Ҳужжат кучини йўқотган

22812 Келгуси давр фоизли даромадлари
Ҳисобварақнинг таърифи: олдиндан олинган ва уларнинг амалда ишлаб топилганлигига қараб даврий равишда даромадга ўтказиладиган, фоизлар/дисконтлар ҳисоби олиб борилади.
Ҳисобварақнинг кредитида олинган фоизлар/дисконтлар суммаси акс эттирилади.
Ҳисобварақнинг дебетида ишлаб топилган фоизлар /дисконтлар суммаси ҳисобдан чиқарилади.
Таҳлилий ҳисоб даромадлар тури бўйича алоҳида шахсий ҳисобварақларда олиб борилади.
22896 Бошқа муддати узайтирилган даромадлар
Ҳисобварақнинг таърифи: юқорида кўрсатилган туркум таърифларга мос тушмайдиган, уларнинг амалда ишлаб топилганлигига қараб даврий равишда даромадга ўтказиладиган, олдиндан ундириб олинган суммалар ҳисоби олиб борилади.
Ҳисобварақнинг кредитида юқорида кўрсатилган туркум таърифларга мос тушмайдиган олдиндан ундирилган даромадлар суммаси акс эттирилади.
Ҳисобварақнинг дебетида ишлаб топилган даромадлар суммаси ҳисобдан чиқарилади.
Таҳлилий ҳисоб даромадлар тури бўйича алоҳида шахсий ҳисобварақларда олиб борилади.
23100 Мижозларнинг пластик карталарига ўтказилиши лозим бўлган пул маблағлари бўйича транзит ҳисобварағлари
23102 Юридик шахсларнинг корпоратив пластик карталарига ўтказилиши лозим бўлган пул маблағлари бўйича транзит ҳисобварағлари
Ҳисобварақнинг таърифи: юридик шахсларнинг корпоратив пластик карталари ҳисобварақларига ўтказиладиган пул маблағлари ҳисоби олиб борилади.
Ҳисобварақнинг кредитида юридик шахсларнинг асосий ҳисобварақлари ва филиалларнинг ҳисобварақларидан келиб тушган пул маблағлари суммаси акс эттирилади.
Ҳисобварақнинг дебетида юридик шахсларнинг корпоратив пластик карталари ҳисобварақларига ўтказилган пул маблағлари суммаси акс эттирилади.
Таҳлилий ҳисоб ҳар бир юридик шахс бўйича алоҳида шахсий ҳисобварақларда олиб борилади.
23104 Якка тартибдаги тадбиркорларнинг корпоратив пластик карталарига ўтказилиши лозим бўлган маблағлар бўйича транзит ҳисобварақлар
Ҳисобварақнинг таърифи: якка тартибдаги тадбиркорларнинг корпоратив пластик карталари ҳисобварақларига ўтказиладиган пул маблағлари ҳисоби олиб борилади.
Ҳисобварақнинг кредитида якка тартибдаги тадбиркорларнинг асосий ҳисобварақларидан келиб тушган пул маблағлари суммаси акс эттирилади.
Ҳисобварақнинг дебетида якка тартибдаги тадбиркорларнинг корпоратив пластик карталари ҳисобварақларига ўтказилган пул маблағлари суммаси акс эттирилади.
Таҳлилий ҳисоб ҳар бир якка тартибдаги тадбиркор бўйича алоҳида шахсий ҳисобварақларда олиб борилади.
23106 Иш ҳақи ва унга тенглаштирилган тўловлар, шунингдек пенсиялар, компенсациялар ва бошқа ижтимоий тўловлар бўйича хўжалик юритувчи субъектлар ходимларининг пластик карталарига ўтказилиши лозим бўлган маблағлар бўйича транзит ҳисобварақлари
Ҳисобварақнинг таърифи: хўжалик юритувчи субъектлар томонидан иш ҳақи ва унга тенглаштирилган тўловлар, шунингдек пенсиялар, компенсациялар ва бошқа ижтимоий тўловлар бўйича ўз ходимларининг пластик карталарига ўтказиладиган пул маблағлари ҳисоби олиб борилади.
Ҳисобварақнинг кредитида хўжалик юритувчи субъектлар ҳисобварақлари ёки филиалларнинг ҳисобварақларидан ўтказилган пул маблағлари суммаси акс эттирилади.
Ҳисобварақнинг дебетида 22618 — «Жисмоний шахсларнинг пластик карточкалари бўйича мажбуриятлар» жисмоний шахсларнинг пластик карталари ҳисобварақларига ўтказилган пул маблағлари суммаси акс эттирилади.
Таҳлилий ҳисоб ҳар бир хўжалик юритувчи субъект бўйича алоҳида шахсий ҳисобварақларда олиб борилади.
23108 Иш ҳақи ва унга тенглаштирилган тўловлар, шунингдек пенсиялар, компенсациялар ва бошқа ижтимоий тўловлар бўйича бюджет ташкилотлари ходимларининг пластик карталарига ўтказилиши лозим бўлган маблағлар бўйича транзит ҳисобварақлар
Ҳисобварақнинг таърифи: давлат бюджети ва бюджетдан ташқари жамғармаларнинг маблағлари ҳисобига иш ҳақи ва унга тенглаштирилган тўловлар, шунингдек пенсиялар, компенсациялар ва бошқа ижтимоий тўловлар бўйича ўтказиладиган ҳамда бюджет ташкилотлари, давлат ҳокимияти ва бошқаруви органлари, уларнинг муассасалари ва ташкилотлари ходимларининг пластик карталари ҳисобварақларига ўтказиладиган пул маблағлари ҳисоби олиб борилади.
Ҳисобварақнинг кредитида давлат бюджети ва бюджетдан ташқари жамғармаларнинг маблағлари ҳисобига бюджет ташкилотларининг 20203, 20204, 20205, 21506, 21508, 23400 ҳисобварақларидан ўтказилган пул маблағлари суммаси акс эттирилади.
Ҳисобварақнинг дебетида 22618 — «Жисмоний шахсларнинг пластик карточкалари бўйича мажбуриятлар» жисмоний шахсларнинг пластик карталари ҳисобварақларига ўтказилган пул маблағлари суммаси акс эттирилади.
Таҳлилий ҳисоб бюджет ташкилотлари бўйича алоҳида шахсий ҳисобварақларда олиб борилади.
23110 Иш ҳақи ва унга тенглаштирилган тўловлар, шунингдек пенсиялар, компенсациялар ва бошқа ижтимоий тўловлар бўйича Давлат хавфсизлик хизмати, Ички ишлар вазирлиги, Мудофаа вазирлиги, Фавқулодда вазиятлар вазирлиги ва Давлат божхона қўмитаси ходимлари (контингент)нинг пластик карталарига ўтказилиши лозим бўлган маблағлар бўйича транзит ҳисобварақлар
(III-бўлим 23110-ҳисобварақ номи Ўзбекистон Республикаси Марказий банки Бошқарувининг 2018 йил 8 сентябрдаги 29/3-сонли қарори (рўйхат рақами 773-37, 15.10.2018 й.) таҳририда — Қонун ҳужжатлари маълумотлари миллий базаси, 16.10.2018 й., 10/18/773-37/2054-сон)
Ҳисобварақнинг таърифи: давлат бюджети ва бюджетдан ташқари жамғармаларнинг маблағлари ҳисобига иш ҳақи ва унга тенглаштирилган тўловлар, шунингдек пенсиялар, компенсациялар ва бошқа ижтимоий тўловлар бўйича ўтказиладиган ҳамда Давлат хавфсизлик хизмати, Ички ишлар вазирлиги, Мудофаа вазирлиги, Фавқулодда вазиятлар вазирлиги ва Давлат божхона қўмитаси ходимлари (контингент)нинг пластик карталарига ўтказиладиган пул маблағлари ҳисоби олиб борилади.
(III-бўлим 23110-ҳисобварағининг иккинчи хатбошиси Ўзбекистон Республикаси Марказий банки Бошқарувининг 2018 йил 8 сентябрдаги 29/3-сонли қарори (рўйхат рақами 773-37, 15.10.2018 й.) таҳририда — Қонун ҳужжатлари маълумотлари миллий базаси, 16.10.2018 й., 10/18/773-37/2054-сон)
Ҳисобварақнинг кредитида давлат бюджети ва бюджетдан ташқари жамғармаларнинг маблағлари ҳисобига юқорида кўрсатилган бюджет ташкилотларининг 20203, 20204, 20205, 21506, 21508, 23400 ҳисобварақларидан ўтказилган пул маблағлари суммаси акс эттирилади.
Ҳисобварақнинг дебетида 22618 — «Жисмоний шахсларнинг пластик карточкалари бўйича мажбуриятлар» жисмоний шахсларнинг пластик карталари ҳисобварақларига ўтказилган пул маблағлари суммаси акс эттирилади.
Таҳлилий ҳисоб юқорида кўрсатилган бюджет ташкилотлари бўйича алоҳида шахсий ҳисобварақларда олиб борилади.