Тошкент молия институти

Ўз-ўзини назорат қилиш учун саволлар 
1. Солиқ солишнинг соддалаштирилган тартибини солиқ амалиётида 
татбиқ этишнинг зарурлиги нимада?
2. Солиқ амалиётида илк бор қачон соддалаштирилган солиқ режими 
жорий қилинган ва қайси меъёрий хужжат асосида? 
3. Кичик бизнес субъектлари таркиби қайси мезонлар асосида 
белгиланади? 
4. Ягона солиқ тўлови қачон жорий этилди? 
5. Ягона солиқ билан ягона солиқ тўловининг фарқи нимада? 
6. Ягона солиқ тўловини тўловчилари кимлар? 

---

93 
7. Ягона солиқ тўловига солиқ ставкалари қайси мезон асосида 
белгиланади? 
8. Қандай юридик шахслар ягона солиқ тўловидан имтиёзга эга? 
9. Ягона солиқ тўлови бюджетга қайси муддатларда тўланади? 
10. Ягона солиқ тўловини бюджетга кечиктириб тўлаш тартиби қандай? 
11. Қандай ҳолатларда ягона солиқ тўловини бюджетга кечиктириб 
тўлашни солиқ органлари рад этиш мумкин? 
3.2.2. Савдо ва умумий овқатланиш
 корхоналарини солиққа тортиш 
Маълумки, савдо ва умумий овқатланиш 
корхоналари 2007 йил 1 январга қадар 
бюджетга тўлаб келган ялпи даромадидан 
ялпи даромад солиғи, мол-мулк солиғи, 
товарлар 
айланмасидан 
Пенсия 
жамғармасига, Республика Йўл жамғармасига ҳамда Мактаб таълимини 
ривожлантириш жамғармасига мажбурий тўловлар тўлаш ўрнига Ўзбекистон 
Республикаси Президентининг 2006 йил 18 декабрдаги «Ўзбекистон 
Республикасининг 2007 йилги асосий макроиқтисодий кўрсаткичлари 
прогнози ва Давлат бюджетининг параметрлари тўғрисида» ги ПҚ-532-сонли 
қарорига мувофиқ 2007 йил 1 январдан бошлаб ягона солиқ тўловини 
тўлашга ўтказилди. 
2006 йил якуни бўйича асосий (профил) фаолият тури савдо фаолияти 
(умумий овқатланиш соҳасидаги фаолият) ҳисобланган юридик шахслар 
белгиланган тартибда ҳисобот йили бошидан бошлаб ягона солиқ 
тўловларини тўлашлари шарт қилиб белгиланди. 
Ўзбекистон Республикаси Адлия вазирлиги томонидан 2007 йил 28 
мартда 1668-сон билан рўйхатга олинган “Ягона солиқ тўловини ҳисоблаб 
чиқариш ва тўлаш тартиби тўғрисида” ги Низомга мувофиқ савдо ва умумий 
овқатланиш корхоналари учун солиққа тортишнинг қуйидаги тартиби 
белгиланган. Жумладан, Низомда савдо фаолияти (умумий овқатланиш 
соҳасидан фаолият) ҳисобланган юридик шахслар учун 2007 йилдан бошлаб 
ягона солиқ тўловини тўлаш тартиби белгиланган. 
Шу билан бирга савдо ва умумий овқатланиш корхоналари учун: 
- божхона тўловлари (божхона божлари ва йиғимлари, акциз солиғи ва 
товарларни (ишларни, хизматларни) импорт қилишда қўшилган қиймат 
солиғи); 
- давлат божлари;