Тошкент вилояти чирчиқ давлат педагогика институти ҳузуридаги илмий даражалар берувчи dsc

Диссертатсия тадқиқотининг давлат дастурлари ёки илмий-тадқиқот ишлари режалари билан боғлиқлиги. Тадқиқоти иши Жиззах давлат педагогик университетининг илмий-тадқиқот режасининг “Узлюксиз таълимда информатика рақамли таълим технологиялар фанлари тизимида фан, таълим ва технологиялар интегратсиясини таъминлаш муаммолари” банди ҳамда Муҳаммад ал-Хоразмий номидаги Тошкент ахборот технологиялари университетининг илмий-тадқиқот ишлари режасининг мувофиқ № ФЗ-2019080214 “Фавқулодда вазиятларда қўлланилувчи кўп функтсияли робот яратиш” (2021-2023 йй.) мавзусидаги амалий лойиҳаси доирасида бажарилган.
Тадқиқотнинг мақсади умумий ўрта таълим мактаблари ўқувчиларнинг лойиҳалаш маданиятини робототехниканинг дидактик имкониятлари воситасида ривожлантириш методикасини ишлаб чиқишдан иборат.
Тадқиқотнинг вазифалари:
умумий ўрта таълим мактаб ўқувчиларида лойиҳалаш маданиятини роботатехниканинг дидактик имкониятлари воситасида ривожлантириш муаммосининг педагогик ва психологик адабиётлардаги таҳлилининг талқини;
умумий ўрта таълим мактаб ўқувчиларида лойиҳалаш маданиятини роботатехниканинг дидактик имкониятлари воситасида воситасида кенгайтиришга қаратилган таълим технологияларини ишлаб чиқиш;
роботатехниканинг дидактик имкониятлари воситасида мактаб ўқувчиларида лойиҳалаш маданиятининг ривожланганлик даражасини баҳоловчи мезонларини ишлаб чиқиш;
умумий ўрта таълим мактаб ўқувчиларида лойиҳалаш маданиятини роботатехниканинг дидактик имкониятлари воситасида ривожлантиришга йўналтирилган педагогик тажрибанинг якуний натижасига асосан илмий-методик тавсияларни ишлаб чиқиш.
Тадқиқотнинг объекти умумий ўрта таълим мактабларида ўқувчиларнинг лойиҳалаш маданиятини робототехниканинг дидактик имкониятлари воситасида ривожлантириш жараёни белгиланиб, унда тажриба-синов ишларига Жиззах, Самарқанд ва Навоий вилоятларидаги 6 та умумий ўрта таълим мактабларидаги 591 нафар В-ВИИ синф ўқувчилари жалб этилган.
Тадқиқотнинг предметини умумий ўрта таълим мактабларида ўқувчиларнинг лойиҳалаш маданиятини робототехниканинг дидактик имкониятлари воситасида ривожлантириш мазмуни, шакл, метод ва воситалари ташкил этади.