Udk raxmonova gulnora
Download 1.02 Mb. Pdf ko'rish
|
talim-tarbiya sifatini oshirishda didaktik tamoyillarga yondashish mexanizmlari
- Bu sahifa navigatsiya:
- Ta’lim prinsiplari mohiyati.
- 2. Ta’lim qonuniyatlari va tamoyillarining shakllanish tarixi
- Ta’lim prinsiplari tizimi 1 .
- “Ta’lim qonunlari: O’zaro bog’liqlik qonuni
- Ta’lim prinsiplarini belgilash o’lchovlari 2 .
- Amaliyot uchun yaroqlilik
- Ta’limning samaradorligini oshirishga yo’nalganlik.
O’zaro bog’liqlik qonuni – ta’lim – tarbiya jarayonida ikkita ruhiy harakatning o’zaro bog’liqligidagi rivojlanish qonuni. Bu qonun bo’yicha ta’lim – tarbiya jarayoni ta’lim beruvchi va ta’lim oluvchi ruhining bir yo’nalishdagi harakatini taqozo etadi. Bu qonunga binoan, ta’lim – tarbiya jarayonini tashkil qiluvchi ikki shaxsdan birining harakati ikkinchisiniki bilan mos kelmasa, ta’lim – tarbiya jarayoni sodir bo’lmaydi. Bunda darsni samarali tashkil qilish va uni sifatli, mazmunli amalga oshirish uchun pedagog sinfda yoki auditoriyada bir xildagi holatni, ya’ni, bilim berish va bilim olish holatini shakllantirish kerak; Mashq qonuni – qonun bo’yicha, egallangan bilimni ko’nikma, so’ng malakaga aylantirishda, mashqni iloji boricha tez amalga oshirishni taqozo etadi; Intensivlik qonuni – bu qonun bo’yicha, mashqlar javobi qanchalik intensiv ravishda bo’lsa, shunchalik tez o’zlashtiriladi; 1 Ҳасанбоев Ж., Тўрақулов Х.А., Алқаров И., Усмонов Н.Ў., Исъянов Р.Г., Юзликаев Ф. Педагогика назарияси (Дидактика): Олий ўқув юртлари учун дарслик. – Тошкент: Фан ва технологиялар, 2011. - 62 б Assimilyatsiya qonuni – bo’yicha har bir yangi “turtki” qaytar reaksiyani vujudga keltiradi, deyiladi. SHuning uchun egallagan bilimni qaytarish yo’li bilimni “turtib” turish kerak, deyiladi; Natijaviy qonunda – reaksiya ijobiy bo’lsa, bilim mustahkamlanadi, agar salbiy bo’lsa, xotira uni o’chirib tashlaydi, deyiladi [1] . O’quv jarayonida amal qiluvchi barcha qonuniyatlar umumiy va xususiy tarziga ikki guruhga ajratiladi. Amal qilinishiga ko’ra yaxlit didaktik tizimni qamrab oladigan qonuniyatlar umumiy, amal qilinishiga ko’ra faqat alohida tarkibiy qismlariga taalluqli bo’lgan qonuniyatlar esa xususiy (aniq) deb ataladi. I.P.Podlasiy 1 ta’lim jarayonining quyidagi umumiy qonuniyatlarini ajratib ko’rsatadi: 1. Ta’lim maqsadi quyidagilarga bog’liq: jamiyatning rivojlanish sur’ati va darajasi, jamiyatning talablari va imkoniyatlari hamda pedagogika fani va amaliyotining rivojlanganligi va imkoniyatlari darajasi. 2. Ta’lim mazmuni quyidagilarga bog’liq: ta’limning ijtimoiy ehtiyojlari va maqsadlari, ijtimoiy va ilmiy-texnik taraqqiyot sur’ati, o’quvchilarning yoshi imkoniyatlari, ta’lim nazariyasi va amaliyotining rivojlanish darajasi, shuningdek, o’quv yurtining moddiy-texnik va iqtisodiy imkoniyatlari. 3. Ta’lim sifati (samaradorligi) quyidagilarga bog’liq: avvalgi bosqich mahsuldorligi va mazkur bosqichda erishilgan natijalar, o’rganilayotgan material xususiyati va hajmi, o’quvchilarga tashkiliy-pedagogik ta’sir ko’rsatish hamda o’quvchilarning bilim olishga qobiliyatlari va ta’lim vaqti. 4. Ta’lim metodlari samaradorligi quyidagilarga bog’liq: metodlarni qo’llashda bilimlari va ko’nikmalari, ta’lim maqsadi, ta’lim mazmuni, o’quvchilarning yoshi, ta’lim olish imkoniyatlari, moddiy-texnik ta’minot hamda o’quv jarayonini tashkil etish. 5. Ta’limni boshqarish mahsuldorligi quyidagilarga bog’liq: ta’lim tizimida qayta aloqalarning intensivligi va tuzatish, ta’sir ko’rsatishlarning asoslanganliligi. 1 Подласый И.П. Педагогика. Новый курс. – Москва, Владос, 1999. 6. Ta’limni rag’batlantirish samaradorligi quyidagilarga bog’liq: ta’limning ichki rag’batlari (sabablari) hamda tashqi (ijtimoiy, iqtisodiy, pedagogik) rag’batlari. Zamonaviy fanga aniq qonuniyatlar ko’plab soni ma’lumdir. Ular qatoriga quyidagilar kiradi: 1. Didaktik qonuniyatlar. 2. Gnoseologik qonuniyatlar. 3. Psixologik qonuniyatlar. 4. Kibernetik qonuniyatlar. 5. Sotsiologik qonuniyatlar. 6. Tashkiliy qonuniyatlar. Didaktik tamoyillar (didaktika tamoyillari) o’quv jarayonining umumiy maqsadlari va qonuniyatlariga binoan uning mazmuni, tashkiliy shakl va metodlarini belgilovchi boshlang’ich qoidalardir. Tamoyil (yunoncha «principium») – biror-bir nazariyaning asosi, negizi, asosiy boshlang’ich qoidasi; boshqaruvchi g’oya, faoliyatning asosiy qoidasi; umumlashtirilgan talab. Ta’lim prinsiplari o’quv-tarbiya jarayoniga qo’yiladigan ijtimoiy talablar. Ta’limni tashkil etish va boshqarishda rioya qilinadigan qoidalar sifatida amal qiladi. Ta’lim prinsiplari haqida tasavvurlar ikki xil yo’l bilan izohlanadi 1 : 1) tasvir shaklida. Masalan, ilmiylik prinsipi fan va o’quv predmeti o’rtasidagi aloqadorlikka asoslanadi. Bu yerda ilmiylik prinsipi tasvir orqali bayon qilingan; 2) qoida shaklida. Masalan, ta’limda oddiydan murakkabga qarab boriladi. Bu jumlada tushunarlilik prinsipi qoidaga solingan, ya’ni normallashtirilgan. Ta’lim prinsiplari qoida shaklini ollevergan sari, ulardan amaliyotda foydalanish imkoniyatlari ham kengayaveradi. Mutaxassislar ta’lim prinsiplari xususiyatlarini, asosan, o’qituvchi faoiliyatiga nisbatan izohlashadi. Shu sababli ko’pchilik didaktik qo’llanmalarda “o’qitish prinsiplari” iborasi ishlatilgan. Ta’lim prinsiplari talim jarayonining ikkala 1 O.Roziqov,B.Adizov, G.Najmidinova. Umumiy didaktika. Buxoro., “Durdona”, 2012 й, 148 b sub’eaktiga- ham o’qituvchi, ham o’quvchiga daxldor. SHunga ko’ra biz ularni ta’lim prinsiplari deb nomladik. Ta’limni tashkil etish, boshqarish va nazorat qilishda o’qituvchi va o’quvchi faoliyatiga qo’yiladigan talablar, qoidalar ta’lim prinsiplpri deb aytiladi. Ta’lim prinsiplari mohiyati. Didaktlar ta’lim prinsiplari mohiyatini yoritishda turli nuqtai nazarlarni asos qilib olishgan. K. Sosinitskiyning fikricha. Ta’lim prinsiplari umumiy qonuniniyatlar bo’lib, ular o’quv-tarbiya jarayonida qat’iy rioya qilish yo’li bilan amalga oshiriladi. Uning fikricha, har bir prinsip ta’lim jarayonining muayyan komponentiga taaluqli: ko’rsatmalilik prinsipi ta’lim vositalariga, bola shaxsini rivojlantirish prinsipi ta’lim maqsadiga bog’liq. Ta’lim prinsiplarini o’quv- tarbiya jarayoni komponentlariga bog’lab bayon etish tendensiyasi- moyilligi YU. K. Babanskiy tadqiqotlarida ham uchraydi: ta’limning ilmiyligi, hayot va ishlab chiqarish bilan bog’liqligi, sistemalilik, izchillik, tushunarlilik prinsiplari ma’lumot mazmuniga ko’ra, onglilik va faollik ta’lim metodlari, vositalarini o’zaro uyg’unlashtirish prinsiplari ta’lm metodlari hamda vositalariga ko’ra, o’quvchilarning indivudial guruh va frontal ishlarini qo’shib olib borish prinsipi ta’lim turlariga ko’ra, bilim va maalakalarning puxtaliga prinsipi ta’lim natijalariga ko’ra belgilanadi. Ta’lim prinsiplarini o’quv-tarbiya jarayonikomponentlari mohiyatidan kelib chiqib belgilash g’oyasi ularga yangicha yondashishdir. Ammo ta’lim prinsiplarini o’quv-tarbiya jarayoni komponentlari asosida belgilash ularning umumiy qodalar ekanligini inkor qilishga olib keladi. Zero, ta’lim prinsiplari o’quv-tarbiya jarayonining barcha komponentlariga, o’qituvchi va o’quvchi faoliyatiga, barcha o’quv predmetlarini o’qitish masalalariga daxldor umumiy talablar, qodalardir. Ta’lim prinsiplarini o’quv- tarbiya jarayoni qonuniyatlari asosida belgilash g’oyasi ham mavjud. N.A. Sorokni ta’limning rivojlantiruvchanlik va tarbiyalovchanlik xususiyatlarini qonuniyat sifatida belgilaydi va shular asosida ta’lim prinsiplari xususiyatlarini bayon etadi. V.I Zagvyazinskiy ham o’quv- tarbiya jarayonida amal qiladigan qonuniyatlar va ta’lim prinsiplari o’rtasidagi aloqadorlikni hisobga olib keyingilarini, ya’ni ta’lim prinsiplarini tasnif etadi. Prinsiplarni ta’lim jarayoni qonuniyatlaridan kelib chiqib belgilash, garchand bu ularga yangicha yondashish bo’lsa-da, u mohiyat bilan bilan zaruriyatgi tenglashtirishga hatto almashtirishga olib keladi. Zotan qonuniyatlar kishiga, uning ongiga bog’liq bo’lmagan holda mavjud.Boshqacha aytganda, ular narsaning o’zida, o’rganilayotgan jarayonining tarkibiga amal qiladi. Faning vazifasi shu qonuniyatlarni izlash, topish va izohlashdan iborat. Ta’lim prinsiplari, birinchi navbatda, amaliyotga, binobarin, zaruriyatga daxldor. SHu tufayli ular ta’limni tashkil etish, boshqarish va nazorat etish mezonlari sifatida amal qiladi. Prinsiplar umumdidaktik kategoriya bo’lib, ular ta’limning barcha turlari (individul, guruh, umumsinf), darajalari (boshlang’ich, o’rta, professional, oliy), sub’ektlari (o’qituvchi, o’quvchilar kollektivi), o’quv-tarbiya jarayonining hamma komponntlari (ta’limning maqsadi, vazifasi, vositasi, mazmuni, metodlari, tashkiliy shakllari, natijalari)ga daxldor umumiy qoidalardir. SHuningdek. Ular maktab rahbarlari, metodis va inspektorlar, ilmiy-pedagogik izlanishlar olib boruvchi shaxslar, talabalar uchun ham zarur. Bulardan, ta’lim prinsiplarini pedagogik faoliyat bilan mashg’ul kishilarning barchasi o’rganishlari lozim, degan xulosa kelib chiqadi. 2. Ta’lim qonuniyatlari va tamoyillarining shakllanish tarixi Ibtidoiy jamiyatda insoniyat o’sib kelayotgan avlodga mavjud bilimlarni uzatish asosida amaliy bilimlari asta-sekin shakllangan. O’sha davrdayoq ta’lim amaliy qoidalari ishlab chiqilgan va avloddan-avlodga uzatib kelingan. Antik davrda asosan ajdodlar tajribasi an’analar tarzida umumlashtirilib, amaliy ta’lim masalalari hal etilgan. Platon va Aristotellar tavsiya hamda qoidalar to’plami ko’rinishida amaliyotiy ta’lim mohiyatini umumlashtirishga uringanlar. Sharqdagi Uyg’onish davrida (IX-XI asrlar) arab, musulmon madaniyatining Yaqin va Markaziy Osiyo xalqlarining moddiy va ma’naviy madaniyati bilan birlashishi asosida alohida sinkretik (yunoncha synkretismos – birlashish, yaxlitlik, qo’shilish) madaniyat birlashgan turi yuzaga kelgan. Allomalar Muhammad al-Xorazmiy (787-850 yillar), Abu Nasr Forobiy (870- 950 yillar), Al-Kindiy (800-870 yillar), Abu Rayhon Beruniy (973-1050 yillar), Abu Ali ibn Sino (980-1037 yillar) va boshqalar uning asoschilari sifatida mashhur bo’ldilar. Bu madaniyatning asosiy markazlari Suriya, Eron, Markaziy Osiyo hududlarida joylashgan. SHarq mutafakkirlari o’z asarlarida ta’lim usullari, qoidalari, tamoyillari, metodlari va shakllari asosida ta’lim amaliyotining mohiyatini ifoda etadilar. Biroq ta’lim masalalari bilan ular maxsus va izchil shug’ullanmaganliklari bois maxsus didaktik nazariya yaratilmadi. Ta’limni ular fan sifatida emas, boshqa fanlarga o’rgatish san’ati, hunarmandchilik sifatida tushundilar. Sharq allomalari tomonidan ilgari surilgan qoida, usul va tamoyillarning aksariyati zamonaviy maktablarda ham qo’llanilmoqda. Quyidagi jadvaldan Sharq allomalari Muhammad al-Xorazmiy, Abu Nasr Forobiy, Al-Kindiy, Abu Rayhon Beruniy, Abu Ali ibn Sino, Muslihiddin Sa’diy, Abdurahmon Jomiy, Alisher Navoiylar ham ta’limning ilmiyligi, ongliligi, ko’rgazmaliligi, tushunarliligi, ketma-ketligi, muntazamligi, moslashuvchanligi va mustaqilligi, shuningdek, bolaning individual xususiyatlari, layoqati va qobiliyatlarini hisobga olish, ta’limni insonparvarlashtirish kabi qoida va tamoyillarini ifoda etib berganlari anglanadi 1 (1-ilovaga qarang). Ushbu mutafakkirlarimizning quyidagi tamoyillarni ilgari surganini ko’rishimiz mumkin: Al-Xorazmiy (757-850 yillar) - Mustaqillik (ijodiy faollik); - kuzatilgan voqea va hodisalarni tushuntirishda muntazamlik, ketma-ketlik; 1 Юзликаев Ф.Р. Педагогика институтида бўлажак ўқитувчини дидактик тайёрлаш жараёнини жадаллаштириш. – Тошкент, Фан, 1995. Al-Kindiy (800-871 yillar) - o’qitishning ilmiyligi va ongliligi; - anglash faoliyatini faollashtirish; - mantiqiy fikrlash; - k´rgazmalilik; - tizimlilik, ketma-ketlilik va hokazolar Al-Forobiy (870-950 yillar) - amaliy va nazariy bilimlar ning hayot bilan bog’liqligi - ilmiy bilimning qulayligi (anglashning ilmiy metodi); - mantiqiylik va ketma-ketlik; - ilmiylik, ko’rgazmalilik, tizimlilik (kuzatish va tajriba); Al-Beruniy (973-1050 yillar) - o’quvchilarni ilmiy ma’lumot bilan qurollantirish; - ilmiy amaliyot; - tajriba va kuzatish; - o’qishning qulayligi (yaqindan uzoqqa, ma’lumdan no’malumga va boshqalar) Ibn Sino (980-1037 yillar) - o’qitish tamoyillari: a) bolani birdaniga kitobga bog’lash mumkin emasligi; b) bola bilan o’tkaziladigan mashqlar me’yorlashtirilgan va kuchiga mos, jamoaviy, uning jismoniy mashqlarga muvofiq, bolaning qobiliyatini hisobga olishlik; v) o’qishda yengildan og’irga muntazam borish; g) ko’rgazmalilik tamoyili; d) bolaning alohida shaxsiy xususiyatlarini hisobga olish metodlari: a) materialni bayon etishda tizimlilik va ketma-ketlik; b)mantiqiy fikrlash; v)nazariya va amaliyotning o’zaro bog’liqligi; g)umumiydan xususiyga o’tish; d)o’quvchilarning mantiqiy fikrlashi; j)shaxsiy kuzatish; z)tajriba, amaliyot va boshqalar. Sa’diy (1184-1291 yillar) - bilimlarni amaliyotda qo’llash; - aqliy qobiliyatni rivojlantirish; - tizimlilik, bilimning tushunarliligi; - shaxsning faolligi tamoyili; - bilimning hayotiyligi amaliyot bilan bog’liqligi - mehnat ta’limi va boshqalarning yetakchilik roli Jomiy (1414-1492 yillar) ilmiylik; amaliylik; tizimlilik; muntazamlik; qulaylik; bilimni amaliyot bilan bog’liqligi egallangan bilimlarni mustahkamlash, amaliy ahamiyatliligi; o’qitishning insonparvarliligi va boshqalar. Alisher Navoiy (1441-1501 yillar) -bolaning shaxsiy xususiyatlarini hisobga olish; -onglilik, faollikni rivojlantirish; muntazamlilik; materialni bayon etishning qulayligi; -o’qitishni insonparvarlashtirish; -inson rivojlanishininng ko’p tomonlamalililigi va boshqalar. XVII asrda pedagogika amaliy tabiatshunoslik sifatida biologiya qonuniyatlariga bo’ysunishi e’tirof etilgan. Pedagogikani tubdan to’la qayta qurishni chex olimi YA.A.Komenskiy va ingliz pedagogi Djon Lokk amalga oshirdilar. Ular pedagogik qonunlarining quyidagi uch jihatiga ko’ra guruhlaganlar: 1. Ijtimoiy-tarixiy. 2. Tabiiy-tarixiy. 3. Psixologik. Keyinchalik bir guruh ilg’or pedagoglar umumiy tamoyillar bilan qanoatlanmay, didaktik qonuniyatlarini ifoda etishga uringanlar. Xususan, YA.A.Komenskiy didaktikaning tematik belgilariga ko’ra guruhlangan quyidagi qoidalar tizimini ilgari surdi: 1. “Ta’lim va oson o’qishning asosiy qoidalari” (“Buyuk didaktika” - XVII bob); 2. “Tabiiy o’qish va ta’limning asosiy qoidalari”; 3. “Fanlarga o’qitish san’atining to’qqiz qoidasi” (XX bob) va boshqalar. Disterveg tomonidan asoslangan qoidalar soni 33 ta bo’lib, ular muayyan loyihalarga taalluqli ekanligiga ko’ra guruhlarga ajratadi (birinchi guruh – o’qituvchiga nisbatan, ikkinchisi – dars tashkil etilayotgan fanga nisbatan, uchinchisi – o’quvchiga nisbatan va hokazolar tarzida). SHu bilan birga Disterveg mazkur qoidalarning ayrimlarini qonunlar ham deb ataydi. Ta’lim prinsiplari tizimi 1 . Didaktika tarixida ta’lim prinsiplarini tartibga solish masalasi bilan birinchi marta YA.A.Komenskiy shug’ullangan: “Buyuk didaktika” kitobining XV-XVIII boblarida amaldagi prinsiplarning ko’pchiligi asoslangan edi. U tabiatga moslab o’qitish g’oyasidan kelib chiqib ko’rsatmalilik (narsa-tana, so’z esa kiyim, narsa-don, so’z-uning po’stlog’i; shunday ekan, bilish narsaning o’zini sezishdan, o’rganishdan boshlanmog’i lozim), tushunarlilik (u yoki bu o’quv predmetini o’qitishdan oldin bolalar uni o’rganishga tayyor bo’lishi kerak; o’quv predmetini o’rganishga to’siqlik qiladigan narsalarning barchasi bartaraf etilsin), izchillik (tabiatda narsa va xodisalar o’zaro bo’lganidek, ta’limda ham barcha narsalarni bir-biriga bog’lab o’rgatish lozim; o’quv mashg’ulotlarini shunday taqsimlash kerakki, unda oldin o’rganilgan bilimlar keyingi bilimlarga yo’l ochsin), faollik (qanday mashg’ulot bo’lmasin, unga bolalarning mehrini oshirmoq kerak); bilim malakalarning puxtaligi (maktabda hayot uchun yaroqli narsalar o’rgatiladi; o’qitiladigan narsalarni shunday asoslamoq kerakki, unda esdan chiqarish, ikkilanishga o’rin qolmasin; mohirona takrorlash va mashq qildirish asosli o’zlashtirishga olib keladi) kabi ta’lim prinsiplarining maqomini aniqlagan. 1 O.Roziqov,B.Adizov, G.Najmidinova. Umumiy didaktika. Buxoro., “Durdona”, 2012 й, 149 b Garchand, YA.A.Komenskiy asarlarida “o’qitish prinsipi”, “ta’lim prinsipi”, degan terminlar ishlatilmagan bo’lsada, hozir amalda qo’llanayotgan prnitsiplarning ko’pchiligi uchun zamin yaratilgan edi. YA.A.Komenskiydan keyin ta’lim prinsiplari taraqqiyotiga nemis pedagogi Adolf Disterveg muhim hissa qo’shdi. 1835 yilda chop etilgan “Nemis o’qituvchilarini tayyorlashga doir qo’llanma” nomli asarida ta’lim prinsiplari ma’lumot mazmuni hamda o’qituvchi va o’quvchilar faoliyati xususiyatlaridan kelib chiqib tizimga solingan A.Distervegning pedagogik merosida ko’rsatmalilik, tushunarlilik, izchillik, mustaqillik prinsiplari bilan bir qatorda sistemalilik (o’quv predmeti tabiatidan tizimni tanla), ilmiylik (ta’limning mazmuni hozirgi zamon fani erishgan nuqtaga yo’naladi), ta’limda bolalarning individual xususiyatlarini hiosbga olish (o’qitishni qiziqarli va maroqli o’tkazishga intil), faollik (maktabda “o’lik” narsalar emas, balki hayot, tafakkur barq urib yashnasin) kabi prinsiplar ham o’rin oldi. A.Distervegning xizmati shundaki, u ko’rsatmalilik, tushunarlilik, faollik kabi prinsiplarni o’ziga xos termin-atamalar bilan nomladi. “Ta’lim qonunlari: O’zaro bog’liqlik qonuni – ta’lim – tarbiya jarayonida ikkita ruhiy harakatning o’zaro bog’liqligidagi rivojlanish qonuni. Bu qonun bo’yicha ta’lim – tarbiya jarayoni ta’lim beruvchi va ta’lim oluvchi ruhining bir yo’nalishdagi harakatini taqozo etadi. Bu qonunga binoan, ta’lim – tarbiya jarayonini tashkil qiluvchi ikki shaxsdan birining harakati ikkinchisiniki bilan mos kelmasa, ta’lim – tarbiya jarayoni sodir bo’lmaydi. Bunda darsni samarali tashkil qilish va uni sifatli, mazmunli amalga oshirish uchun pedagog sinfda yoki auditoriyada bir xildagi holatni, ya’ni, bilim berish va bilim olish holatini shakllantirish kerak; Mashq qonuni – qonun bo’yicha, egallangan bilimni ko’nikma, so’ng malakaga aylantirishda, mashqni iloji boricha tez amalga oshirishni taqozo etadi; Intensivlik qonuni – bu qonun bo’yicha, mashqlar javobi qanchalik intensiv ravishda bo’lsa, shunchalik tez o’zlashtiriladi; Assimilyatsiya qonuni – bo’yicha har bir yangi “turtki” qaytar reaksiyani vujudga keltiradi, deyiladi. Shuning uchun egallagan bilimni qaytarish yo’li bilimni “turtib” turish kerak, deyiladi; Natijaviy qonunda – reaksiya ijobiy bo’lsa, bilim mustahkamlanadi, agar salbiy bo’lsa, xotira uni o’chirib tashlaydi, deyiladi 1 Ta’lim prinsiplarini belgilash o’lchovlari 2 . U yoki bu didaktik xodisaga oid qarashlarni didaktik prinsiplar qatoriga kiritishning o’ziga xos mezonlari mavjud. Ularga quyidagilar kiradi: Umumiylik. Ta’lim prinsiplari o’quv-tarbiya jarayonining barcha komponentlariga – ta’limning mazmuni, vositalari, usullari, tashkiliy shakllari, natijalari uchun mushtarakdir. Binobarin, bolalarning real bilish imkoniyatlariga mos keladigan ta’lim mazmunini belgilashda, ta’limning turli normativ modellarini (o’quv dasturi, darslik o’quv qo’llanmalari) yaratishda, ta’limning tashkiliy shakllari, vositalari, usullarini tanlashda ta’lim prinsiplariga rioya qilinadi. Amaliyot uchun yaroqlilik. Ta’lim prinsiplari – pedagogik amaliyotga yo’nalgan. Ta’limni hozirgi zamon talablari darajasida tashkil etish, boshqarish va nazorat etish ehtiyojlariga mos bo’lmagan qarashlarni, qoidalarni ta’lim prinsiplari qatoriga kiritish mumkin emas. Ta’lim prinsiplariga ko’ra o’quv- tarbiya ishlari ta’lim-tarbiya birligi,nazariya bilan amaliyotning yagonaligi, ta’lim vositalari, usullari va sh.k optimal tanlash, ta’lim mazmunining bola shaxsiga yo’nalganligi kabi qator g’oyala amalga oshiriladi. Ta’limning samaradorligini oshirishga yo’nalganlik. Ta’lim prinsiplarining barchasiga rioya qilish va ularni amalga oshirish yo’li bilan o’quv-tarbiya jarayonining samaradorligi oshiriladi. Ta’lim mazmuni, vositalari, usullari, tashkiliy shakllarini maktab oldiga qo’yilgan ijtimoiy talablarga muvofiqlashtirish, bolalarning eng yuqori darajadagi taraqqiyotini ko’zlab ta’limni tashkil etish, o’quvchilarning 1 Ҳасанбоев Ж., Тўрақулов Х.А., Алқаров И., Усмонов Н.Ў., Исъянов Р.Г., Юзликаев Ф. Педагогика назарияси (Дидактика): Олий ўқув юртлари учун дарслик. – Тошкент: Фан ва технологиялар, 2011.62 б 2 O.Roziqov,B.Adizov, G.Najmidinova. Umumiy didaktika. Buxoro., “Durdona”, 2012 й, 151 b ma’lumot mazmuni va faoliyat usullarini parallel egallashlariga erishish kabi tadbirlarni o’quv-tarbiya jarayoniga uzluksiz joriy etish yo’li bilan ta’limning natijasi, uning sifati yaxshilanadi, ta’lim uchun ajratilgkan vaqtdan unumli foydalanishga shart-sharoit tayyorlanadi. Ta’limning samaradorligini oshirishga oid tadbirlar va ularni o’quv-tarbiya jarayoniga tadbiq etish yo’li bilan qo’lga kiritiladigan yutuqlar ta’lim prinsiplari asosida oldindan belgilanadi. Download 1.02 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling