Urunova shaxlo rafikovna

Asoslovchi bosqichda (tashhislash va muammoni aniqlash) (2021–2022-o‘quv yili) nofilologik OTMlarda robototexnika yo‘nalishi uchun hujjatlar jamlamasi, jumladan ishchi o‘quv dasturlar, adabiyotlar tahlil qilindi va ingliz tili darslari kuzatib borildi.
Shakllantiruvchi bosqichda robototexnika yo‘nalishidagi talabalarning kasbiy kompetentligini oshirish va terminologik bilimini rivojlantirishning biz tadqiqot ishimizda ishlab chiqgan metodik ta'minotini tajriba-sinovdan o‘tkazdik.
Tajriba-sinov ishlarining uchinchi, tasdiqlovchi bosqichida tajriba-sinov ishlariga yakun yasaldi, xulosalandi.
Tajriba va nazorat guruhi talabalarining nazorat savollarga bergan javoblari, reyting nazorati talabiga muvofiq baholandi, ya’ni: a’lo (yuqori) - 5 baho; yaxshi - 4 baho; qoniqarli - 3 baho, qoniqarsiz - 2 baho. Biz talabalarning ingliz tilida robototexnika sohasidagi terminologik leksikani bilishi va kasbiy ingliz tilida nutqiy ko‘nikmalar shakllanganlik darajasini tekshirishda quyidagi baholash mezonlariga asoslandik.( 3.1.4 va 3.1.5-jadvallar)
4-jadval
Ingliz tilida robototexnika sohasidagi terminologik leksikani bilishning baholash mezonlari

Ballar	Ingliz tilida robototexnika sohasidagi terminologik leksikani bilishning baholash mezonlari
5 ball	Terminlarning ma’nosini to’liq anglaydi, terminlarni qaysi so’z turkumga tegishli ekanligini to‘liq biladi, bir so‘z turkumidagi terminlardan boshqa so‘z turkumidagi terminlarni yasay oladi, va ikkita termindan terminologik brikma hosil qila oladi, gaplarda terminlarni grammatik va leksik normalar asosida to‘g‘ri ishlata oladi
4 ball	Terminlarning ma’nosini yetarlicha anglaydi, terminlarni qaysi so’z turkumga tegishli ekanligini yetarlicha biladi, bir so‘z turkumidagi terminlardan boshqa so‘z turkumidagi terminlarni qisman yasay oladi, gaplarda terminlarni grammatik va leksik normalar asosida ishlata oladi va hatolar kam bo‘ladi
3 ball	Terminlarning ma’nosini qisman anglaydi, terminlarni qaysi so’z turkumga tegishli ekanligini ajratishda qisman xatolar qiladi, bir so‘z turkumidagi terminlardan boshqa so‘z turkumidagi terminlarni yasashda xatolarga yo‘l qo‘yadi, gaplarda terminlarni grammatik va leksik normalar asosida ishlatishda xatolar qiladi.
2 ball	Terminlarning ma’nosini tushunmaydi, terminlarni qaysi so’z turkumga tegishli ekanligini ajrata olmaydi, bir so‘z turkumidagi terminlardan boshqa so‘z turkumidagi terminlarni yasay olmaydi, gaplarda terminlarni grammatik va leksik normalar asosida ishlata olmaydi.