan belgilariga ko‘ra guruhlanishi; 
Byudjet tizimi – barcha darajadagi byudjetlar, davlat maqsadli jamg‘armalari 
byudjetlari va byudjet tashkilotlarining byudjetdan tashqari jamg‘armalari, byudjet 

---

410 
tizimi byudjetlarini tuzish va tashkil etish prinsiplari, ular o‘rtasida byudjet 
jarayoni mobaynida yuzaga keladigan o‘zaro munosabatlar yig‘indisi; 
Byudjet tizimi byudjetlari –O‘zbekiston Respublikasi-ning davlat byudjeti, 
davlat maqsadli jamg‘armalari byudjetlari va byudjet tashkilotlarining byudjetdan 
tashqari jamg‘armalari; 
Byudjet tizimini boshqarish – byudjet tizimining asosiy tamoyillariga amal 
qilgan holda byudjet munosabatlarini, byudjet jarayonini, byudjet munosabatlarida 
ishtirok etuvchi subyektlar, alohida vakolatli organlar va byudjet mablag‘larini 
oluvchilar faoliyatini boshqarishga qaratilgan maqsadli faoliyat;