Umumiy pedagogika o‘zbekiston Respublikasi Oliy va o‘rta maxsus ta’lim vazirligi tomonidan darslik

11 yillik majburiy о‘rta ta’lim tizimini boshqarish 
11 yillik majburiy о‘rta ta’lim tizimini samarali boshqarish va 
sifatini ta’minlash uchun maktab, mahalliy hamjamiyat, ijtimoiy 

---

51 
sheriklar va davlat boshqaruv organlarining vazifalari aniq taqsim-
lanadi. 
Ta’lim sifati, о‘z-о‘zini baholash muntazamligini ta’minlash 
maktabni boshqarishning muhim tarkibiy qismi hisoblanadi. Yangi 
sharoitlardagi ta’lim sifatida о‘quvchilar tomonidan erishilgan turli 
faoliyat sohalaridagi muammolarni mustaqil hal qilish imko-
niyatini ta’minlovchi ta’limiy va shaxsiy natijalar tushuniladi.
11 yillik majburiy о‘rta ta’limdan kutilayotgan natija davlat 
tomonidan qо‘yilgan ijtimoiy buyurtmaga mos bо‘lishi ta’min-
lanadi. Ta’lim sifatining muntazam ortishini ta’minlash uchun: 
- boshqaruv, rahbarlik, hisobot va tegishli hujjatlarni ishlab 
chiqish tizimini takomillashtirish; 
- ta’lim sifati, maktab faoliyatining tashxis va monitoring 
tizimini rivojlantirish;
- kompetentli yondashuvga asoslangan о‘qitish tizimini keng 
tatbiq etish; 
- turlicha rivojlanish darajasi va alohida ehtiyojga ega bо‘lgan 
о‘quvchilarning huquqlarini ta’minlash maqsadida ular rivojlanishi 
uchun zarur ta’lim muhitini yaratish; 
- kompetensiyaviy yondashuv asosida ta’lim sifatini baholash-
ning yangi tizimini joriy etish choralarini ishlab chiqish taqozo 
qilinadi. 
Ta’lim muassasalarida ta’lim jarayonining har bir subyektini 
о‘zini-о‘zi rivojlantirish tizimiga о‘tishiga olib keluvchi ilg‘or 
texnologiyalarni qо‘llanilishiga erishish nazarda tutiladi.
11 yillik majburiy о‘rta ta’limda tizimida inklyuzivlik 
11 yillik majburiy о‘rta ta’limda imkoniyati cheklangan 
о‘quvchilar uchun teng imkoniyatlar yaratiladi. Ular: 
− о‘quvchilarning alohida ehtiyojlarini qondirish uchun 
inklyuziv ta’lim muhiti yaratiladi; 
− 11 yillik majburiy о‘rta ta’limning barcha bosqichlarida 
inklyuziv ta’limni amalga oshirishning meyoriy-huquqiy bazasi 
takomillashtiriladi; 
− 11 yillik majburiy о‘rta ta’lim muassasalari uchun peda-
goglarni tayyorlash, malaka oshirish kurslari dasturiga inklyuziv 
ta’lim muammolari singdiriladi; 

---

52 
− maktab rahbarlari va pedagoglarning malakasini oshirish 
dasturlariga inklyuziv о‘quv muhitida ishlash bilan bog‘liq alohida 
mavzular kiritiladi.
Milliy va xalqaro, shuningdek, jamoat tashkilotlarining 
tajribalarini hisobga olgan holda 11 yillik majburiy о‘rta ta’lim 
muassasalari pedagog xodimlari uchun inklyuziv ta’lim bо‘yicha 
ilmiy-uslubiy ishlanmalar ishlab chiqish va imkoniyati cheklangan 
о‘quvchilarning ota-onalarini tavsiyalar bilan ta’minlashga alohida 
e’tibor qaratiladi. 
Inklyuziv ta’lim sharoitida alohida ehtiyojga ega bо‘lgan 
о‘quvchilar bilan ish olib boradigan pedagoglarni uslubiy qо‘llab-
quvvatlash uchun xalq ta’limi xodimlarining malakasini oshirish 
muassasalari bazasida zarur sharoitlar yaratiladi.
Akademik litsey o‘quvchilarning imkoniyatlari va qiziqishlarini 
hisobga olgan holda ularning jadal intellektual rivojlanishi chuqur, 
sohalashtirilgan, tabaqalashtirilgan, kasbga yo‘naltirilgan ta’lim 
olishlarini ta’minlash maqsadida davlat ta’lim standartlariga muvofiq 
ta’lim beruvchi, yuridik maqomga ega ta’lim muassasasidir. 
Akademik litseylarda o‘quvchilar o‘zlari tanlab olgan ta’lim 
yo‘nalishi (gumanitar, texnika, agrar va boshqa sohalar) bo‘yicha 
bilim saviyalarini oshirish hamda o‘zlarida fanni chuqur o‘rga-
nishga qaratilgan maxsus kasb-hunar ko‘nikmalarini shakllantirish 
imkoniyatiga ega bo‘ladilar. Akademik litseylar
uzluksiz va 11 
yillik muddatda amalga oshirilib,
asosan oliy o‘quv yurtlari qoshida 
tashkil etiladi.