Türkmenistanyň Bilim ministrligi Magtymguly adyndaky Türkmen döwlet uniwersiteti

 
Nikobar dili-aystroaziýa dilleriniň biridir. Gelip 
çykyşy taýyndan haýsy dil maşgalasyna degişlidigi belli 
däl. Hindi ummanynyň nikobar adalarynda ýaýrandyr. 

---

93 
Nikobar dilinde gepleýänleriň sany 30 müň adam 
töweregidir. Grammatik gurluşynda goşulma arkaly söz 
üýtgedilişi amala aşyrmaklyk häsiýeti ýokary. Ýazuwy 
latyn elipbiýiniň esasynda. 
 
Niue 
dili-awstroneziýa 
dillerine 
degişlidir. 
Polineziýa toparynyň tongan toparçasyna girýär.Täze 
Zelandiýa degişli Niue adasynda ýaýrandyr. Bu dilde 4 
müň töweregi adam gepleýär. Motu we tafiti şiweleri bar. 
Grammatik gurluşy kök bilen baglanyşykly, grammatik 
many aňladyşyň analitik usullary agdyklyk edýär. Sözlük 
düzüminde samoan dilinden alnan sözler köp. Ýazuwy 
latyn elipbiýiniň esasyndadyr. 
 
Nowial dili- 1928-nji ýylda Otto Espersen 
tarapyndan döredilen emeli dil. Ulanylyş çägi giň däl. 
Grammatik many aňlatmakda sintetik usullar agdyklyk 
edýär, ýazuwy latyn elipbiýiniň esasynda. 
 
Nogaý dili- türki dilleriň biridir. Dagystanyň 
demirgazygynda, Orsyýetiň Stawropol we Krasnodar 
ülkeleriniň birentek etraplarynda ýrandyr. Nokaý dilinde 
55 müň töweregi adam gepleýär diýlip çaklanylýar. Ak 
nogaý, gara nogaý, merkezi nogaý şiweleri bar. 
Grammatik gurluşy goşulma arkaly söz üýtgedilişi amala 
aşyrýan dillere degişlidir. Grammatik many aňlatmakda 
sintetik usullar agdyklyk edýär. Ýazuwy 1924-28-nji 
ýyllarda arap, soň latyn, 1938-nji ýyldan başlap rus 
elipbiýiniň esasyndadyr.
 
Norweg dili- hindi-ýewropa dillerinine degişlidir. 
German toparynyň demirgazyk (skandinaw) toparçasyna 
girýär. Norweg Korollygynyň döwlet dilidir. Norweg 
dilinde gepleýänleriň sany 5 mln adam töweregidir. Edebi 
dili riksmol we landsmon atlandyrylýan iki görnüşde ýüze 
çykýar. Riksmol görnüşini ýurduň ilatynyň 80%-i, 

---

94 
landsmon görnüşini 20%-i peýdalanýar. Grammatik 
gurluşynda sintetik we analitik alamatlar utgaşýar. 
Ýazuwy latyn elipbiýiniň esasyndadyr.