Türkmen d I l I n I ň DÜŞÜndirişLI
ÝAKYNDA [ýaky:nna], hal. 1
Download 12.69 Mb. Pdf ko'rish
|
Türkmen diliniň düşündirişli sözlügi II (K-Z)-2016`Ylym
- Bu sahifa navigatsiya:
- ÝAKYNLATDYRMAK
- ÝAKYNLAÝYŞ [ýaky:nlaýyş], iş ady. Ýakynlamak ýagdaýy. ÝAKYNLYK
- ÝAKYŞDYRMAK
- Ýalyň agarmak
ÝAKYNDA [ýaky:nna], hal. 1. Ýakyn wagtda,
ýakyn wagtyň içinde. Şu ýakynda oglumyň harby gullukdan gaýdyp gelmegine garaşýaryn. 2. Ýaňy- ýakynda, ýaňyrak, täzelikde, baýak, arada, golaýda. ÝAKYNLAMAK [ýaky:nlamak], işl. 1. Bir zadyň, biriniň golaýyna, ýakynyna barmak. 2. Bir ýeriň golaýyna barmak, ýakynyna gelmek, ýakynlaşmak. Otly şähere ýakynlaýardy. 3. Golaýlamak, golaý gelmek, ýetip gelmek (wagt hakynda). Goşa baýram ýakynlaýar. ÝAKYNLAŞDYRMAK [ýaky:nlaşdyrmak], işl. 1. Biri-biriniň ýakynyna eltmek, eltip goýmak. Çilimi benzine ýakynlaşdyrmak howpludyr. 2. Ruhy taýdan biri-birine golaýlaşdyrmak, ysnyşdyrmak. Bilelikdäki agzybir iş ýaşuly-ýaşkiçi – hemmesini ýakynlaşdyrdy. Şypahanada bile bolmaklary olary has ýakynlaşdyrypdy. ÝAKYNLAŞMAK [ýaky:nlaşmak], işl. Ýakynlap başlamak, golaýlap başlamak, golaýlaşmak. Şol mahal oglanjyk elindäki pökgini özlerine ýakynlaşyp barýan Mährä zyňdy (A.Gowşudow). Maşyn muzeýe ýakynlaşyp saklandy. ÝAKYNLATDYRMAK [ýaky:nlatdyrmak], işl. Ýakyn aralyga getirtmek. Ogluňy bozuk çagalara ýakynlatdyrmagyn. ÝAKYNLATMAK [ýaky:nlatmak], işl. Ýakynyna eltmek, ýakyn getirmek, golaýyna süýşürmek. Terje güli ýanyp duran bir oda ýakynlatsaň, gunçalary süllerer (B. Hudaýnazarow). ÝAKYNLAÝYŞ [ýaky:nlaýyş], iş ady. Ýakynlamak ýagdaýy. ÝAKYNLYK [ýaky:nlyk], at. 1. Daş dällik, golaýlyk, golaý aralykda bolmaklyk. 2. Ýakyn hossarlyk, garyndaşlyk. ÝAKYNSYRAMAK [ýaky:nsyramak] işl. Ýakyn garyndaşyň, ilen-çalanyň bolmasa-da, ýakyn boljak bolmak. ÝAKYŞDYRMAK, işl. Bir ýan ujundan ýakmak, otlaşdyrmak, birnäçe ýerde ýakyp çykmak. Ýigitler ýene-de ot ýakyşdyrypdyrlar (A. Gowşudow). ÝAKYŞMAK I, işl. 1. Ýakmaga kömek etmek. Ot ýakyşmak. 2. Bilelikde ýakmak. ÝAKYŞMAK II, işl. 1. Mallary suwa ýakmaga kömek bermek. Sen muny bakyşypmydyň, ýakyşypmydyň?! ( Görogly ). 2. Bilelikde ýakmak. Oglanlar düýelerini suwa ýakyşyp durdular. ÝAL, at. 1. Ite berilýän iýmit. Ite ýaly az berseň, gapyňdan garamaz (Nakyl). Gülruh eje-de şondan soň beýnisi sarssa-da, Alabaýyň sesine çydap, oňa ýal berip ýör (O. Ödäýew). 2. gepl.d. Nahar, iýmit. Ýaltanan ýal tapmaz, tapsa-da, bol tapmaz (Nakyl). Ýala gelmek – köpege gelmek. Ýal ýagysy işlemän iýmäge ymtylýan, edýän işi iýenine degmeýän, iýenini ödemeýän; elinden zat gelmeýän, iş başarmaýan. Ah, sizden hiç haçan abraý ýokdur, bir topar ýal ýagylary (A. Durdyýew). ÝAL [ýa:l], at. Käbir haýwanlaryň boýnunyň üstünde zolak bolup ösýän ösgün gyl. Ýaman ata ýal bitse, ýanyna ýanlyk baglatmaz, ýaman kişä mal ýetse, ýanyna goňşy gondurmaz (Nakyl). Ýalyň agarmak ýaşy bir çene ýetmek; garramak, sakgaly, saçy agarmak. ÝALAK I, at. Ite ýal we suw berilýän gap. Iti bolmadygyň ýalagy bolmaz (Nakyl). Download 12.69 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling